Levítico 7:37 - La'aqtaqa Ñim Lo'onatac 'Enauacna 2013

³⁷ Qaq 'era da llec aca nachetaqtaxanaqtepi qaỹavigaxatta, qataq aca chegaqaigui ana ala ca nañiguishec, qataq 'enauaque caua nachetaqtaxanaqte maye sa imauaq da qaỹavigaxa't, qataq aca nachetaqtaxanaqte da huo'o ca qoỹanagui da lo'onataxanaxac, qataq aca qanhuaachigui.

Levítico 7:37 Referans Kwoze

Éxodo 29:1

«Qaq da 'auỹotaugalo da aỹem do'onataxaarot da itaxaỹaxanaxanqa. Nache 'auacona ca 'oonolec huaca llalec qataq caua dos qagueta maye qaica ca lque'emaxa,

Levítico 6:20

«Qaq da ivita ca na'a'q da qoỹanaguilo da lo'onataxanaxa'c ñi Aarón qataq ñeua llalqa, nache ñiimaye ỹaarot qome Ñim Nataxala' ca lachetaqtaxanaxa't, ỹauotra'a dos kilos ca lsoche ana ala ca nañiguishec, nache ỹaareuo ca 'oonolec laỹe ca nte'eta, qaq ca lỹa laỹe qalaq ỹaareuo ca avit. Qaq 'era da 'eetra'ac qome 'enauaque naua na'axa'te.

Levítico 1:1

Ñim Nataxala', iỹaxana so Moisés huaña so npe'l maye huaña naxa da qanauane' Ñimaye, nache 'eeta':

Éxodo 29:22

Ime, qataq 'anqateua'a ca lcheta so la'araxashet, lailshecpi, l-lamec, lchiguishel, qataq ca lcheta na aloiguishec ltele'eta, cha'aye que'eca qagueta nachetaqtaxanaxat da huo'o ca qoỹanagui da lo'onataxanaxac da ntaxaỹaxanaxanec.

Levítico 5:7

Qaq da huo'otaq sa nalolec da desheenaxana aca qagueta huo'otaq aca quetaq, nache ỹanot Ñim Nataxala' caua dos qoto' lta'araiqa, huo'otaq caua dos qoto' llalqa da yaqto' lachetaqtaxanaqte. Qaq ca 'oonolec caamaye ỹaneuo da lachetaqtaxanaxat maye sa imauaq da qaỹavigaxat, qaq ca lỹa nache lachetaqtaxanaxat qaỹavigaxatta.

Levítico 8:22

Ime, nache so Moisés damaxasoxoneuga so lỹa qagueta maye nachetaqtaxanaxat, da huo'o ca qoỹanagui da lo'onataxanaxac. Nache so Aarón qataq soua llalqa ỹashel-leguete na lqaic somaye.

Levítico 8:23

Nache so Moisés ipelecot na lqosot so qagueta. Ime, qaq ỹacona so laỹe' so ntago'q, nache ỹa'ayingui aso llaxaata da yaqto' ỹa'amen aso aloiguishe ltela da'am so Aarón, qataq aso aloiguishe llaxaata late'erai qataq aso aloiguishe lqona late'erai.