Lucas 1:28 - La'aqtaqa Ñim Lo'onatac 'Enauacna 2013

²⁸ Nache so namaxashec taua'a ca hueta'a aso María, nache iquin, 'eeta': –¡Ñim Lo'onatac 'Enauacna 'am ỹanem da lqouagaxanaqtaic maye ỹataqta no'on! Ñim Nataxala' 'am hueta'aguet.

Nuevo Testamento Toba Sur

²⁸ Nachi so lamaxashic ñi Dios pa'aigui so lma' mayi netaigui asomayi. Nachi iquin, 'eeta': –¡'Am mayi nachi'am nqouaguec ñi Dios! Ñi qadataxala' 'am hueta'aguet. Ñimayi 'am ÿanem da lqouagaxanaqtaic, qaq sa ishit da qoneta'am 'enauac na 'adaÿipi 'alpi.

Nuevo Testamento Toba Sombrero Negro

²⁸ Joñe'me piyem le'ec yenoĝoneuo'o ga'me ue'ta jañe'me qama'le enaac: —¡Am jep'iyen, María! Am jo'ne am yotauan joñe'me Jaliaĝanec: ¡nach'eñe am ue'tajop!

Lucas 1:28 Referans Kwoze

Daniel 10:19

nache aỹem 'enapega, 'eeta': «Saishet da 'añi'i, qataq saishet da ỹapac da 'arhuogoxo. Ñim Lo'onatac 'Enauacna 'am ỹauotec, ¡qaq ỹoqo'oye 'ana'añaxat, qataq 'aua'añaxachigui ye 'arhuel!» Qaq so ñaq aỹem detaqtacot nache ñanomteguet da huo'o da ỹa'añaxac, nache shenapega somaye sheeta': 'Am Nataxala' aỹem 'autaxaỹot nagui, cha'aye mashe aỹem 'avi'eguelaxatem da ỹa'añaxac.

Jueces 6:12

Nache so nale piguem le'ec Ñim Nataxala', nachaxana somaye nache, 'eeta': «¡Ñim Nataxala' 'am hueta'aguet, cha'aye 'am 'añaxaic, qataq qaramchigui ye 'arhuel!»

Lucas 1:30

Nache se'eso namaxashec 'enapeco': –María, 'am saishet da 'añi'i, cha'aye Ñim Lo'onatac 'Enauacna ỹataqta 'am tatelec da lqouagaxanaqtaic.

Efesios 1:6

Ñim Lo'onatac 'Enauacna ỹo'ot 'enauac de'era da yaqto' sho'oxorenaq dam lta'araic qataq ỹo'oxoraq lsoxoyec. Qaq ỹoqo'oye huo'o da qana'achecỹaxac souaxat da lta'araic lsoxoyec qataq qomi' ỹanema da qarca'alaxa, ỹachegoxotchigui so lauotaxat Llalec.

Hechos 18:10

Cha'aye Aỹem 'am soota'aguet, qaq saishet qome da huo'o ca 'am ỹaconeua'a da huo'o ca 'am ỹo'otec. Cha'aye ỹataqta qalota na shiỹaxauapi na netaña ne'ena nỹecpi na ỹalamaxatpi.

Lucas 1:42

ime, nache asomaye ỹataqta nlamaxaren da 'enapega aso María, 'eeta': –Ñim Lo'onatac 'Enauacna ỹactec da 'am ỹanem lqouagaxanaqtaic, qaq saishet da qoneta'am na laỹepi 'alpi. Nataqa'en na 'aỹa'alec qome ỹanem da lqouagaxanaqtaic.

Jueces 5:24

¡Ỹataqta ỹo'oxoraq aso Yael da ỹalectaigui so laỹepi 'alpi, asom lhua so Jéber maye queniita! ¡Ỹataqta ỹo'oxoraq da ỹalectaigui so 'alpi maye netaña se'eso npe'lpi!

Mateo 12:48

Qalaxaye Somaye denataxan, 'eeta': –¿Negue't acam ỹataqta 'eesa da ỹate'e qataq ỹaqaỹañicpi?

Oseas 14:2

Ña qavi'eguelaqaỹa qome Ñim Nataxala', qauacheetac da achoxonnaxac maye, 'eeta': «Ña 'auapalaxat qome nam qauempi maye so'otaq, nache 'auaconeguet qataq 'auamaateguet da qayo'oxonnataxanaxac maye 'am sanaqtacot.

Isaías 43:5

Saishet qome da 'añe'etac cha'aye Aỹem 'am soota'aguet. Qaq sachegoxotegue qome da nala' lliguisheguem qataq da nala' lliguiñi da ñe'eguelaxat qataq llaỹona't nam 'am chegoxoguetpi.

Rut 2:4

Qaq huaqchigui co'ollaxa da se'eso na'a'q nvirec so Booz, chegaqaua'a ye Belén, nache somaye iquin so deqataxaatacpi, 'eeta': ¡Qami' hueta'agueta qome Ñim Nataxala'! Nache somayepi ỹasateguet somaye, 'eeta': ¡Da lchoxonnataxanaxa Ñim Nataxala', 'am huetalec qome!

Lucas 1:27

da ira'a da la'aqtaxanaxac aso qa'añole le'enaxat María. Asomaye mashe huotaique da huaroneguet so José, maye chegoxoguet so nta'a David.

Lucas 1:29

Aso María ỹataqta ỹe'elaqchet co'ollaq hua'axaỹa de'era nquinaxanaxac maye ỹataqta saq qaỹauanapega, nache asomaye nnattapeguela't, 'eeta': «¿Chaq 'eetec ca naigui de'era nquinaxanaxac?»