Lucas 1:15 - La'aqtaqa Ñim Lo'onatac 'Enauacna 2013

¹⁵ Que'eca 'aỹa'alec camaye ỹataqta 'amaqtaqaic qome naqa'en Ñim Lo'onatac 'Enauacna. Camaye saishet da nỹomgui na lataxa, cha'aye So Saqcha'a Na'añaxac Qui'itta netaigui camaye qom saxanaxa da ñiguiñi.

Nuevo Testamento Toba Sur

¹⁵ cha'ayi que'eca 'ai'alec camayi ÿataqta 'amaqtaqaic qome naq'en ñi Dios. Camayi sa ishit qome da nÿomgui na ÿotta'a't lataxa, qataq ÿataqta nlaqchigui so Espíritu Santo qom saxanaxa da ñiguiñi.

Nuevo Testamento Toba Sombrero Negro

¹⁵ qa'a ga'me ac'oĝot qomle ñe'me Jaliaĝanec yataqachiñe en p'ajaye. Ja niyomigui ga'me lataĝa, uotaĝa ga'me jo'ne yataqachiñe chem 'me nequejegaĝat, nataq'aen yataqata najaqachigui joñe'me Dios Lepaqal qom maliaĝa ja niyiñe.

Lucas 1:15 Referans Kwoze

Jeremías 1:5

«Co'ollaq saxanaxa da 'am sanem da 'arca'alaxa, nache Aỹem mashe 'am lleca'aguishec, qataq co'ollaq saxanaxa da 'auañiguiñi nache mashe 'am seỹotauga da yaqto' 'am ỹa'aqtaxanaxanec, da 'aua'aqtaxanem 'enauac nam ỹotta'a't shiỹaxauapi.»

Efesios 5:18

Qataq saishet qome da qami' taxaiqa, cha'aye damaye ỹaueca'a da nlaxaañi ca shiỹaxaua. Chaqrato' da ỹataqta qami' nlaqchiguilo So Saqcha'a Na'añaxac Qui'itta.

Gálatas 1:15

Qalaxaye Ñim Lo'onatac 'Enauacna ỹataqta lta'araic da lauoche da sheeta chegoqchiguiña co'ollaq saxanaxa da ñañiguiñi, qaq nache 'eetai' da aỹem lca'aguishec da yaqto' so'onataxanot. Nataqa'en aỹem ỹachaxana So Llalec yaqto' aỹem sa'axatem na shiỹaxauapi 'enauac na pa'aiguelo ana 'alhua de'era no'on na'axaỹaxac maye na'aqtaguec Somaye. Qaq co'ollaq cheta'ague da huo'o de'era, nache saishet da seuen da huo'o ca aỹem ỹapaxaguen,

Hechos 2:4

Nache 'enauac somayepi ỹataqta nlaqchigui So Saqcha'a Na'añaxac Qui'itta. Huaña, nache da'aqtaxanguilo naua ỹaqa'alo na'aqtaqa maye chegoqo'oto Somaye.

Lucas 7:33

Cha'aye so Juan maye nachelaxanataxanaq, nqouaqchettac qataq saishet da nỹomgui na lataxa, nache qami' qoñiitega da huo'o ca netaigui saqcha'a na'añaxac leguemaxaic.

Josué 4:14

Qaq se'eso na'a'q nache Ñim Nataxala' ỹo'ot da so Israel le'ecpi ỹa'aalac, qataq huo'o naq 'enec naqa'en so Josué, ỹe'enaxattem da 'eetec co'ollaxa da hueta'aguet so Moisés, 'enauaque naua na'axa'tesa'ache da nachaalataxac.

Lucas 7:28

Ỹataqta 'eesa da ana'ana 'alhua qaica ca nañiguiñi ỹale da napacalec da la'amaqchec so Juan maye nachelaxanataxanaq. Qalaxaye nam ỹapactec da qaica ca la'amaqchec da huetaigui da lo'onataxanaxac Ñim Lo'onatac 'Enauacna, nachena na ỹataqta napacalec so Juan.»

1 Crónicas 17:8

Nache 'am ñenaictague' 'enauac da 'icỹaxac, qataq 'am setauaatac da yaqto' 'anmatchiguiñi so 'anpa'aguenaxauapi maye 'am dataỹa'aguet co'ollaxa, nache 'am sanem da 'ayo'oxoyec, da qoneta'am nam ỹalleppi maye ỹo'oxoraicpi maye huetalec ana 'alhua.

Josué 3:7

Nache Ñim Nataxala' 'enapega so Josué, 'eeta': «Nache chegoqchiguiña ne'ena na'a'q da sauo'o da 'ara'amaqchec, ỹauaachigui ñaqa'en 'enauac na Israel le'ecpi. Qaq yaqto' namayepi ỹaỹateeta da aỹem ỹataqta 'am soota'aguet, 'eeta'am da 'eetec co'ollaq soota'aguet so Moisés.

Zacarías 9:15

Ñim Nataxala' maye Qaica ca Ỹaqalanapec npaxattalec qome na lalamaxatpi, qaq namayepi petapigui qome na coma'piolec maye npocnaxanaxat, qataq chec na npa'aguenaxauapi; nache nỹomigui na ltago'q, 'eeta'am naqa'en na lataxa, nache ỹataqta nlaqchigui namayepi, 'eeta'am aca nemaxanaqte late'erai, maye laỹe' na tago'q, da yaqto' qaicorelec añi nca'atoxonaxalate.

Salmos 22:9

Qalaxaye nache 'am co'ollaxa da 'auo'ot da ỹañoxoc, aỹem 'auachegoxottoigui na lauel aso ỹate'e, nache sootaleguete 'anqa'en naua lhuaxaye asomaye.

1 Crónicas 29:12

Nache 'am chegoqtecot da nsallaxa qataq da ño'oxoyec, qataq 'enauac da 'alotegue' namayepi. Na 'arhuaq huetaigui da lta'araic na'añaxac, qataq nache 'am da 'aỹa'anem da la'añaxac qataq da la'amaqchec 'enauac na shiỹaxauapi.

Génesis 48:19

Qalaxaye so lta'a saishet da ỹalaq, nache 'enapeco': «¡Aỹem mashe saỹaten, 'am ỹalcolec! Namaye nataqa'en chegoxoigui qome ca qalota nhuo' le'ecpi, qataq ivira'a da 'amaqtaqaic qome. Qalaxaye na lqaỹa na'asa ỹataqta ỹacteec qome da la'amaqchec napacalec namaye, qataq cam llalaqpi nacheca ca chegoxoigui qome ca ỹotta'a't qalota shiỹaxauapi.»

Génesis 12:2

Qaq sachegoxotchigui qome cam 'am chegoxoguetpi, da sauo'o ca qalota shiỹaxauapi, 'am sanem qome da ỹoqouagaxanaqtaic, qataq sauo'o qome ca 'ayo'oxoyec, qataq 'am chegoqchigui qome ca nchoxonnataguec na laỹepi shiỹaxauapi.

Levítico 10:9

«'Am qataq naua 'aỹa'alqa, da ivita da qaunoxoñiiua'a ñi npe'l, nache saishet da hua'auñi da qanỹomiigui na lataxa huo'otaq ca lỹa maye ishet da qantaxac, ten qom qaullivi. Qaq 'era qome da nache 'eetai' lataxac da qoyecỹaxaqui qataq cam qami' chegoxogueta,

Jeremías 35:6

Qalaxaye somayepi, 'eeta': «Qomi' saishet da ñeỹomaxagui na lataxa, cha'aye so Jonadab, som llalec so Recab maye sachegoxosoxoguet, somaye qomi' illapeguema qataq na qaya'alaqpi da chochaq tatec da sa ñeỹomaxagui na lataxa.

Lucas 1:14

Da lañoxoc camaye 'am ỹo'otec qome da ỹataqta lta'araic da 'antonaxac, qataq qalota nataqa'en qome na machiguiñi.