Levítico 7:31 - La'aqtaqa Ñim Lo'onatac 'Enauacna 2013

³¹ Ime, nache ỹanem ca ntaxaỹaxanaxanec, da yaqto' ỹavigaxat ca lcheta ỹachalec añi nca'atoxonaxalate. Qaq ca ltogue lapat, nache taỹot ca ntaxaỹaxanaxanecpi maye ltauapi so Aarón.

Levítico 7:31 Referans Kwoze

Levítico 7:34

Cha'aye aca nachetaqtaxanaqtepi maye qanhuaachigui maye Aỹem ỹanot qome nam Israel le'ecpi, seỹotauga qome ca ltogue lapat qataq ca ltele'eta da yaqto' nache 'eetai' qome da taỹot ñi ntaxaỹaxanaxanec Aarón, qataq cam chegoxoguetpi ñimaye. Qaq 'era qome da nache 'eetai' lataxac da llecỹaxac na Israel le'ecpi.

Levítico 3:16

Ime, nache ca ntaxaỹaxanaxanec ỹavigaxat 'enauac camaye ỹachalec añi nca'atoxonaxalate, cha'aye nachetaqtaxanaxat nallec maye qaỹavigaxat da qoỹanot Ñimaye, yaqto' da ama laitaỹaxac ỹamaateguet Ñim Nataxala'. Qaq 'enauac que'eca lcheta nache lalamaxat Ñimaye.

Levítico 3:11

Ime, nache ca ntaxaỹaxanaxanec ỹavigaxat 'enauac camaye ỹachalec añi nca'atoxonaxalate, cha'aye nachetaqtaxanaxat nallec maye qaỹavigaxat da qoỹanot Ñim Nataxala'.

Levítico 3:5

Qaq ñeua llalqa so Aarón, nache ỹavigaxat 'enauac camaye npa'axatcheguem da ỹachalec añi nca'atoxonaxalate maye huetalec ca lỹa shiguiỹac nachetaqtaxanaxat qaỹavigaxatta, cha'aye nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'.

Números 18:18

Qalaxaye ca lapat 'am taỹot qome ca ltogue lapat maye qoỹaasheguem da nachetaqtaxanaxat da Aỹem qoỹanot, qataq ca ltele'eta aloiguishec.

Levítico 8:29

Ime, nache so Moisés ỹacona so ltogue lapat da yaqto' ỹaasheguem da ỹanot Ñim Nataxala'. Nache se'eso laỹe so nachetaqtaxanaxat taỹot so Moisés, qaq nache ipacchigui da lamaxasoxonaxac Ñim Nataxala'.

Levítico 6:26

Qaq que'eca ntaxaỹaxanaxanec maye ỹaneuo que'eca shiguiỹac maye sa imauaq da qaỹavigaxat, camaye nacheca ca ishet da chec ca laỹe camaye, qalaxaye nache hueta'a ye ỹaqauga nqasoxoc ñi npe'l.

Levítico 6:16

Qaq ca no'onañi laỹepi aca'aca nachetaqtaxanaqte, nache qoỹanem da chec ñi Aarón qataq ñeua llalqa. Qalaxaye saishet da che'c aca huo'o aca lalegue maye ỹasheeraxachigui ca ndaqñiguishec, da huaña ca ỹaqauga ndaqa' ye nqasoxoc ñi npe'l.

Levítico 5:13

da yaqto' ca ntaxaỹaxanaxanec ỹo'ot da qaỹapalaxat camachaqca lasouaxashet maye ỹo'ot que'eca shiỹaxaua. Qaq nache 'ena'am da lataxac aca nachetaqtaxanaqte maye chegaqaigui ana ala ca nañiguishec. Qaq ca no'onañi, nache taỹot que'eca ntaxaỹaxanaxanec.›»

1 Corintios 9:13

Qami' qauaỹaañi da na do'onataxaategueua'a añi no'onaxanaxaqui late'erai, namayepi chectac na nallec maye lalamaxat añi no'onaxanaxaqui. Dam ỹoqta sheetega 'eeta': nam huetapegue' añi nca'atoxonaxalate da ỹavigaxattac na nachetaqtaxanaxat huaca lapat, namayepi chectac na qaiỹotauga lapat.

Éxodo 29:26

Qaq da ime, nache 'auacona ca ltogue lapat que'eca qagueta maye nachetaqtaxanaxat, da qoỹanagui da lo'onataxanaxac ñi Aarón, nache 'aỹa'aasheguem da 'aỹa'anot Ñim Nataxala'. Qaq que'eca ltogue lapat maye 'aỹa'aasheguem, camaye nache 'aralamaxat.

Números 18:11

Nataqa'en 'am, qataq na 'aỹa'alaqpi ỹalleppi qataq na 'alpi maye ñaq 'am neto'otpi, da qami' sanema qome 'enauac na nachetaqtaxanaxat maye ỹaasheguem da Aỹem ỹanot na Israel le'ecpi, qaq de'era lataxac nache 'eetai' qome. Qataq 'enauac na shiỹaxauapi maye hueta'a ca 'arma' da qui'itta da lataxac, nache ishet da chec anamaye.

Deuteronómio 18:3

Qaq da huo'o ca 'oonolec na nhuo' le'ecpi da ỹaneuo ca lachetaqtaxanaxat huaca huo'otaq qagueta, nache ca ntaxaỹaxanaxanecpi ishet da ỹacona ca laỹe ca l-laq lapat, qataq ca lanoc, huo'otaq ca da'ama'.