Levítico 9:19 - La'aqtaqa Ñim Lo'onatac 'Enauacna 2013

¹⁹ Nataqa'en ỹaneuo so lcheta so huaca qataq so qagueta, qataq 'enauac so la'araxashet qataq so lcheta na lauel le'ecpi, qataq soua lchiguishel ima'agueta so lcheta nataqa'en na lsheenec so l-lamec,

Levítico 9:19 Referans Kwoze

Levítico 9:10

Ime, nache ỹachalec aso nca'atoxonaxalate da yaqto' ỹavigaxat so lcheta qataq soua lchiguishel ima'aguet naqa'en so lcheta, qataq so lsheenec so l-lamec se'eso shiguiỹac, qaq nache ipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Levítico 3:16

Ime, nache ca ntaxaỹaxanaxanec ỹavigaxat 'enauac camaye ỹachalec añi nca'atoxonaxalate, cha'aye nachetaqtaxanaxat nallec maye qaỹavigaxat da qoỹanot Ñimaye, yaqto' da ama laitaỹaxac ỹamaateguet Ñim Nataxala'. Qaq 'enauac que'eca lcheta nache lalamaxat Ñimaye.

Levítico 3:9

Nache ca ỹaneuo aca lachetaqtaxanaqte qanhuaachigui, camaye ỹanot Ñim Nataxala' da yaqto' qaỹavigaxat 'enauac ca lcheta ca la'araxashet, qataq ca lcheta na lauel le'ecpi,

Levítico 3:5

Qaq ñeua llalqa so Aarón, nache ỹavigaxat 'enauac camaye npa'axatcheguem da ỹachalec añi nca'atoxonaxalate maye huetalec ca lỹa shiguiỹac nachetaqtaxanaxat qaỹavigaxatta, cha'aye nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'.

Éxodo 12:9

Qaq saishet qome da qollequi ca laỹe da ñaq tocchigui, huo'otaq ca qoỹaatauaq. Qaq ima ca shiguiỹac, lqaic, lapia'ate, qataq na lauel le'ec, namayepi qaỹauotta.

Éxodo 29:13

Qaq ca lcheta ca lailshecpi, qataq ca l-lamec qataq caua lchiguishel, nache 'auavigaxa't 'auachalec aca nca'atoxonaxalate,

Levítico 9:20

nache 'enauac so lcheta npa'axatcheguem da ỹachalec so ltogue lapat. Nache so Aarón ỹachalec aso nca'atoxonaxalate da yaqto' ỹavigaxat.