Levítico 8:35 - La'aqtaqa Ñim Lo'onatac 'Enauacna 2013

³⁵ Qaq qami', nache qoviita'a qome ye na'a'q qataq ye pe, ye ñegueuo ñi npe'l, caua siete na'axa'te. Qataq qaualaqaiguet qome da lamaxasoxonaxac Ñim Nataxala' yaqto' saishet da qaullivi, cha'aye 'era da lamaxasoxonaxac maye aỹem ỹamaxalec.»

Levítico 8:35 Referans Kwoze

1 Reyes 2:3

Ñaq 'aualaxagueto' qome naua lamaxasoxonaxaco Ñim Nataxala' maye 'Anatamnaxala', qataq 'auo'ot nam 'eetapeguecpi Ñimaye, qataq 'aupacchiguilo naua lqataxaco, lamaxasoxonaxaco, qataq naua lapaxayiñi lataxaco maye ỹelyiñi co'ollaxa so Moisés. Yaqto' maicheye cam qoueta'ague, qalaq nquictasheguem qome da ỹaỹamaqchiguiñi 'enauac nam 'auacoolec da 'auo'ot.

Deuteronómio 11:1

Qauauochec qome Ñim Nataxala' maye Qanatamnaxala'ai, qataq qauo'oche nam 'eetega da qaỹo'ot, lqataxacpi, na lapaxañi lataxacpi, qataq na lamaxasoxonaxacpi.

Números 9:19

Nache se'eso lo'oc da qaỹaloqta da ca'ai so npe'l, nache so Israel le'ecpi nataqa'en qaica ca ldaxac, nache iuatta'a ca la'aqtac Ñim Nataxala'.

Números 3:7

Nache pa'aiguet da ỹo'ot da lo'onataxanaxacpi so Aarón, qataq da huapegue' nam nhuo' le'ecpi, qataq ñi npe'l maye huaña naxa da qanauane' Ñim Nataxala'.

Hebreos 7:28

Na ntaxaỹaxanaxanecpi maye chegoqchigui na namaxasoxonaxacpi maye chegoqo'ot so Moisés namayepi ỹataqta huo'o da lqalaic da ỹataqta imauec da ỹalaxaguet Ñim Lo'onatac 'Enauacna. Qalaxaye co'ollaq ime da qomi' qoỹanema na namaxasoxonaxacpi, nache Ñim Lo'onatac 'Enauacna ỹan da la'aqtac da 'eetega ipacchigui da lataxala' naqa'en na ntaxaỹaxanaxanecpi So Llalec, Som nache 'eetai' da nalochiguiñi da lataxac.

2 Timoteo 4:1

Qaq de'era iqataxac 'am sami' nagui, ỹataqta qomi' ỹauaachiguilo Ñim Lo'onatac 'Enauacna qataq So Qarataxala' Jesucristo maye anac ca na'a'q da nachaxan da Nta'a, qataq nmit ñi 'oonolec na shiỹaxauapi maye ña nca'altauec qataq na mashe ileu.

1 Timoteo 6:20

'Am Timoteo, ỹataqta 'ampogoxoinapegue' da 'auaỹamaxatchiguiñi da 'aro'onataxanaxac. Saisheto' da 'ana'axaỹaxaategalo naua ltaxaỹaxaco nam saishet da ỹa'amaqten So Jesucristo, qataq saishet da 'auqocha'a nam dataỹa'agueta qataq quetapegueleguete naua qarapaxaguenataxanaxaco. Ne'ena shiỹaxauapi 'eetega da ỹaỹaten dam 'eesa lataxac,

1 Timoteo 6:17

Qaq cam hueto'ot da yo'oqchigui nsallaxa, qonapega da saishet da na'amaqten, qataq saishet da pe'etega da lsallaxa, cha'aye saq qalaq da deqat 'enauac nam hueto'ot. Nachaqrata da qonapega da ỹauo'o da naquitaxac Ñim Lo'onatac 'Enauacna, cha'aye Ñimaye ỹataqta soxoraic, qataq ishet da qomi' ỹanema ca seuenaqtac, da yaqto' ishet da ñetonaqtapigui'.

1 Timoteo 6:13

Qaq nagui qomi' ỹauaachiguilo Ñim Lo'onatac 'Enauacna nataqa'en So Jesucristo maye saishet da datenataxan co'ollaxa datato'ot so nta'a Poncio Pilato.

1 Timoteo 5:21

Da iqataxac maye 'am sami' nagui ỹataqta qomi' ỹauaachiguilo Ñim Lo'onatac 'Enauacna qataq So Qarataxala' Jesucristo, nataqa'en na chegaqasheguem lamaxashecpi maye lca'aguishecpi Ñim Lo'onatac 'Enauacna. Ỹataqta 'aualaxaleco' qome da iqataxac. Saishet da huo'o ca 'amatalec da 'arauotaxat, qataq saishet da 'alca'agui na shiỹaxauapi.

1 Timoteo 1:18

'Am ỹalec Timoteo, 'am sami' da iqataxac, cha'aye ñeshetaique da qoquetalec dam na'aqtac maye 'am qoỹami' so lỹa na'a'q chegoqo'ot Ñim Lo'onatac 'Enauacna. Qaq ỹataqta 'aupacchigui damaye da 'aloclec qoneta'am ca no'on ale maye ỹaỹaten da l-loquiaxac.

2 Corintios 7:1

Qaq ỹoqo'oye qami' ñauochaxau' ỹaqaỹa't, 'era da qomi' qaỹachaxanapecoto. Qaq ỹoqo'oye saishet qome da so'otaq ca qauem, nachaqrato' da qomi' huesochiyiñi qataq saishet da huo'o ca qarasouaxashet hueto'ot Ñim Lo'onatac 'Enauacna, yaqto' Ñimaye qomi' ỹaconegueta. Sho'oxorenaq Ñim Lo'onatac 'Enauacna qataq ñepogoxoinaqapegue' da qomi' qui'itte', shenaqta'am Ñimaye.

Ezequiel 48:11

Qaq que'eca 'alhua qaiỹotauga qome da lalamaxat na ntaxaỹaxanaxanecpi maye chegoxoguetpi so Sadoc, nam nañanot Ñim Nataxala', qataq huetague' na ỹo'onatacpi, qataq saishet da quegue da lataxac na laỹepi Israel le'ecpi, co'ollaq namayepi ca'ai da ñeqa'aicỹaxac, 'eeta'am da 'eetec co'ollaxa na leviitapi.

Ezequiel 43:25

Qaq ivittrec qome caua siete na'axa'te, da ye 'oonolec na'a'q nache iuen da 'aỹa'aneuo ca quetaq llalec da 'arachetaqtaxanaxat souaxat na nasouaxashetpi, qataq nataqa'en ca 'oonolec huaca llalec, qataq ca 'oonolec qagueta lhuaraic, qaq caamaye iuen da qaica ca lque'emaxa.

Números 19:12

Nache camaye nqui'itaxaala't ca na'a'q tres, nachelgui que'eca 'etaxat, qaq ca na'a'q siete nache qui'itta. Qaq da huo'otaq saishet da nỹo que'eca na'a'q tres, nache camaye saishet da qui'itta da lataxac ca na'a'q siete.

Levítico 14:8

Nache que'eca shiỹaxaua maye nqui'itaxattac, camaye iuen da iỹoi' caua alogo, qataq nachel, qataq npetec 'enauac na laue. Qaq 'era da 'eetec camaye da yaqto' qui'itta. Qaq da ime, nache ishet da inoxoneua'a ca nanataqa' maye qanayeetaña, qalaxaye saishet da netaña ca maiche lpe'l caua siete na'axa'te.

Levítico 10:1

So Nadab qataq so Abiú, maye llalqa so Aarón, soomaye ỹacoora soua laỹe't so nchenaxanaxat, nache ỹacherangui so norec qataq ỹavigaxat so nchenaxanaxat maye ama na laita, nache ỹaarot Ñim Nataxala', qaq de'era 'eeteque soomaye saishet da lataxac da namaxasoxonaxac.

Levítico 8:30

Ime, nache so Moisés ỹacona aso laỹe' so aceite maye ncoraxanaxat da huo'o na qaicorelec, qataq aso laỹe' so ntago'q maye netaleguete aso nca'atoxonaxalate, nache ichegoxoleguete soua Aarón qataq soua llalqa, nataqa'en soua alogo so ntaxaỹaxanaxanec da qaitaxaỹapegue' Ñim Nataxala'. Qaq 'era da 'eetec co'ollaxa da qoỹaneuo da ntaxaỹaxanaxanec so Aarón, qataq soua llalqa da yaqto' qui'itta da lataxa'c qataq soua alogo.

Éxodo 29:35

Qaq 'era da qonetec ñi Aarón qataq ñeua llalqa, qataq 'apactelec qome 'enauac na ỹamaxasoxonaxacpi. Qalaxaye huaiguilo 'anqa'en caua siete na'axa'te da 'aỹa'anaguilo de'era no'onataxanaxac,

Levítico 8:34

Qaq Ñim Nataxala', nache damaxasoxoolec de'era qaỹo'ot nagui, da yaqto' qaỹapalaxat na qarasouaxashichi.

Levítico 8:36

Nache so Aarón qataq soua llalqa ỹo'o't 'enauac de'era lamaxasoxonaxac Ñim Nataxala' maye ỹamaxalec co'ollaxa so Moisés.