Levítico 9:24 - La'aqtaqa Ñim Lo'onatac 'Enauacna 2013

²⁴ nache Ñim Nataxala', anacot so norec, nache ỹavigaxat 'enauac so lapat so shiguiỹac, qataq so lcheta maye mashe qaiqataxaatai' huetalec aso nca'atoxonaxalate. Qaq co'ollaq ỹauaachigui de'era so Israel le'ecpi, nache ỹataqta ỹa'alaqtagui souaxat da ntonaxac, nache ỹa'alyiñi naua l-llecte, iviraxata'aguet naqa'en na latap na 'alhua.

Levítico 9:24 Referans Kwoze

Jueces 6:21

Huaña nache so nale piguem le'ec Ñim Nataxala', ỹauota'a so lsheenec aso nashelte maye nasoqta'a da nhuoiguet naqa'en so lapat, qataq aso nauole 'ayiiña. Nache se'eso coma' chegaqaigui so norec, nache somaye ỹataqta chipchiguiñi nataqa'en so lapat qataq aso nauole 'ayiiña, huaña nache so nale piguem le'ec Ñim Nataxala' 'eco' da quiguiñi.

1 Crónicas 21:26

Qaq so David, nache ỹaachiguiña somaye da no'oxoosheguem aso nca'atoxonaxalate maye lalamaqte Ñim Nataxala', nache huaña da ỹaneuo so lachetaqtaxanaxat qaỹavigaxatta qataq aso lachetaqtaxanaqte qanhuaachigui. Ime, nache iỹaxanot Ñim Nataxala', nache Ñim Nataxala' ỹasateguet somaye, nache namaq so norec chegoqtot na piguem nache talec naqa'en aso nca'atoxonaxalate maye qaỹachalec naxa nam nachetaqtaxanaxat qaỹavigaxatta.

Salmos 80:1

'Am, maye 'aulotague' na Israel le'ecpi, maye 'auauecta'aguet co'ollaxa so José 'eeta'am 'anqa'en ana qagueta. 'Am maye ca 'aro'onataxanaqa' da 'am nta'a, nache hueta'alo soua ne'enaqtaqa querubines maye huo'oi naua laua't, ñaq qomi' 'aua'axaỹalo qataq qomi' 'auachaxanalo da 'ara'añaxac,

Jueces 13:23

Qalaxaye asomaye 'enapeco': Ñim Nataxala' da nshapeque taxa da qomi' ỹalaua't, nache saishettaxa da ỹaconeguet so qarachetaqtaxanaxat maye qaỹavigaxatta, qataq aso qarachetaqtaxanaqte maye chegaqaigui ana ala nam nañiguishec, qataq saishettaxa da qomi' nachaxanalo qataq da qomi' da'aqtaxanema 'enauac de'era.

Levítico 6:13

Qaq que'eca norec maye huetalec añi nca'atoxonaxalate, camaye nache 'eetai' qome da 'ettaigui qanqa'en.

Éxodo 3:2

Qaq huaña, nache Ñim Lo'onatac 'Enauacna nachaxana so Moisés, huetaigui so le'eraxa so norec maye huetaigui asotai' qo'oipaqole maye huo'o ana le. Nache so Moisés ichemaxata asomaye. Huaña, nache nanoma da 'ettaigui asomaye qalaxaye saishet da ỹavic.

Génesis 15:17

Qaq co'ollaq mashe pe, qataq napalñi, nache yo'oq aso qatelaxanaxaqui maye nchetapiguisheguem, qataq aso ncoỹaraxanaxaqui 'ettaigui, nache quetapiguingui na laiñi soua shiguiỹac maye qaichiiguilo na laiñi.

Apocalipsis 7:11

Qaq 'enauac som namaxashec piguem le'ecpi nachattañi, coleesop aso so'onaxaqui, qataq soua nqueroxonqa, qataq soua cuatro shiguiỹa'c maye nca'altraue'c. Nache somayepi ỹa'alyiñi naua l-llectel, ỹataqta iviraxata'agueta naua lata'api naqa'en ana 'alhua, nache ỹo'oxoreetac Ñim Lo'onatac 'Enauacna,

Apocalipsis 5:8

Qaq co'ollaq chochaq ỹo'ot de'era, nache soua cuatro shiguiỹa'c maye nca'altraue'c qataq soua veinticuatro nqueroxonqa ỹa'aroto naua l-llectel Somaye. Qaq ñi 'oonolec se'esoua nqueroxonqa huo'o ana lvique, qataq lasoqta'a soua ỹomaxaqui' maye nlaqchigui na nchenaxanaxat ama na laita maye naigui da nqouagaxaunaxac na lalamaxatpi Ñim Lo'onatac 'Enauacna.

Mateo 26:39

Nache So Jesús taỹa ca qaỹata'a soomaye, nache ỹa'alyiñi naua l-llectel qataq iviraxata'aguet na latap na 'alhua, nache nqouagaxaunot Ñim Lo'onatac 'Enauacna, 'eeta': «'Am Ita'a, ¡ỹataqta huo'o da iyaxa da Aỹem 'antelaqna'aguet de'era que'eenaxac! Qalaxaye saishet da ipacchigui qome da maiche sheetapeguec, nachaqrata dam maiche qonetapeguec.»

Esdras 3:11

Nache somayepi ỹaatacot da na'achecỹaxac Ñim Nataxala', nache 'eeta': «Qaỹa'añiitacot da qana'achecỹaxaqui Ñim Nataxala', cha'aye Ñimaye ỹataqta soxoraic, cha'aye de'era lauotaxanaqtaic na Israel le'ecpi ỹataqta chochaq tatec». Nache 'enauac se'eso nalamaxat nhuo' le'ecpi ỹataqta ỹa'alaqtagui da ntonaxac, qataq ỹo'oxoreetac Ñim Nataxala', cha'aye mashe qaỹo'ot so lo'oxonaxala' aso atamnaxaqui.

Apocalipsis 4:9

Qaq se'esoua cuatro shiguiỹa'c maye nca'altraue'c do'onaxaata'ape qataq ỹaatracot da na'achecỹaxac som nso'ootangui aso so'onaxaqui maye chochaq tatec da nachaalataxac. Qaq so lo'one'c soomaye ỹa'axat da llo'oxoyec qataq da la'añaxac qataq da nacheñi Ñimaye da taiguet da huo'o naq 'enec qanqa'en. Qaq naxa da 'eetec de'era se'esoua shiguiỹa'c maye nca'altraue'c, nache se'esoua veinticuatro nqueroxonqa ỹa'aroto naua l-llectel som nso'ootañi, nache ỹo'oxoreetrac, qataq nqa't naua naro'ol da ỹacho'oto aso so'onaxaqui. Ime, qaq do'onaxa'n soomaye 'eetra':

2 Crónicas 6:2

Qalaxaye aỹem so'ot añi atamnaxaqui da yaqto' chochaq tatec da qoueta'a.»

2 Reyes 19:15

Nache so Ezequías nqouagaxaunot Ñim Nataxala', 'eeta': «'Am Nataxala', maye Natamnaxala' na Israel le'ecpi, maye aca 'anso'onaxaqui netanguilo soua querubines, qataq nache 'amta da 'Am Atamnaxala' maye 'aulotalec 'enauac nam ỹotta'a't maye huetalec ana 'alhua, 'am 'aro'onatac co'ollaxa na piguem, qataq ana 'alhua.

Números 16:22

Qalaxaye soomaye ỹa'alyiñi naua l-llectel, nache iviraxata'agueta naua lata'pi na 'alhua, nache 'ena'apo': 'Am Nataxala' maye 'Am Natamnaxala' 'enauac na shiỹaxauapi, ¿Peta'a 'aualemataỹa 'enauac ne'ena shiỹaxauapi maye laỹoota'a't, ye 'oonolec som huo'o da lasouaxashet?

Números 14:5

Nache so Moisés qataq so Aarón ỹa'alyiñi naua l-llectel, nache iviraxatta'agueta naqa'en na lata'api na 'alhua, ỹauaachigui naqa'en so Israel le'ecpi,

Génesis 17:3

Qaq huaña, nache so Abram ỹa'alyiñi naua l-llecte, nache iviraxata'aguet na latap na 'alhua, qaq Ñim Lo'onatac 'Enauacna, nache queto'ot da detaqtacot somaye, 'eeta':

Levítico 10:2

Huaña, nache Ñim Nataxala' anacot so norec, nache ỹavigaxa't. Qaq 'era da 'eetec co'ollaq ileu' soomaye.

Números 23:21

Ñimaye saishet da ilalec ca qauem lataxac yi'iye lauo' le'ecpi so Jacob, huo'otaq ca saỹaỹamaxañi lataxac ye Israel le'ecpi. Cha'aye Ñim Nataxala' maye Natamnaxala' hueta'aguet yemayepi, qaq yemayepi da iỹaxana Ñimaye nache 'eetega lta'a.