Levítico 7:30 - La'aqtaqa Ñim Lo'onatac 'Enauacna 2013

³⁰ qataq nacheca camaye da iroua'a añi nca'atoxonaxalate maye lalamaqte Ñim Nataxala'. Qaq huaña, nache ỹacona ca ltogue lapat qataq ca lcheta ca shiguiỹac da ỹaasheguem da ỹanot Ñimaye.

Levítico 7:30 Referans Kwoze

Números 6:20

Qaq da ime 'enauac de'era, nache ca ntaxaỹaxanaxanec ỹaasheguem que'eca nachetaqtaxanaxat da ỹanot Ñim Nataxala'. Cha'aye camaye sa qaishetapec, qataq qaiỹotauga da lalamaxat ca ntaxaỹaxanaxanec, qaq nache 'ena'am ca ltogue lapat maye qoỹaasheguem, qataq ca ltele'eta maye qaiỹotauga. Qaq da imeta 'enauac de'era, nache que'eca shiỹaxaua maye qoỹaneuo, ishet da nỹomigui ca lataxa.

Levítico 3:14

Nache ca ỹaneuo aca lachetaqtaxanaqte, camaye ỹanot Ñim Nataxala' da yaqto' qaỹavigaxat 'enauac ca lcheta na lauel le'ecpi que'eca shiguiỹac,

Levítico 3:9

Nache ca ỹaneuo aca lachetaqtaxanaqte qanhuaachigui, camaye ỹanot Ñim Nataxala' da yaqto' qaỹavigaxat 'enauac ca lcheta ca la'araxashet, qataq ca lcheta na lauel le'ecpi,

2 Corintios 8:12

Cha'aye ca shiỹaxaua da ỹoqta 'eesa da lhuennataxa da huo'o ca ỹan, qalaq Ñim Lo'onatac 'Enauacna ỹataqta ỹaỹamaxareeta cam nalotaua'a da ỹan camaye. Cha'aye Ñimaye saishet da iỹaxanaique cam saishet da qanaloua'a.

Juan 10:18

Qaica ca ishet da deuotaxanec de'era ñachaalataxac, qalaxaye maiche Aỹem chegoqchigui da san damaye. Qaq Aỹem huo'o da shenec da san damaye, qataq da ñe'eguelaxaala't. Qaq 'era dam Aỹem ỹamaxalec Ñim Ita'a.

Salmos 110:3

Qataq 'am nañanot na 'arhuo' le'ecpi, qom ivita da 'auamaxasoxon da huaña añi qui'itta qasoxonaxa, nache 'eeta'am na 'aỹa maye naañi da yaqta'a yo'oxoñi, dam dalaxaic 'annogotshec 'enauaque naua na'axa'te.

Levítico 9:21

Qalaxaye so ltogue lapat qataq aso lleegue aloiguishe, ỹa'auaxaañi da ỹaasheguem da ỹanot Ñim Nataxala', nache ipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Levítico 8:27

Nache ỹanem 'enauac somaye so Aarón qataq soua llalqa, nache ỹaayishegue'm da yaqto' lachetaqtaxanaqte'.

Levítico 8:29

Ime, nache so Moisés ỹacona so ltogue lapat da yaqto' ỹaasheguem da ỹanot Ñim Nataxala'. Nache se'eso laỹe so nachetaqtaxanaxat taỹot so Moisés, qaq nache ipacchigui da lamaxasoxonaxac Ñim Nataxala'.

Levítico 10:14

Qaq aca'aca lachetaqtaxanaqte na Israel le'ecpi maye qanhuaachigui, ca ltogue lapat maye qoỹaasheguem da qoỹanot Ñim Nataxala', qataq ca ltele'eta maye qaralamaxache da qollequi, camaye nache huaña ye qaiỹotauga da qarquia'aqa'ai, 'am qataq ca 'aỹa'alaqpi ỹalleppi, qataq ca 'alpi.

Números 8:11

Nache ñi Aarón ỹanot qome Ñim Nataxala' na leviitapi, da yaqto' lachetaqtaxanaxat na Israel le'ecpi, nache namayepi ỹataqta qaiỹotauga da yaqto' do'onataxanot Ñim Nataxala'.

Levítico 9:20

nache 'enauac so lcheta npa'axatcheguem da ỹachalec so ltogue lapat. Nache so Aarón ỹachalec aso nca'atoxonaxalate da yaqto' ỹavigaxat.

Levítico 10:15

Nache ca ltele'eta qataq na ltogue lapat lỹateuo ca lcheta da qaỹa'añeeuo, nache 'enauac camaye qaỹa'añisheguem da qaỹa'añiỹot Ñim Nataxala', da nachetaqtaxanaxat ỹaqauga maye qaỹavigaxat. Qaq 'era qome da nache 'eetai' lataxac da 'icỹaxac qataq ca 'aỹa'alaqpi, cha'aye 'era da lamaxasoxonaxac Ñim Nataxala'.»

Deuteronómio 18:3

Qaq da huo'o ca 'oonolec na nhuo' le'ecpi da ỹaneuo ca lachetaqtaxanaxat huaca huo'otaq qagueta, nache ca ntaxaỹaxanaxanecpi ishet da ỹacona ca laỹe ca l-laq lapat, qataq ca lanoc, huo'otaq ca da'ama'.