Levítico 9:14 - La'aqtaqa Ñim Lo'onatac 'Enauacna 2013

¹⁴ Qaq co'ollaq ime da iỹo so lauel le'ecpi qataq soua lapia'ate, nache nataqa'en npa'axatcheguem da ỹavigaxat.

Levítico 9:14 Referans Kwoze

Levítico 8:21

Qaq co'ollaq ime da iỹo so lauel le'ecpi so qagueta, qataq soua lapia'ate se'eso qagueta ỹauota'a so 'etaxat, nache ỹavigaxat 'enauac somaye ỹachalec aso nca'atoxonaxalate. Qaq somaye, nache nachetaqtaxanaxat qaỹavigaxatta, yaqto' da ama laitaỹaxac ỹamaateguet Ñim Nataxala'. Qaq 'era da 'eetec so Moisés da ipacchigui da lamaxasoxonaxac Ñim Nataxala'.

Éxodo 12:9

Qaq saishet qome da qollequi ca laỹe da ñaq tocchigui, huo'otaq ca qoỹaatauaq. Qaq ima ca shiguiỹac, lqaic, lapia'ate, qataq na lauel le'ec, namayepi qaỹauotta.

Levítico 9:13

Ime, nache qandoua'a somaye so lqaic qataq so laỹe logoxoshetpi se'eso shiguiỹac, nache so Aarón ỹavigaxat somaye ỹachalec aso nca'atoxonaxalate.

Levítico 9:15

Ime, nache so Aarón ỹaneuo nataqa'en so lachetaqtaxanaxat so Israel le'ecpi. Nache ỹacona so quetaq maye nachetaqtaxanaxat sa imauaq da qaỹavigaxat, nache ipelecot na lqosot, yaqto' qaỹapalaxat na nasouaxashetpi, 'eeta'am so hua'auñi lachetaqtaxanaxat.