Levítico 9:22 - La'aqtaqa Ñim Lo'onatac 'Enauacna 2013

²² Nache so Aarón ỹachaxaayishegue'm naua lhua'q nalotelec naqa'en so Israel le'ecpi, nache ỹan so no'on la'aqtac yaqto' 'onaxaic da llecỹaxac somayepi. Qaq co'ollaq mashe ime da ỹaneuo 'enauac aso nachetaqtaxanaqtepi, nache ca'ai aso nca'atoxonaxalate.

Levítico 9:22 Referans Kwoze

Lucas 24:50

Nache So Jesús nqateeguesop soomaye ye Jerusalén da ỹauega ye Betania. Huaña yemaye, nache ỹachaxaayishegue'm naua lhua'q da ỹaalec da no'on la'aqtac soomaye.

Deuteronómio 21:5

Qaq huaña nache nachaateuo qome na ntaxaỹaxanaxanecpi leviitapi, cha'aye Ñim Nataxala' lca'aua'a co'ollaxa namayepi da ỹanem da ỹo'ot da ño'oxonnataxanaxac, qataq da ỹan ca no'on la'aqtac da talec naqa'en na shiỹaxauapi, qataq da ỹo'ot ca llec ca cotaxac, qaq cam 'enapec namayepi nacheca qaỹo'ot.

1 Pedro 3:9

Da huo'o ca qami' ỹo'oteque ca qauem, nache qami' saishet da qavi'enaxachiỹa'aguet, qataq da huo'o ca qami' isheueeta'ape, nache saishet da qavi'enaxachiỹa'aguet da nataqa'en qausheuñi camaye. Nachaqrata da qanqouagaxauñiỹot Ñim Lo'onatac 'Enauacna da ỹaalec da lqouagaxanaqtaic que'eca shiỹaxaua, cha'aye Ñimaye qami' lca'agui'she da qami' ỹanema da lqouagaxanaqtaic.

Hechos 3:26

Qaq ỹoqo'oye Ñim Lo'onatac 'Enauacna co'ollaq qaltaq nca'alec naqa'en So Llalec Jesús, nache ỹa'auaxaachiyiñi da qami' namaxalo, da yaqto' qami' ỹanema ca no'on qoyecỹaxaqui, yaqto' ñi 'oonolec da qoñiita ishet da ỹaxanec ca sa ỹaỹamaxañi.

Marcos 10:16

Nache So Jesús naueguela't so ñaqpiolec da nsoqtauo, qataq ỹashel-lec somayepi, nache ỹaalec da no'on la'aqtac.

Salmos 72:17

Qataq nache 'eetai' qome da sa imeuo da le'enaxat, qataq da na'aqtaguec nache 'eetai' qome 'eeta'am añi nala'. Qataq chegoqchigui qome da le'enaxat camaye, da 'enauac na ỹotta'a't shiỹaxauapi ỹaconeguet da nchoxonnataguec, qataq 'enauac namayepi da ỹamata'ac da machiguiñi.

2 Crónicas 6:3

Ime, nache so nta'a dataigue da pa'aỹa'ague so lapoota'a't Israel le'ecpi, nache ỹanem da no'on la'aqtac.

1 Crónicas 23:13

Qaq soua llalqa so Amirán, le'enaxa't: Aarón qataq so Moisés. Qaq so Aarón, nacheso so lca'aguishec Ñim Lo'onatac 'Enauacna, da yaqto' ỹaneuo ana nachetaqtaxanaqte maye sa qaishetapec, qataq da ỹavigaxat na nchenaxanaxat da ỹanot Ñim Nataxala', qataq da huapegue' qataq da talec naqa'en da nchoxonnataxanaxa so nhuo' le'ecpi, qaq de'era no'onataxanaxac, nachera da qaipa'axaneguet da nache 'eetai' da ỹo'ottac so Aarón qataq soua llalqa.

1 Reyes 8:55

nache nachaañi, nache nlamaxaren da talec naqa'en da nqouagaxa so lapoota'a't Israel le'ecpi, 'eeta':

Deuteronómio 10:8

Nache huaña yemaye da Ñim Nataxala', iỹotauga co'ollaxa na maiche nalamaxat nhuo' le'ecpi maye chegoxoguet so Leví, da yaqto' pa'aiguet da ỹache aso laỹe' da aỹamaxataxac, qataq da ilo'ogue da no'onataxanaxac, qataq da ỹan da nchoxonnataxanaxa chegoqchigui naqa'en da le'enaxat Ñim Nataxala', qaq nachera da 'eeta'ac choche ivitta'a nagui.

Éxodo 39:43

qaq so Moisés co'ollaq ila'a de'era 'eetec somayepi, da ipaqueelec da lamaxasoxonaxac Ñim Nataxala', nache ỹanem da no'on llecỹaxac somayepi.

Números 6:22

Nache Ñim Nataxala' 'enapega so Moisés, 'eeta':