Levítico 9:23 - La'aqtaqa Ñim Lo'onatac 'Enauacna 2013

²³ Ime, nache so Moisés qataq so Aarón inoxooroigui so npe'l. Qaq co'ollaq nnoxoorec, nache soomaye qaltaq ỹaarelec da no'on la'aqtac so Israel le'ecpi. Huaña, nache Ñim Nataxala' ỹachaxana 'enauac so shiỹaxauapi da ỹataqta qaica ca 'ena'am llo'oxoyec,

Levítico 9:23 Referans Kwoze

Levítico 9:6

Nache so Moisés 'enapeco': «'Era da qami' ỹamaxaleguete Ñim Nataxala', qaq damaye qauo'oche qome, nache Ñim Nataxala' qami' nachaxanalo, qataq ỹataqta qaica ca 'ena'am da llo'oxoyec.»

Números 16:19

Qaq so Coré co'ollaq mashe laỹona't 'enauac se'eso shiỹaxauapi da yaqto' dataỹa'aguet so Moisés, qataq so Aarón, huaña so ñegueuo so npe'l. Nache Ñim Nataxala', yo'oq da llo'oxoyec ỹauaachigui 'enauac se'eso laỹoota'a't shiỹaxauapi.

Números 16:42

Qaq co'ollaq lapona't so shiỹaxauapi da qaỹataỹa'aguet so Moisés qataq so Aarón, nache co'ollaq namatasheguem somayepi, nache ila'a so lo'oc, imattalec so npe'l, nache yo'oq da llo'oxoyec Ñim Nataxala'.

Números 14:10

Qalaxaye se'eso shiỹaxauapi huotaique da ira'alo na coma' soomaye da ỹasa'q. Nache Ñim Nataxala' ỹachaxan da llo'oxoyec huaña so npe'l maye naỹonqa', ỹauaachigui naqa'en 'enauac so Israel le'ecpi,

Éxodo 39:43

qaq so Moisés co'ollaq ila'a de'era 'eetec somayepi, da ipaqueelec da lamaxasoxonaxac Ñim Nataxala', nache ỹanem da no'on llecỹaxac somayepi.

2 Crónicas 7:1

Qaq so Salomón co'ollaq ime da natamnaxac, nache anac so norec chegoqo'ot na piguem, nache ỹavigaxatta so nachetaqtaxanaxat qaỹavigaxatta, qataq so laỹepi nachetaqtaxanaxatpi, huaña nache da llo'oxoyec Ñim Nataxala' ỹataqta imattaigui aso atamnaxaqui.

Éxodo 16:10

Nache so Aarón co'ollaq ñaq detaqtague' 'enauac so Israel le'ecpi, nache 'enauac somayepi ỹamatalec so toolec 'alhua, nache ila'a da llo'oxoyec Ñim Nataxala' co'ollaq nachaxan huetaigui so lo'oc.

Levítico 9:4

qataq ca 'oonolec huaca qataq ca 'oonolec qagueta lhuaraic, nache qaỹalauat huaña ye lanataqa' Ñim Nataxala' yaqto' nachetaqtaxanaxat maye qanhuaachigui. Nataqa'en qandoiuo qome aca nachetaqtaxanaqte lsoche ana ala ca nañiguishec qairaqneguet ca aceite, cha'aye Ñim Nataxala' qami' nachaxanalo ne'ena na'a'q.›»