Levítico 9:1 - La'aqtaqa Ñim Lo'onatac 'Enauacna 2013

¹ Qaq co'ollaq ivireuga so na'a'q ocho, nache so Moisés iỹaxana so Aarón qataq soua llalqa, qataq so nqueroxonecpi maye lataxala'pi so Israel le'ecpi.

Levítico 9:1 Referans Kwoze

Mateo 28:1

Qaq co'ollaq mashe inoxonec so na'a'q mataxaqui, nache mashe yo'oxolec ana 'alhua so la'auaxanec na'a'q, nache aso María maye lma' ye Magdala, qataq aso lỹa María, soomaye nqo'oneugalo aso nhuachiqui So Jesús.

Números 6:10

Nache que'eca na'a'q ocho, camaye iroua'a ca ñegueuo ca npe'l maye huaña naxa da qanauane' Ñim Nataxala', da ỹanem ca ntaxaỹaxanaxanec caua dos qoto' lta'araiqa, huo'otaq llalqolqa.

Levítico 15:29

Qaq da ivireuga ca na'a'q ocho, nache ỹaconalo caua dos qoto' lta'araiqa, huo'otaq caua dos qoto' llalqa, nache iroua'alo ca ntaxaỹaxanaxanec huaña ye ñegueuo ñi npe'l.

Levítico 15:14

Qaq da ivireuga ca na'a'q ocho, nache ỹaconalo caua dos qoto' lta'araiqa, huo'otaq caua dos qoto' llalqa. Ime, nache taua'a ye ñegueuo ñi npe'l maye huaña naxa da qanauane' Ñim Nataxala', nache ỹanema ca ntaxaỹaxanaxanec.

Levítico 14:23

Qaq da ivireuga ca na'a'q ocho, nache iroua'a ca ntaxaỹaxanaxanec da yaqto' qui'itta, huaña ye ñegueuo ñi npe'l maye huaña naxa da qanauane' Ñim Nataxala'.

Levítico 14:10

Qaq da ivireuga ca na'a'q ocho, nache camaye ỹaconeua'alo caua dos qagueta llalqa maye qaica ca lque'emaxa, qataq aca 'oonolec qagueta llale maye ñaq 'oonolec vi'i, qataq ca seis kilos y medio ca ỹataqta no'on lsoche na ala na nañiguishec, da yaqto' lachetaqtaxanaqte maye ndaqñiguishec lalegue ca aceite, qataq ca ỹaqauga laỹolec ca aceite.

Levítico 8:33

Qataq saishet qome da qoquiỹa'ai ye ñegueuo ñi npe'l caua siete na'axa'te, cha'aye nache laloxoqui' da ỹataqta qami' qaiỹotaugalo da qami' qoỹanaguilo de'era qaro'onataxanaxaqui.

Levítico 8:36

Nache so Aarón qataq soua llalqa ỹo'o't 'enauac de'era lamaxasoxonaxac Ñim Nataxala' maye ỹamaxalec co'ollaxa so Moisés.