Levítico 9:2 - La'aqtaqa Ñim Lo'onatac 'Enauacna 2013

² Nache 'enapego' so Aarón, 'eeta': «'Auaconeua'a qome ca huaca, yaqto' nachetaqtaxanaxat maye sa imauaq da qaỹavigaxat, qataq ca qagueta lhuaraic maye qaica ca lque'emaxa, yaqto' nachetaqtaxanaxat qaỹavigaxatta, nache qoỹanot Ñim Nataxala'.

Levítico 9:2 Referans Kwoze

Levítico 4:3

‹Qaq cam huo'o ca lasouaxashet da huo'otaq nacheca ca lataxala' ca ntaxaỹaxanaxanecpi, nache camaye nmañi naqa'en na Israel le'ecpi da huo'o ca lasouaxashet, nache camaye iuen da ỹanot Ñim Nataxala' ca huaca maye qaica ca lque'emaxa, da yaqto' lachetaqtaxanaxat maye sa imauaq da qaỹavigaxat.

Hebreos 7:27

Qaq Somaye saishet da 'eeta'am na laỹepi ntaxaỹaxanaxanecpi da qaitaxaỹapegue' Ñim Lo'onatac 'Enauacna, cha'aye namayepi ima'ape naua na'axa'te da iuen da ỹalauat ca shiguiỹac da ỹaneuo, da yaqto' ỹavigaxat da ỹanot Ñim Lo'onatac 'Enauacna, qataq iỹaxanot Ñimaye da ỹapalaxat na maiche lasouaxashetpi, ime, qataq jec na lasouaxashetpi na laỹepi Israel le'ecpi. Qaq So Jesús, co'ollaq ileu da yaqto' qaỹapalaxat na qarasouaxashetpi, nache 'oonolec da ỹan da nachaalataxac, nache saishet da qaltaq lỹa da ỹan.

2 Corintios 5:21

So Cristo ỹataqta qaica ca lasouaxashet. Qalaxaye souaxat qomi', nache Ñim Lo'onatac 'Enauacna, 'eeta'am naqa'en ca 'etaxaloxoic, da yaqto' chegoqchigui Somaye da qomi' ỹaỹamaxareete' Ñimaye.

Levítico 8:18

Nache so Moisés damaxasoxoolec da qandouo so qagueta maye nachetaqtaxanaxat qaỹavigaxatta. Qaq so Aarón qataq soua llalqa, nache ỹashel-leguete na lqaic somaye.

Levítico 8:14

Ime, nache so Moisés damaxasoxoolec da qandouo so huaca maye qoỹaneuo da nachetaqtaxanaxat maye sa imauaq da qaỹavigaxat, nache so Aarón qataq soua llalqa ỹashel-leguete na lqaic se'eso huaca.

Éxodo 29:1

«Qaq da 'auỹotaugalo da aỹem do'onataxaarot da itaxaỹaxanaxanqa. Nache 'auacona ca 'oonolec huaca llalec qataq caua dos qagueta maye qaica ca lque'emaxa,

Hebreos 5:3

Camaye ỹaneuo ana nachetaqtaxanaqte maye saishet da qaỹavigaxat, qataq ana qaỹavigaxatta, yaqto' Ñim Lo'onatac 'Enauacna ỹapalaxat na lasouaxashetpi na Israel le'ecpi, qataq nataqa'en na maiche lasouaxashet camaye, cha'aye nataqa'en saishet da ỹalaq.

Levítico 9:3

Qaq na Israel le'ecpi, qalaq qonapega qome, qoneta': ‹Qandoiuo qome ca quetaq yaqto' nachetaqtaxanaxat maye sa imauaq da qaỹavigaxat, qataq ca huaca, qataq ca qagueta maye ñaq 'oonolec vi'i, qataq qaica ca lque'emaxa, yaqto' nachetaqtaxanaxat qaỹavigaxatta,

Ezequiel 29:1

So na'a'q doce, so ca'agoxoic doce, so vi'i diez, nache Ñim Nataxala' aỹem 'enapega, 'eeta':

Levítico 1:3

Nache que'eca shiguiỹac maye ỹaneuo da lachetaqtaxanaqte da qaỹavigaxatta, da huo'otaq huaca, nache ỹauota'a ỹale, qataq qaica ca lque'emaxa yaqto' ỹaỹamaxareeta Ñim Nataxala'. Ime, nache iroua'a ye ñegueuo ñi npe'l maye huaña naxa da qanauane' Ñimaye.

Levítico 1:10

Qaq da huo'o ca ỹaneuo ca qagueta huo'otaq quetaq da lachetaqtaxanaxat qaỹavigaxatta, nache camaye ỹauota'a ỹale qataq qaica ca lque'emaxa,

Levítico 16:3

Qaq ñimaye da huenoxoneua'a ye pa'auo ñi npe'l, nache irouo ca 'oonolec huaca da lachetaqtaxanaxat maye sa imauaq da qaỹavigaxat, qataq ca 'oonolec qagueta da lachetaqtaxanaxat qaỹavigaxatta.

Levítico 16:5

Qataq ñi Aarón, nache ỹachegoxotaigui na Israel le'ecpi caua dos quetaq da yaqto' namayepi lachetaqtaxanaxa't maye sa imauaq da qaỹavigaxat, qataq ca qagueta lhuaraic da lachetaqtaxanaxat qaỹavigaxatta.