Levítico 8:23 - La'aqtaqa Ñim Lo'onatac 'Enauacna 2013

²³ Nache so Moisés ipelecot na lqosot so qagueta. Ime, qaq ỹacona so laỹe' so ntago'q, nache ỹa'ayingui aso llaxaata da yaqto' ỹa'amen aso aloiguishe ltela da'am so Aarón, qataq aso aloiguishe llaxaata late'erai qataq aso aloiguishe lqona late'erai.

Levítico 8:23 Referans Kwoze

Éxodo 29:20

Qaq da ime, nache 'aualauat, qataq 'auacona ca laỹe ltago'q nache 'aua'amen ana aloiguishe ltela da'am ñi Aarón, qataq ñeua llalqa, qataq naua aloiguishe llaxaata late'erail, qataq naua aloiguishe lqona late'erail.

Levítico 14:17

Qaq ca aceite maye no'onaigui na lhuaq lauel ca ntaxaỹaxanaxanec, nache ỹa'amen aca aloiguishe ltela da'am, qataq aca aloiguishe llaxaata late'erai, qataq aca aloiguishe lqona late'erai, ca shiỹaxaua maye nqui'itaxattac, nache pa'aguiñi naqa'en ca ltago'q ca shiguiỹac maye nachetaqtaxanaxat.

Levítico 14:14

Ime, nache ca ntaxaỹaxanaxanec ỹacona aca laỹe' ca ltago'q aca nachetaqtaxanaqte maye sa imauaq da qaỹavigaxat, nache ỹa'ayingui ana llaxaata, nache ỹa'amen aca aloiguishe ltela da'am, qataq aca aloiguishe llaxaata late'erai, qataq aca aloiguishe lqona late'erai ca shiỹaxaua, maye nqui'itaxattac.

Filipenses 2:17

Qami' ỹataqta qaua'amaqchiñi Ñim Lo'onatac 'Enauacna qataq qauo'onataxañiitacot, qaq damaye 'eeta'am aca qarachetaqtaxanaqche. Qaq saiuena'a da aỹem qaỹalauat, nache que'eca ileuaxa ỹalectaigui aca qarachetaqtaxanaqche maye qaỹa'añiỹot Ñim Lo'onatac 'Enauacna. Qaq da sevira'aguet de'era, nache ỹataqta samachiguiñi qataq sauotaique da qami' ñetonaxau'.

Filipenses 1:20

Aỹem huo'o da ñaquitaxac qataq ỹataqta lta'araic da iyaxa, da yaqto' saishet da sevireguet ca ỹa'aloxo, nacherata da ỹachegoxotchigui aỹem da ỹachaxan da la'amaqchec So Cristo, nagui da ñaq ñeca'altauec huo'otaq qom mashe seleu.

1 Corintios 6:20

Cha'aye Ñim Lo'onatac 'Enauacna co'ollaq qami' nca'alaxatre'c, nache qami' desheenaxanalo, qaq aso lasheue co'ollaxa da qami' desheenaxanalo ỹataqta late'erai. Ỹoqo'oye iuen da ỹataqta qaumachiỹo'ot Ñim Lo'onatac 'Enauacna da qaro'ocỹaxaqui da qavio'oxoyiñi, yaqto' Ñimaye huo'o da ntonaxac.

1 Corintios 1:30

Qaq Ñimaye nallegoxottela't da qana'ayeetaua'a naqa'en So Cristo Jesús, qataq chegoqchigui naqa'en Somaye da qaraỹaanec. Qataq chegoqchigui naqa'en Somaye da qomi' ỹaỹamaxareete' Ñimaye, qataq da qomi' lalamaqa'ate, qataq da saconaxaguet ca nca'alaxa chochaq tatec.

Romanos 12:1

Qaq ỹoqo'oye qami' ỹaqaỹarolqa, souaxat da lta'araic lqouagaxanaqtaic Ñim Lo'onatac 'Enauacna maye qami' ỹaaleguete, nache qami' ñachoxoreetoiguilo da ỹataqta imauec da qanachaalataxaqui da qaỹa'añiỹot da qauo'onataxañiỹot qataq qauo'oche cam ỹaỹamaxareeta Ñimaye. Qaq 'era qome da lataxac da qayo'oxonnataxanaxaqui.

Romanos 6:19

Cha'aye qami' ñaq 'eetalec da sa qauaỹaañi de'era, nache aỹem saconalo naua na'aqtaqa maye ỹataqta ỹataqteguelo qataq nauattonataqa. Qami' co'ollaxa qami' l-lataqa na qauem, qataq qauo'ocheetac da ñe'etaxaloxo maye nachera da qancachetague' aca saishet da nhua qataq na ỹotta'a't qauempi. Qalaxaye nagui iuen da qanalemaqaite' da qauo'onataxañiỹot Ñim Lo'onatac 'Enauacna.

Romanos 6:13

Qami' mashe qarellivi co'ollaxa qarỹaichiguiñi' da ñe'etaxaloxo, qalaxaye nagui qaltaq qarca'alliiuec. Qaq ỹoqo'oye saishet da qanashiñiiguet da ñe'etaxaloxo da qami' ỹo'onataxanaxaneque na qauem. Nachaqrata da qanañañiỹot Ñim Lo'onatac 'Enauacna qataq qauo'oche cam ỹo'ot da ntonaxac Ñimaye.

Levítico 14:28

Qataq ca aceite maye no'onaigui na lhuaq lauel ca ntaxaỹaxanaxanec, nache ỹa'amen aca aloiguishe ltela da'am, qataq aca aloiguishe llaxaata late'erai, qataq aca aloiguishe lqona late'erai ca shiỹaxaua maye nqui'itaxattac, nache pa'aguiñi naqa'en ca ltago'q ca nachetaqtaxanaxat.

Hebreos 5:8

Na'aictaxa da Somaye ỹaỹaten da Llalec Ñim Lo'onatac 'Enauacna, qalaxaye chegoqchigui da nque'eenaxac, nache Somaye ỹaỹaten da naigui da, nache 'eetai' da qaỹalaxaguet Ñim Lo'onatac 'Enauacna.

Hebreos 2:10

Ñim Lo'onatac 'Enauacna ỹo'ot 'enauac nam huetalecna da yaqto' maiche lalamaxat, qataq huotaique da nhuanaua'a 'enauac da llo'oxoyec nam ỹauotec qataq ỹalaxaguet Ñimaye. Qaq nachera da huo'omshe Ñim Lo'onatac 'Enauacna ỹa'auaxaañi da naloqchiichiguiñi da lataxac So Jesucristo, nache ỹaneguet da l-leuaxa, cha'aye Somaye, nacheso Som Lca'alaxaqui namayepi.

1 Ts 5:22

Qataq saishet da qauacoñiiguet 'enauac na ỹotta'a't sa ỹaỹamaxañi.

Éxodo 29:21

Qaq ca no'onañi que'eca ntago'q, nache 'aucorot na pa'aguiñi aca nca'atoxonaxalate, qataq 'auacona ca laỹolec ca aceite, nache 'achegoxolec na lqaic ñi Aarón qataq caua alogo, qataq ñeua llalqa qataq caua alogo. Cha'aye seỹotaugalo da Aỹem do'onataxanoto.

Levítico 7:37

Qaq 'era da llec aca nachetaqtaxanaqtepi qaỹavigaxatta, qataq aca chegaqaigui ana ala ca nañiguishec, qataq 'enauaque caua nachetaqtaxanaqte maye sa imauaq da qaỹavigaxa't, qataq aca nachetaqtaxanaqte da huo'o ca qoỹanagui da lo'onataxanaxac, qataq aca qanhuaachigui.

Levítico 14:25

Ime, nache ipelecot na lqosot que'eca qagueta maye nachetaqtaxanaxat, qataq ỹacona ca laỹe' ca ltago'q ca qagueta, nache ỹa'ayingui ana llaxaata, nache ỹa'amen aca aloiguishe ltela da'am, qataq aca aloiguishe llaxaata late'erai, qataq aca aloiguishe lqona late'erai ca shiỹaxaua maye nqui'itaxattac.