Levítico 9:12 - La'aqtaqa Ñim Lo'onatac 'Enauacna 2013

¹² Nache so Aarón ỹalauat nataqa'en so shiguiỹac maye nachetaqtaxanaxat qaỹavigaxatta. Qaq soua llalqa somaye, nache ndoua'alo somaye so ntago'q, nache so Aarón icoroto soua laỹel aso nca'atoxonaxalate.

Levítico 9:12 Referans Kwoze

Efesios 5:2

Qataq iuen da ỹataqta qauauochec na laỹepi shiỹaxauapi, 'eeta'am So Cristo da qomi' ỹauoteque qataq qomi' ileualeguete. Qaq da l-leuaxa Somaye Ñim Lo'onatac 'Enauacna, 'eeta'am naqa'en da alaitaỹaxac ca no'on coraxat maye qoỹaneuo da nachetaqtaxanaxat.

Levítico 9:9

Nache soua llalqa somaye iroua'alo so laỹe' so ntago'q, nache so Aarón ỹa'ayingui aso llaxaata somaye, nache ỹa'ame'n soua lsheeneqa soua lcoue aso nca'atoxonaxalate. Qaq so no'onañi, nache icorot na pa'aguiñi asomaye.

Levítico 9:11

Qalaxaye so lapat qataq so lo'oc, nache ỹavigaxat huauga naqa'en so pa'auec so nanataqa' maye qanayeuta'a.

Levítico 9:13

Ime, nache qandoua'a somaye so lqaic qataq so laỹe logoxoshetpi se'eso shiguiỹac, nache so Aarón ỹavigaxat somaye ỹachalec aso nca'atoxonaxalate.

Levítico 10:19

Nache so Aarón ỹasategueto' so Moisés, 'eeta': «Ña 'aumeten nagui, yeua ỹalqa Nadab qataq ye Abiú, yeemaye ỹanoto Ñim Nataxala' aso lachetaqtaxanaqte' maye sa imauaq da qaỹavigaxat, qataq aso lachetaqtaxanaqte' maye qaỹavigaxatta, qaq nagui aỹem sevireguet de'era qauem. Nasho' taxa da sachec aso lỹa nachetaqtaxanaqte maye sa imauaq da qaỹavigaxat, ¿peta'a ỹaỹamaxareeta taxa Ñim Nataxala'?»

Levítico 9:16

Nache ỹaneuo aso nachetaqtaxanaqte qaỹavigaxatta, da yaqto' ipacchigui da llec da qoỹaneuo asomaye.