Lucas 1:20 - La'aqtaqa Ñim Lo'onatac 'Enauacna 2013

²⁰ Qalaxaye 'am ye saishet da aỹem 'aua'amaqten, qaq nagui qaicaua naua 'ara'aqtaqa. Nato' qom mashe ivita da ipacchigui de'era 'am sa'aqtaxaateguem.

Nuevo Testamento Toba Sur

²⁰ Qalaxayi 'am, yi sa ishit da 'au'amaqten da shinapec, qaq nagui sa ishit qome da huo'oi naua 'ad'aqtaqa. Sa ishit da 'autaqa, to' qom mashi ivita da ñiguiñi ca 'ai'alec. Qaq damayi ipacchigui qome qom ivita ca laloqo'.

Nuevo Testamento Toba Sombrero Negro

²⁰ Qalaĝaja nayi, queda'me ja a'uamaqaten jaĝa'te da'me am ja'aĝatem, qama'le nayi cha'li ja auomachiyac qomle nataq'aen ja auoje; ja auaqanatet ta'le 'uo ga'me at'aqatac chayovida'a qom yenoĝodegue gaa'me noloqo'ote da'me male yepaquichigui da'me dojo'.

Lucas 1:20 Referans Kwoze

Ezequiel 3:26

Qaq nataqa'en so'ot qome da ñi 'arachaxat lapaxaguet na 'anaquiaq, nache qaicaua naua 'ara'aqtaqa. Nache sa 'aushet qome da 'anhuogaxa namayepi, na'aictaxa da sa ỹalaq ne'ena nhuo' le'ecpi.

Ezequiel 24:27

Qaq que'eca na'a'q, nache huo'oi qome naua 'ara'aqtaqa, nache ishet da 'ana'aqtaxane' qome que'eca 'eltaxaic. Qaq 'am nache 'am laloqnaxanaxat qome na nhuo' le'ecpi, qaq huaña qome nache namayepi ỹaỹaten da Aỹem nachaỹem Nataxala'.»

Apocalipsis 3:19

Cha'aye Aỹem ỹataqta seviraxato'ot, qataq saỹamaxaañi da lataxac nam ỹauotaxatpi. Qaq ỹoqo'oye 'avi'eguelaqot Ñim Lo'onatac 'Enauacna qataq imauec da 'aualaxaguet.

Hebreos 6:18

Qaq Ñimaye ye saishet da datenataxan, nache dam ỹachaxanapec qataq so ỹan la'aqtac chegoqchigui da maiche la'añaxac, saishet da naralaxat. Qaq damaye qomi' ỹa'añaqche't, cha'aye qomi' sauoqtaique da Ñim Lo'onatac 'Enauacna qomi' npaxattaleguete, qataq huo'o da qarpi'iỹaxac da Ñimaye qomi' ỹanema dam qomi' ỹachaxanapecoto.

Lucas 1:22

Qaq co'ollaq nnoxonec so Zacarías, nache saishet da detaqa, nachaqrata da ỹauota'aisalo naua lhuaxaye. Nache so shiỹaxauapi ỹaỹaten da so Zacarías huo'o so lauanaqchec.

Tito 1:2

qataq ỹaỹateeta da aquitaxac da achaalataxac maye chochaq tatec. Qaq Ñim Lo'onatac 'Enauacna maye sa datenataxan, Ñimaye ỹachaxanapec co'ollaxa de'era achaalataxac co'ollaq saxanaqaca ana 'alhua.

2 Timoteo 2:13

'Eetai' taxa da sa sepagaxalec ca qara'aqtac, qalaxaye So Cristo saishet da sa ipaguelec ca la'aqtac, cha'aye Somaye saishet da sa ipaguelec cam ỹachaxanapec, qataq sa naralaxat da lataxac.

Lucas 1:45

¡Ñim Lo'onatac 'Enauacna 'am talec naqa'en da lta'araic lqouagaxanaqtaic, cha'aye 'aua'amaqten dam ỹachaxanapec!

Marcos 16:14

Ime, nache So Jesús nachaxanalo soua once lapaxaguenataqa co'ollaq soomaye ñaq deque'eta'ape. Nache nlaqtegalo soomaye souaxat da qaica ca lpi'iỹaxa'c, qataq da ỹataqta qaramchiguilo naua lquiyaqtel, cha'aye soomaye saishet da ỹa'amaqte'n soua nauaneto Somaye da mashe qaltaq qanca'alaxatec.

Marcos 9:19

Nache So Jesús 'enapeco': –¿Ta'ainco' ye sa qauaỹaañi da qaupi'iỹa'ai Ñim Lo'onatac 'Enauacna? ¿Peta'a ỹapac da saishet da huo'o ca qauañoxoche da saishet da qami' soota'agueta? ¡Ñaq Aỹem qanaviquiỹa na nsoq!

Isaías 7:9

Ye nỹecpi ye Samaria nacheye ye netaña na nta'alpi ye Efraín, qaq so llalec so Remalías nacheso so nata'a ye Samaria qaq qami' da saishet da aỹem qaua'amaqchiñi, nache qaica qome ca no'onañi da qoñeeta.»

2 Reyes 7:19

Qataq so ltaua so nta'a co'ollaq ỹasateguet som la'aqtaxanaxanec Ñim Lo'onatac 'Enauacna, 'eeta': Qaq na'aictaxa taxa da Ñim Nataxala' ỹauatoigui ca lasom na piguem, qaq nache 'ena'am saishet da huo'o de'era qonapec. Qaq so Eliseo, 'enapeco': 'Am, 'auauaachigui qome de'era, qalaxaye saishet da 'avira'a da qollec.

2 Reyes 7:2

Nache so ltaua so nta'a, ỹasategueto' so la'aqtaxanaxanec Ñim Lo'onatac 'Enauacna, 'eeta': Qaq na'aictaxa taxa da Ñim Nataxala' ỹauatoigui ca lasom na piguem, qaq nache 'ena'am saishet da huo'o de'era qonapec. Nache so Eliseo, 'enapeco': 'Am, 'auauaachigui qome de'era, qalaxaye saishet da 'avira'a da qollec.

Números 20:12

Nache Ñim Nataxala' 'enapega so Moisés qataq so Aarón, 'eeta': «Qaq souaxat da saishet da huo'o ca qarpi'iỹaxaqui Aỹem, qataq saishet da Aỹem qavio'oxoyiñi da ỹauaachigui qanqa'eñi na Israel le'ecpi, nache saishet qome da qarỹaiteuo ne'ena shiỹaxauapi qom inoxoneua'a ye 'alhua maye sanem namayepi.»

Éxodo 4:11

Nache Ñim Nataxala' 'enapega, 'eeta': «¿Chaq negue't ca ỹauo'o na alap ca shiỹaxaua? ¿Qataq chaq negue't ca chegoqchigui da qaicaua naua la'aqtaqa ca shiỹaxaua, huo'otaq da da'añaigui na lqaic, huo'otaq da sa nauaañi, huo'otaq da nauaachiguiñi? ¿Peta'a sa nachaỹemo'?

Romanos 3:3

Qalaxaye ¿hua'ague ca 'eetec namayepi da huo'otaq sa ipaguelec de'era na'aqtac? Qaq ¿peta'a Ñim Lo'onatac 'Enauacna nache ỹaxaañi da saishet da ipaguelec da la'aqtac?

Daniel 10:15

Qaq so ñaq aỹem da'aqtaxaateguem de'era, nache selotaña na 'alhua, qataq qaica ca ñasaxauec ỹa'aqtac.

Lucas 1:19

Nache so namaxashec ỹasateguet somaye, 'eeta': –Aỹem maye nachaỹem Gabriel, maye so'onataxaatacot Ñim Lo'onatac 'Enauacna. Qaq Ñimaye aỹem namaxa da 'am sa'aqtaxanem de'era no'on 'ara'axaỹaxac.

Lucas 1:21

Qaq 'enauac so shiỹaxauapi maye pa'atauec, iuattaique so Zacarías, somayepi nnattega't da chaq ta'ainec da ỹataqta qaỹaloqteguet so Zacarías da nnoxonec.

Lucas 1:64

Nache huaña nataqa'en co'ollaxa da so Zacarías qaltaq ỹe'eguelaxalec da huo'oi naua la'aqtaqa, nache ỹo'oxoreetac Ñim Lo'onatac 'Enauacna.