Levítico 9:6 - La'aqtaqa Ñim Lo'onatac 'Enauacna 2013

⁶ Nache so Moisés 'enapeco': «'Era da qami' ỹamaxaleguete Ñim Nataxala', qaq damaye qauo'oche qome, nache Ñim Nataxala' qami' nachaxanalo, qataq ỹataqta qaica ca 'ena'am da llo'oxoyec.»

Levítico 9:6 Referans Kwoze

Levítico 9:23

Ime, nache so Moisés qataq so Aarón inoxooroigui so npe'l. Qaq co'ollaq nnoxoorec, nache soomaye qaltaq ỹaarelec da no'on la'aqtac so Israel le'ecpi. Huaña, nache Ñim Nataxala' ỹachaxana 'enauac so shiỹaxauapi da ỹataqta qaica ca 'ena'am llo'oxoyec,

Ezequiel 43:2

nache sauaateguet da llo'oxoyec Ñim Natamnaxala' na Israel le'ecpi chegoqtegue da nala' lliguisheguem. Qaq da l-lamaxa ỹataqta alam, 'eeta'am da l-lamaxa ca tala da ỹa'auat, qaq ana 'alhua nache nlaqaalec na le'eraxa.

Éxodo 24:16

Nache da llo'oxoyec Ñim Nataxala' anac da imattalec aso qasoxonaxa Sinaí, qaq ivi' soua seis na'axa'te da imattalec so lo'oc aso qasoxonaxa. Qaq co'ollaq mashe iviteuga so na'a'q siete, nache Ñim Nataxala' chemaxaigui so lo'oc co'ollaq iỹaxana so Moisés.

Éxodo 16:10

Nache so Aarón co'ollaq ñaq detaqtague' 'enauac so Israel le'ecpi, nache 'enauac somayepi ỹamatalec so toolec 'alhua, nache ila'a da llo'oxoyec Ñim Nataxala' co'ollaq nachaxan huetaigui so lo'oc.

Levítico 9:5

Nache so Israel le'ecpi iroua'a co'ollaxa so npe'l 'enauac som damaxasoxoolecpi so Moisés, nache 'enauac so shiỹaxauapi nachattaua'a som lanataqa' Ñim Nataxala'.

Éxodo 29:43

Qataq nache huaña da ñauane' na Israel le'ecpi, nache que'eca nanataqa' hueta'a da ỹo'oxoyec cha'aye soota'a.