Lucas 1:29 - La'aqtaqa Ñim Lo'onatac 'Enauacna 2013

²⁹ Aso María ỹataqta ỹe'elaqchet co'ollaq hua'axaỹa de'era nquinaxanaxac maye ỹataqta saq qaỹauanapega, nache asomaye nnattapeguela't, 'eeta': «¿Chaq 'eetec ca naigui de'era nquinaxanaxac?»

Nuevo Testamento Toba Sur

²⁹ Qalaxayi asomayi co'ollaq ila'a so Dios lamaxashic, nachi ÿataqta i'elaxam de'eda l'aqtac, nachi asomayi nchimaxatteguela't, 'eeta': “¿Chaq 'éetec ca naigui de'eda nquinaxanaxac?”

Nuevo Testamento Toba Sombrero Negro

²⁹ María jalcote da'me yoqoche'ema naajo' 'naqataqa, qama'le uenate'ta jach'e jogamaĝa yelo'teguet da'me dojo' nep'iyenataĝanaĝac.

Lucas 1:29 Referans Kwoze

Hechos 10:17

Qaq co'ollaq ña deuennataxaatac so Pedro da chaq 'eetec ca naigui se'eso lauanaqchec, nache mashe nvildeua'a ye lma' so Simón soua ỹale't maye lamaxa'she so Cornelio.

Hechos 10:4

Nache somaye ỹamato'ot se'eso namaxashec, qalaxaye ỹataqta ñi'i. Nache inattac, 'eeta': –¿Negue'tca, 'am Ỹataxala'? Nache som namaxashec 'enapego' somaye, 'eeta': –Ñim Lo'onatac 'Enauacna ỹataqta ỹaỹamaxareeta da 'anqouagaxaunaxac qataq dam 'artaunaxanaxac da 'autauaatac nam choxoraqpi da lhuenaxanaxa.

Lucas 1:12

Qaq co'ollaq so Zacarías da ila'a so namaxashec, nache ỹataqta lta'araic da lcolanaxa qataq sa ỹaỹaten ca 'eetec.

Lucas 2:51

Nache So Jesús ỹe'eguelaq nnaicapegueto soua lta'al da ỹe'eguelaxaregue da Nazaret, qataq ỹataqta ỹalaxagueta soomaye. Qaq aso late'e ỹataqta deuennataxaateguelec 'enauac de'era huaiguilo soomaye.

Lucas 2:19

Nache aso María nataqa'en ỹataqta huo'o da la'aalaxa 'enauac de'era, nache saishet da ỹaxaañi da iuennatega.

Lucas 1:66

Qaq ỹataqta deuennataxaatac 'enauac nam ivirauga da ỹaỹaten de'era, qataq nnattega't, 'eeta': «¿Chaq 'eetec qome ca taỹa'a se'eso nogotolec?» Cha'aye 'enauac da qaỹaỹaten da Ñim Lo'onatac 'Enauacna hueta'aguet somaye.

Mateo 16:7

Nache soua lapaxaguenataqa detaqtega't co'ollaxa, 'eetra': «Ỹoqta da nasaxauec de'era da Jesús souaxat da qomi' saishet da ñachoq aca nauole 'ayiiña.»

Lucas 1:28

Nache so namaxashec taua'a ca hueta'a aso María, nache iquin, 'eeta': –¡Ñim Lo'onatac 'Enauacna 'am ỹanem da lqouagaxanaqtaic maye ỹataqta no'on! Ñim Nataxala' 'am hueta'aguet.