Lucas 1:17 - La'aqtaqa Ñim Lo'onatac 'Enauacna 2013

¹⁷ Camaye nvi', qom saxanaxa da nvi' ca Nca'alaxaqui maye Lca'aguishec Ñim Lo'onatac 'Enauacna. Qaq de'era na'añaxac saqcha'a maye hueto'ot co'ollaxa so na'aqtaxanaxanec Elías, nachera da hueto'ot qome camaye. Da la'aqtaxanaxac ỹo'oteguet da ca nta'a nmaneto caua llalqa, qataq nam sa ỹalaq ila'a da lsomaxac, nache quegue da lataxac nam ỹataqta ỹalaq. Nataqa'en ỹaỹamaxaañi na Israel le'ecpi da yaqto' ỹataqta lhuotta da ỹaconeguet cam Lca'aguishec Ñim Lo'onatac 'Enauacna.

Nuevo Testamento Toba Sur

¹⁷ Qaq que'eca Juan, camayi hua'auta'ague qome da tata'ague ñi qadataxala'. Qaq ÿaatañi qome da lqui'iÿaxac qataq da l'añaxac so Dios l'aqtaxanaxanec l'enaxat Elías, da yaqto' ÿi'iguelaxateguet ca nta'a ca llalec da yaqto' saqca ca da, qataq yaqto' nam sa ishit da ÿalaq ishit da ÿaÿaten da ÿalaq. Qaq ÿaqataxanai' qome na shiÿaxauapi, da yaqto' lhuotta da ÿaconguet ca qadataxala'.

Nuevo Testamento Toba Sombrero Negro

¹⁷ Nach'eñe 'uau'tague ga'me dajo'tague ñe'me Jaliaĝanec, nataq'aen ue'tajop joñe'me Lepaqal choqoda'me lañoqotaĝanaĝac joñe'me, nach'e ena'am jo'me Dios 'laqataĝanaĝanec jo'ne Elías, qaedi netouenaĝanaĝa'n gaa'me net'al choqogaa'me c'oqo'te nataq'aen qaedi gaa'me qoleguetaĝanaĝaiquipi male yayate'n ta'le yoqochideta joñe'me Jaliaĝanec Dios. Naq'aeta da'me dojo' lajoĝoc da'me yivitaĝata't ga'me noic qaedi yacoteguet joñe'me.

Lucas 1:17 Referans Kwoze

Mateo 11:14

Da qaua'amaqchiñi qalqo' saishet, co'ollaq Ñim Lo'onatac 'Enauacna 'enapec da namaq ca la'aqtaxanaxanec Elías, nache 'eetega so Juan maye nachelaxanataxanaq.

Lucas 1:76

Qaq 'am ỹalcolec, 'am qoỹanagui qome da 'am: ‹La'aqtaxanaxanec Ñim Lo'onatac 'Enauacna maye 'amaqtaqaic.› 'Am 'aua'auta'ague qome da tata'ague cam Lca'aguishec Ñim Lo'onatac 'Enauacna, da 'auqataxanai' na shiỹaxauapi yaqto' lhuotta qom nvi' camaye.

Juan 3:28

Qaq qami' mashe qaua'aqaichigui aỹem co'ollaq sa'axatta da aỹem saishet da nachaỹem que'eca Lca'aguishec Ñim Lo'onatac 'Enauacna maye qaiuattaique, chaqrata da aỹem qana'auaxaata'ague na llec Camaye.

Salmos 78:8

Yaqto' saishet da 'eeta'am som hua'au chegoxoguetpi, maye sa ỹalaq qataq qaica ca ỹaỹaanapec, saishet da ỹataxalec da lquiyaqteỹaxac qataq naua lhuennataxaco, som shiỹaxauapi maye saishet da ỹoqta quetegue Ñim Lo'onatac 'Enauacna.

1 Crónicas 29:18

'Am Nataxala', maye 'Am Natamnaxala' soua Abraham, Isaac qataq so Israel maye qarta'al, qaq nache 'eetai' qome 'anqa'en da huetaigui da lquiyaqteỹaxac de'era nhuennataxac ne'ena 'aralamaxat nhuo' le'ecpi, qataq 'auaueca'aguet da lquiyaqteỹaxac da yaqto' saishet da 'am ỹaxanec.

Apocalipsis 20:4

Qaq can ime, nache sela'a aso so'onaxaquipi. Qaq asomayepi nso'ootangui som qaỹalauatpi co'ollaxa, souaxat da saishet da ỹaxanec da lpi'iỹaxac So Jesús, qataq da la'aqtaxanaxac Ñim Lo'onatac 'Enauacna. Somayepi nacheso so saishet da ỹo'oxoren so shiguiỹac leguemaxaic qataq som ne'enaqtac maye lqui'i somaye, qataq saishet da nasheneguet aso la'anaxanaqte da yaqto' qaỹa'an na latap, qataq na lhuaq. Qataq sela'a somayepi da qaltaq nca'alec, nache Ñim Lo'onatac 'Enauacna ỹami' da lo'onataxanaxaua Ñim Lca'aguishec Ñimaye, choche iviraxattraue'c caua mil vi'iye.

1 Pedro 2:9

Qalaxaye qami' qaualliquiitaigui na llalaqpi Ñim Lo'onatac 'Enauacna; qami' ltaxaỹaxanaxanaqa na shiỹaxauapi da qauo'onataxañiitacot Ñim Nta'a; qataq qami' lalamaqa'ate. Qaq de'era chegoqchigui Ñim Lo'onatac 'Enauacna co'ollaq qami' nqateeguesopa na napalaxa maye nachera da ñe'etaxaloxo, nache qami' inoxonaqcheteua'alo da yo'oqchiguiñi maye qaica ca 'ena'am da lyac. Qaq ỹoqo'oye qaua'axache da llo'oxoyec Ñim Lo'onatac 'Enauacna maye qami' ỹo'oteque.

Colosenses 1:12

da qaỹa'añiitacot da qana'achecỹaxaqui Ñim Lo'onatac 'Enauacna, maye Nta'a. Cha'aye Ñimaye iqataxaatapigui' da qomi' ỹanema qom huaigui dam lo'onataxanaxac maye yo'oqchiguiñi, da nsallaxa maye ỹachaxanapecot nam lalamaxatpi llalaqpi.

Salmos 111:10

Da naỹaanec chegoqchigui da huo'o naq 'enec qanqa'en Ñim Nataxala', qaq ca ỹo'o't damaye qalaq no'oñi naua laỹaanataxanaxaco. Qaq nache 'eetai' qome da qaỹo'oxoreetac Ñim Lo'onatac 'Enauacna.

2 Timoteo 2:21

Qaq nataqa'en qomi' da huo'o ca nshetaique da 'eco' nogoxoshet maye taiguet da ño'oxoyec, qataq nshetaique da qaiqui'itaxatta, qataq nshetaique da taiguet da lo'onataxanaxanec Ñim Nataxala', qaq camaye nale'en da iỹouec 'enauac na sa ỹaỹamaxañi, nache ỹataqta taiguet ca camachaqca no'onataxanaxac ỹaỹamaqchiguiñi.

Isaías 29:24

Qaq nam isomtapigui' co'ollaxa qalaq ỹaconeguet qome cam naỹaanataxanaxac, qataq nam saishet da qaitaxaỹaua'a, ỹasateguet qome da qaỹapaxaguen.»

Romanos 9:23

Qataq nataqa'en ỹachaxan da lta'araic lsoxoyec qataq la'añaxac da qomi' nca'alaxatre'c. Cha'aye nache 'eetai' co'ollaxa da lchoxonnataxanaxa da shenaqta qataq qomi' lca'agui'she da yaqto' souaqta'aguet Ñimaye.

Hechos 10:33

Qaq ỹoqo'oye ỹataqta sa saỹaloxonai' da 'am samaxasoxona. Qaq nagui no'on, cha'aye mashe 'anvi'. Qaq nagui qomi' souaqta'a ne'ena, qomi' lhuotte' da ña'axaỹaxanaxa cam 'am ỹamaxalec Ñim Lo'onatac 'Enauacna da qomi' 'aua'aqtaxanema, qataq qomi' saỹatenaqta da Ñimaye qomi' imeteeta'ape ne'ena na'a'q.

Juan 1:34

Qaq aỹem mashe sauaachigui Namaye, nache sa'axattac da Namaye, nachena na Llalec Ñim Lo'onatac 'Enauacna.

Juan 1:13

Qaq namayepi nagui ỹataqta llalaqpi Ñim Lo'onatac 'Enauacna, chegoqchigui da maiche lhuennataxa Ñimaye, qaq saishet da nachera da maiche lhuennataxa na shiỹaxauapi.

Lucas 1:16

Que'eca nogotolec, camaye ỹo'oteguet qome da qalota na Israel le'ecpi da ỹaxaañi da ỹo'ottac na qauemsat, ime, nache ỹalaxaguet Ñim Lo'onatac 'Enauacna.

Amós 4:12

Qaq ỹoqo'oye qami' Israel le'ecpi nataqa'en qami' so'oteque qome de'era, qaq cha'aye so'ot qome damaye nache qanaỹamaxache da qauanaiua'a nam Qanatamnaxala'ai.

Salmos 10:17

Qaq 'Am Nataxala', qalaq 'aua'axaỹa da natamnaxac na choxoraqpi, 'aua'añaqchet qataq 'aulo'oguet da lỹaxanaxac.

2 Crónicas 29:36

Qaq so Ezequías, qataq 'enauac so nhuo' le'ecpi ỹataqta machiguiñi, cha'aye Ñim Lo'onatac 'Enauacna, itaunec somayepi da ỹataqta saqaỹaloq da ime se'eso ỹo'ot.

1 Reyes 21:20

Nache so Ajab 'enapega so Elías, 'eeta': «¿'Am ñepa'aguenaxaua? ¿Qalaq isheto' da aỹem 'auanata?» Nache so Elías, 'enapeco': «Aja', 'am sanata, cha'aye nda'a't da 'auo'ottac na ỹataqta sa ỹaỹamaxaren Ñim Nataxala'.

1 Reyes 17:1

Qaq so na'aqtaxanaxanec Elías, maye lma' ye Tisbé, yem huagui ye 'alhua Galaad, 'enapega co'ollaxa so Ajab, 'eeta': «Ỹataqta 'eesa da nca'altauec Ñim Nataxala', maye Natamnaxala' na Israel le'ecpi, maye aỹem lamaxashec, da ne'enaua vi'iye qaica qome ca auot, qataq ca 'aỹa, nache choche ivitta'a qom ỹoltaq san ca ỹa'aqtac.»

1 Juan 2:28

Qaq ỹoqo'oye nagui qami' ỹalqolqa, no'on da nache qoquiito'ot da qana'ayeetaua'a So Cristo. Yaqto' qom ñe'eguelaq Somaye, nache nda'a't da qanaquitaxac, qaq saishet da huo'o ca qara'aloxo souaxat da ỹauo'o ca qanhuaxanaguec.

Mateo 3:4

Qaq naua alogo so Juan no'oxonqa, chegaqaigui na laue ana shiguiỹac le'enaxat nauanaxanaxa, qataq so nsaataxaqui lo'oc. Qataq chectac ana shiiquioxoi qataq na dapic maye aviaq le'ec.

2 Reyes 1:16

Nache 'enapego' so nta'a, 'eeta': Da la'aqtac Ñim Nataxala', 'eeta': «Qaq souaxat da 'auamaq so 'aramaxashecpi, da yaqto' 'aunat cam Baal Zebub maye atamnaxala' ye Ecrón, 'eeta'amo' da qaica Ñim Atamnaxala' na Israel da yaqto' 'aunat, nache 'am nagui saishet da 'avi'eguelaxa da qoñisheguem da qouetalec na 'armala', nacherata da 'aleu qome.»

1 Reyes 18:18

Nache so Elías 'enapeco': Aỹem, saishet da nachaỹem da so'ottac da qaica ca laỹamqa' na Israel le'ecpi, maye nache 'am, qataq nam chegoxoguetpi so 'arta'a, souaxat da qoquiỹa'ai na lamaxasoxonaxacpi Ñim Nataxala', nache qanatamñiitacot na ỹotta'a't lqui'ipi so Baal.

1 Samuel 7:5

Ime, nache so Samuel 'enapego' somayepi, 'eeta': «Qalaỹoñiỹa't qome 'enauac na Israel le'ecpi da hua'a ye Mispá, nache aỹem seỹaxanot qome Ñim Nataxala' da qami' ñachoxoreeleguete.»

Mateo 3:3

Qaq se'eso Juan nacheso som ỹiyiñi co'ollaxa so la'aqtaxanaxanec Ñim Lo'onatac 'Enauacna le'enaxat Isaías, co'ollaq 'eeta': «Huo'o da nvilỹaxac qaỹa'aqtega chemaqtapeguelec ye toolec 'alhua: ‹Qauqataxañiỹai' qome ca nqa'aic Ñim Nataxala'. ¡Ỹataqta qano'onaxacheetegue qome ca llec! ¡Saishet qome da huo'o ca npaxateguet!›»