Levítico 8:2 - La'aqtaqa Ñim Lo'onatac 'Enauacna 2013

² «'Auaconeua'a qome ñi Aarón qataq ñeua llalqa, qataq 'auaconalo caua alogo ca ntaxaỹaxanaxanec, qataq aca laỹe' ca aceite maye ncoraxanaxat da huo'o ca qaicorelec, qataq ca huaca maye qoỹaneuo da nachetaqtaxanaxat maye sa imauaq da qaỹavigaxat, qataq caua dos qagueta qataq aca npaqtole maye huetangui aca nauole qaica ca lalegue maye ỹasheeraxachigui,

Levítico 8:2 Referans Kwoze

Hebreos 7:27

Qaq Somaye saishet da 'eeta'am na laỹepi ntaxaỹaxanaxanecpi da qaitaxaỹapegue' Ñim Lo'onatac 'Enauacna, cha'aye namayepi ima'ape naua na'axa'te da iuen da ỹalauat ca shiguiỹac da ỹaneuo, da yaqto' ỹavigaxat da ỹanot Ñim Lo'onatac 'Enauacna, qataq iỹaxanot Ñimaye da ỹapalaxat na maiche lasouaxashetpi, ime, qataq jec na lasouaxashetpi na laỹepi Israel le'ecpi. Qaq So Jesús, co'ollaq ileu da yaqto' qaỹapalaxat na qarasouaxashetpi, nache 'oonolec da ỹan da nachaalataxac, nache saishet da qaltaq lỹa da ỹan.

Éxodo 39:41

qataq so no'oxonec nogoxot da qaỹacoolec na no'onatacpi so npe'l, qataq soua alogo so ntaxaỹaxanaxanec Aarón, qataq soua alogo soua llalqa.

Éxodo 28:40

Qaq ñeua llalqa ñi Aarón nataqa'en 'auo'o't caua lapotol qataq caua lasot alaxa, qataq caua lqaic alaxa ỹataqta ỹo'oxoraqte' 'anqa'en.

Éxodo 28:1

«Qaq 'am, qonapega qome ñi Aarón qataq soua llalqa Nadab, Abiú, Eleazar qataq so Itamar da yaqto' nachesoua qome soua itaxaỹaxanaxanqa da sachegoxotaigui na Israel le'ecpi.

Levítico 6:10

Qaq ca ntaxaỹaxanaxanec, nache ỹaañi qome ca lapo' hualoxolaỹi maye chegaqaigui na lino, qataq caua lpa'axanaqtel. Ime, nache lapona't ca alo aca nachetaqtaxanaqte qaỹavigaxatta maye huetalec añi nca'atoxonaxalate, nache ỹachaua'a na laỹe añimaye.

Levítico 8:1

Nache Ñim Nataxala' 'enapega so Moisés, 'eeta':

Levítico 8:3

nache 'alaỹona't 'enauac na Israel le'ecpi huaña ye ñegueuo ñi npe'l».

Levítico 8:10

Ime, nache so Moisés ỹacona aso laỹe' so aceite maye ncoraxanaxat da huo'o na qaicorelec, nache icorelec so npe'l maye huaña naxa da qanauane' Ñim Nataxala', qataq 'enauac so huetaiguipi da yaqto' ỹaneuo da ỹataqta qui'itta.

Levítico 8:18

Nache so Moisés damaxasoxoolec da qandouo so qagueta maye nachetaqtaxanaxat qaỹavigaxatta. Qaq so Aarón qataq soua llalqa, nache ỹashel-leguete na lqaic somaye.

Levítico 8:22

Ime, nache so Moisés damaxasoxoneuga so lỹa qagueta maye nachetaqtaxanaxat, da huo'o ca qoỹanagui da lo'onataxanaxac. Nache so Aarón qataq soua llalqa ỹashel-leguete na lqaic somaye.