Levítico 8:17 - La'aqtaqa Ñim Lo'onatac 'Enauacna 2013

¹⁷ Qalaxaye so lo'oc se'eso huaca, qataq so no'onañi lapat, qataq so aloq, nache ỹavigaxat, ỹachauga so no'onaxa qui'ittelec maye pa'aueegue da laỹe so qanayeetaña, nache ipacchigui da lamaxasoxonaxac Ñim Nataxala'.

Levítico 8:17 Referans Kwoze

Éxodo 29:14

qalaxaye ca lapat, qataq lo'oc, qataq ca aloq nache 'auavigaxa't, 'arouga ca pa'auec ca nanataqa' maye qanayeuta'a, cha'aye camaye nachetaqtaxanaxat maye sa imauaq da qaỹavigaxat.

Gálatas 3:13

Qalaxaye So Cristo qomi' nca'alaxateeguesopa dam lta'araic qanhuaxanaguec souaxat da saishet da salaxasoxoguet na namaxasoxonaxacpi. 'Era da 'eetec da qomi' nca'alaxatre'c Somaye. Cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹauo'o qome ca nhuaxanaguec cam qaiuaxaata'aguet ca npe'enaxaqui qo'oipaq souaxat da saishet da ỹalaxaguet na namaxasoxonaxacpi.»

Levítico 16:27

Qaq ca no'onañi lapat, qataq ca lo'oc, qataq na aloq ca huaca qataq ca quetaq, nache qaỹavigaxat qairouga ye no'onaxa qui'ittelec maye pa'aueege da laỹe ye qanayeuta'a.

Levítico 6:30

Qalaxaye saishet da ỹe'egueeta'a da chec aca nachetaqtaxanaqte maye sa imauaq da qaỹavigaxat maye mashe qairoua'a ñi npe'l ca ltago'q acamaye, cha'aye nachetaqtaxanaqte da yaqto' qaỹapalaxat ca nasouaxashet. Ỹoqo'oye acamaye iuen da ỹataqta imauec da qaỹavigaxat.

Levítico 4:21

Ime, nache nqateeguesop nataqa'en ye nanataqa' maye qanayeeta'a ca huaca, nache irouec da ỹavigaxat, qataq nache ỹe'enaxatchigui da ỹavigaxat ca hua'auchiguiñi huaca. Cha'aye nachetaqtaxanaxat maye sa imauaq da qaỹavigaxat, yaqto' qaỹapalaxat ca npe'enaxac na ỹalecta'a't Israel le'ecpi.

Levítico 9:11

Qalaxaye so lapat qataq so lo'oc, nache ỹavigaxat huauga naqa'en so pa'auec so nanataqa' maye qanayeuta'a.

Ezequiel 43:21

Ime qataq 'auacona ca huaca llalec maye qoỹaneuo da yaqto' qaỹapalaxat na nasouaxashetpi, nache 'auachaueegue da laỹe aca atamnaxaqui da 'auavigaxat, 'auachaña ca maiche lma' qanqa'en da qaỹavigaxat namayepi.