Levítico 8:30 - La'aqtaqa Ñim Lo'onatac 'Enauacna 2013

³⁰ Ime, nache so Moisés ỹacona aso laỹe' so aceite maye ncoraxanaxat da huo'o na qaicorelec, qataq aso laỹe' so ntago'q maye netaleguete aso nca'atoxonaxalate, nache ichegoxoleguete soua Aarón qataq soua llalqa, nataqa'en soua alogo so ntaxaỹaxanaxanec da qaitaxaỹapegue' Ñim Nataxala'. Qaq 'era da 'eetec co'ollaxa da qoỹaneuo da ntaxaỹaxanaxanec so Aarón, qataq soua llalqa da yaqto' qui'itta da lataxa'c qataq soua alogo.

Levítico 8:30 Referans Kwoze

Números 3:3

Qaq 'enauaque soomaye qaicoreleguete da qaiỹotaugalo da yaqto' ỹo'o't da lo'onataxanaxac da ntaxaỹaxanaxanecpi,

Éxodo 30:30

«Nataqa'en ñi Aarón qataq ñeua llalqa da ivita da 'aỹa'anagui da lo'onataxanaxa'c da ntaxaỹaxanaxanaqa, nache 'aucoraxana que'eca ncoraxanaxat,

Éxodo 29:21

Qaq ca no'onañi que'eca ntago'q, nache 'aucorot na pa'aguiñi aca nca'atoxonaxalate, qataq 'auacona ca laỹolec ca aceite, nache 'achegoxolec na lqaic ñi Aarón qataq caua alogo, qataq ñeua llalqa qataq caua alogo. Cha'aye seỹotaugalo da Aỹem do'onataxanoto.

Apocalipsis 7:14

Nache aỹem sasateguet somaye sheeta': –'Am ỹataxala', 'am maye 'auaỹaten. Nache somaye 'eeta': –«Qomye ne'ena, nachena nam saishet da ileu co'ollaq huaigui so lta'araic que'eenaxac ana 'alhua. Namayepi ỹataqta huo'o da lpi'iỹaxac Ñim Lo'onatac 'Enauacna. Qaq Ñimaye nache ỹapalaxat na lasouaxashetpi, chegoqchigui da l-leuaxa Ñi Qagueta Llalec.

1 Juan 2:27

Qalaxaye qami' mashe qami' netanguita So Saqcha'a Na'añaxac Qui'itta, som chegoqchigui naqa'en So Cristo da qami' nqateeguesopa ana 'alhua. Qaq ỹoqo'oye saishet da iuen da huo'o ca qami' ỹapaxague'n, cha'aye So Saqcha'a La'añaxac Ñim Lo'onatac 'Enauacna maiche qami' ỹapaxagueneque 'enauac na lataxaguesat. Qaq nam qami' ỹapaxagueneque Somaye, saishet da choche natenataxanaxac, nachaqrata da ỹataqta 'eesa. Qaq ỹoqo'oye qauo'oche nam qami' ỹapaxagueneque So Saqcha'a Na'añaxac Qui'itta, qataq nache 'eetai' da qana'ayeetaua'a So Cristo.

Hebreos 2:11

'Enauac nam ỹauotec qataq ỹalaxaguet Ñim Lo'onatac 'Enauacna, nache nachena nam llalaqpi, qataq lta'a Ñimaye. Qaq So Jesús ye nataqa'en Llalec Ñim Lo'onatac 'Enauacna, Somaye saishet da da'acteguelec namayepi da iỹaxana da ỹataqta lqaỹañecpi,

Isaías 61:3

qataq sanem nam daquicotacpi maye hueta'a na Sión aca aro'o nmeneguet ñaqa'en na alo, qataq na coraxat nmeneguet da noinaxac, qataq da no'onaxanaxac nmeneguet da nhuogoxo. Qaq da qaitaxaỹa nache qoỹeeta': «Rooblepi, huegaxanaxaipi», maye lañiguishe Ñim Nataxala' da yaqto' ỹachaxan da llo'oxoyec.

Isaías 61:1

So saq cha'a la'añaxac Ñim Nataxala' aỹem hueta'aguet, cha'aye Ñim Nataxala' aỹem lca'aguishec, aỹem namaq da sa'axatem da no'on na'axaỹaxac nam choxoraqpi, qataq sa'añaqchet nam daquicotac da lquiyaqteỹaxac, qataq sa'axatem da qaisouec nam ncoñeteguishecpi, qataq da qaisouec nam netaigui ana ncoñetaxanaxaquipi,

Levítico 10:3

Qaq co'ollaq mashe lcopa'ague de'era, nache so Moisés 'enapega so Aarón, 'eeta': «'Era, da 'eetega Ñim Nataxala' co'ollaq 'eeta': ‹Da huo'o ca Aỹem naua'a na ntaxaỹaxanaxanecpi, nache ñachaxana da ỹataqta Aỹem sa qaishetapec, qataq 'enauac na Israel le'ecpi sachaxana da qaica ca 'ena'am ỹo'oxoyec.›» Nache so Aarón choche ñe'emaxat.

Éxodo 28:2

Qataq 'auamaxasoxooleguete qome caua alogo so 'arqaỹa Aarón qataq soua llalqa yaqto' ỹo'ot da llo'oxoyec qataq da 'enec.

Levítico 7:36

Nache 'era da lamaxasoxonaxac Ñim Nataxala', da yaqto' na Israel le'ecpi iỹotauga ne'ena laỹe aca lachetaqtaxanaqtepi da yaqto' taỹot ca ntaxaỹaxanaxanecpi, chegoqchiguiña que'eca na'a'q da qoỹanagui da lo'onataxanaxac camayepi. Qaq 'era qome da nache 'eetai' lataxac 'enauac na Israel le'ecpi.»

Levítico 7:35

Qaq aca'aca nachetaqtaxanaqtepi maye qaỹavigaxat da qoỹanot Ñimaye, nachaca qome aca taỹot ñi Aarón qataq cam chegoxoguetpi, nache chegoqchiguiña qome que'eca na'a'q da qoỹanagui da ntaxaỹaxanaxanec da qaitaxaỹapegue' Ñim Nataxala'.

Levítico 8:12

Ime, nache somaye icorelec na lqaic so Aarón so aceite, nache ỹanagui da lo'onataxanaxac da ntaxaỹaxanaxanec da qaitaxaỹapegue' Ñim Nataxala'.