Lucas 1:32 - La'aqtaqa Ñim Lo'onatac 'Enauacna 2013
32 Que'eca nogotolec ivira'a qome da ỹataqta 'amaqtaqaic, qataq camaye qome da nỹaxanataguec 'eeta' «Llalec Ñim Lo'onatac 'Enauacna maye 'amaqtaqaic.» Qaq Ñim Lo'onatac 'Enauacna ỹanagui qome camaye da Nta'a, 'eeta'am naqa'en som David maye chegoxoguet.
nache huo'o qome ca 'oonolec maye chegoxoguet so David, ca ivira'a da nta'a, qaq dam lo'onataxanaxac maye saldaỹai', qalaq na'attalec qome da nchoxonnataxanaxa, qataq huo'o naq 'enec qanqa'en da huo'o ca nmit nasouaxashet, qataq lapaxañi qome nam no'on lataxacpi, qataq saỹaỹaloxon da ỹo'ot ca nalochiguiñi lataxac.
Ñim Nataxala', ỹanem co'ollaxa so David so la'aqtac, maye saishet da sa ipaguelec, 'eeta': «Ca 'oonolec ca 'aỹa'alaqpi sanagui qome da 'aro'onataxanaxac da nta'a.
Nache So Jesús 'enapega so saqcha'a na'añaxac leguemaxaic, 'eeta': –¡'Am saqcha'a na'añaxac leguemaxaic, qoca'ai ne'ena ỹale! Nache se'eso saqcha'a na'añaxac leguemaxaic, na'axannec da la'alaxac da ỹasateguet Somaye, 'eeta': ¿Ta'ainco' ye aỹem 'atapegueua'a, 'am Jesús, maye 'am Llalec Ñim Lo'onatac 'Enauacna maye 'amaqtaqaic? ¡Saishet da 'auauo'o ca ñeque'eenaxac! ¡Ñimaye aỹem ỹauaachigui nagui da 'am seỹaxaatacot da saishet qome da 'auauo'o ca ñeque'eenaxac!
Nataqa'en 'auauo'o aca 'ere, nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Filadelfia. Qoneta': «Aỹem maye ỹoqta 'eesa da Aỹem Llalec Ñim Lo'onatac 'Enauacna qataq selo'ogue da lo'onataxanaxac co'ollaxa so nta'a David. Da ivita da sauatoigui ca lasom, nache qaica ca ishet da ỹapogui, qaq da sapogui qalaq qaica ca ỹe'eguelaxalec da ỹauatoigui. Qaq nagui ñaq 'ana'axaỹaxana dam 'am sa'axatem:
Qalaxaye so David ye la'aqtaxanaxanec Ñim Lo'onatac 'Enauacna. Nache somaye ỹaỹaten da Ñim Lo'onatac 'Enauacna ỹachaxanapecot somaye da chegoxoguet qome ca lta'a na Israel le'ecpi.
Ỹoqo'oye qami', Israel le'ecpi, iuen da ỹataqta qauaỹaañita de'era, da So Jesús maye qami' qauaxañiiuo co'ollaxa, nacheso so ỹanagui Ñim Lo'onatac 'Enauacna da Qarataxala' qataq Lca'aguishec Ñimaye.
Nache na shiỹaxauapi 'enapega Somaye, 'eeta': –Qomi' saỹatenaq chegoqchigui ana nere maye huetalec na la'aqtacpi Ñim Lo'onatac 'Enauacna da que'eca Lca'aguishec Ñimaye maye qaiuattaique, nache 'eetai' da nca'altauec. Qalaq ¿ta'ainco' ye 'am qonetega da que'eca Shiỹaxaua Llalec, qaiuaxaneguet qome ca npe'enaxaqui? Qaq ¿chaq negue'to' que'eca Shiỹaxaua Llalec?
Qalaxaye So Jesús ỹe'emaqtom, saishet da ỹasat. –Nache som lta'a na ntaxaỹaxanaxanecpi da qaitaxaỹapegue' Ñim Lo'onatac 'Enauacna qaltaq ỹe'eguelaxalec da inat, 'eeta': –¿Peta'a nache 'am maye 'am Lca'aguishec Ñim Lo'onatac 'Enauacna, qataq 'am Llalec Ñimaye, maye 'enauac da qaỹo'oxoreetac?
Qaq na'aictaxa da Ñimaye maye 'amaqtaqaic saishet da netaigui ca choche lo'onatac nỹec ca shiỹaxaua. Cha'aye nache 'enapec naua nanettrañi la'aqtaqa som la'aqtaxanaxanec, maye 'eeta':
Qalaxaye qami' ỹataqta qauauochec ca qami' ipa'agueeta'ape, qataq qauaỹamaxacheeta qataq da huo'o ca qaua'aalaxanaxañic qalaq saishet da qauacheeta'a da qami' isheete'n. Cha'aye da nache qoñiitec de'era, nache Ñim Lo'onatac 'Enauacna maye 'amaqtaqaic qami' ỹanema ca qansheetenaguiiqui qataq ỹataqta qami' llalqa. Ñimaye ỹataqta choxonnataxanaxaic, ichoxoren na shiỹaxauapi maye qauem da lataxac qataq sa nmanapec.
Qalaxaye so Juan 'enapega 'enauac so shiỹaxauapi, 'eeta': –Aỹem 'eesa da qami' ñachelaxanguilo nagui na 'etaxat, qalaxaye huo'o na aỹem nca'attalec maye ỹataqta ỹactec da la'añaxac napacalec aỹem. Namaye qami' nachelaxanguilo So Saqcha'a Na'añaxac Qui'itta qataq norec. ¡Aỹem ỹataqta sa yaloua'a Namaye na'aictaxa da choche aỹem l-latac!
Aso nate'e maye neta'ague da taguiñi nataqa'en nachaañi qome da detaqa da qami' dataỹa'agueta. Cha'aye asomaye chegoqta'a co'ollaxa yem ỹataqta qaỹoqta 'alhua da na'axaỹaxana dam laỹaanec so nta'a Salomón. Qalaxaye qami' saishet da qauaỹamaxayiñi da qana'axaỹaxañiỹa da ỹapaxaguenataxanaxac, na'aictaxa da ñapacalec da la'amaqchec so Salomón.
Qaq ca 'aỹa'alaqpi qom ipacchigui da ñaỹamaxataxac, qataq na iqataxacpi maye sapaxaguenec, nache nataqa'en ca llalaqpi camayepi talec qome, da 'aro'onataxanaxac nache chochaq tatec qome.»
Qaq da qoñiitec de'era, qalaq nache 'eetai' qome da huo'o ca nta'alpi da nso'ongui añi nso'onaxaqui so David, qataq da tatoigui ne'ena lasompi ne'ena huaqta'a't nỹecpi, huota'a ana naigonapi, qataq na caipi, nnaictague' na lataxala'pi, qataq na shiỹaxauapi lma' ye Judá, qataq ye Jerusalén. Qaq ye Jerusalén nache 'eetai' qome da huo'o na hueta'a shiỹaxauapi.
qom 'auatato'ot ñi nta'a ye Judá maye nso'ootangui añi nso'onaxaqui so David qataq nam 'amaqtaqaicpi ltauapi qataq shiỹaxauapi maye hueta'a ye huaqta'a't nỹecpi, nache qoneta': ‹Ña qana'axaỹaxañiỹa da la'aqtac Ñim Nataxala'.
Qaq qom ñaq huetaigui da lo'onataxanaxac que'eca nta'alpi, nache Ñim Lo'onatac 'Enauacna maye neto'ot na piguem, nauaxaỹaxaasheguem qome ca no'onataxanaxac maye saishet qome da nlaguiñi, qataq saishet qome da anac ca laỹepi ỹotta'a't shiỹaxauapi da ilo'ogue, nacherata da camaye nlaxaañi da lo'onataxanaxac na laỹepi nta'alpi, qaq camaye chochaq tatec qome.