Levítico 7:26 - La'aqtaqa Ñim Lo'onatac 'Enauacna 2013

²⁶ Qaq na'aictaxa ca pa'aigue ca qoñiitaña ana 'alhua, saishet qome da qollequi ca ltago'q ca maỹo, huo'otaq ca shiguiỹac.

Levítico 7:26 Referans Kwoze

Génesis 9:4

Qalaxaye saqata da saishet qome da qolliqui, ca lapat maye ñaq huetagui na ltago'q, cha'aye naua ntago'q nachenaua naua huetaiguilo da achaalataxac.

Hechos 15:20

Nachaqrata da qomi' sauoqo'o aca qorere da taỹa'a namayepi da shenaqapega da ỹaxaañi da chec na nallec maye mashe qoỹanot na ne'enaqtacpi maye qanatameetacotpi, qataq saishet da huo'o ca ncachetague' aca saishet da lhua, qataq saishet da chec na lapat ca choche ichegueuo na lqosot, huo'otaq ca 'ogaxaic maye sa qaicolde'c naua ltago'q qataq saishet da chec na ntago'q.

Levítico 3:17

Qaq 'era qome da nache 'eetai' lataxac da qoyecỹaxaqui, qataq ca qaỹa'alquipi, qataq cam qami' chegoxogueta, na'aictaxa ca pa'aigue ca qoñiitaña ana 'alhua, qalaq saishet qome da qollequi ca lcheta qataq ca ltago'q ca shiguiỹac».

1 Timoteo 4:4

Cha'aye 'enauac na lo'onatac Ñimaye ỹataqta 'onaxaic. Ỹoqo'oye saishet da ỹaỹamaxañi da semaxasoqtac, nachaqrata da saconaxaguet, qataq sanaqtacot da qana'achec Ñim Lo'onatac 'Enauacna.

Efesios 1:7

Chegoqchigui da l-leuaxa So Cristo co'ollaq qaiuaxaneguet so npe'enaxaqui, da Ñim Lo'onatac 'Enauacna ỹapalaxat 'enauac nam qarasouaxashetpi qataq qomi' isoueeguesopa namayepi. Qaq de'era ỹo'ot souaxat da chochaq huañi lsoxoyec Ñimaye. Ỹachegoxotchigui dam lta'araic laỹaanec qataq lauattonaxanaxac,

Hechos 15:29

Saishet qome da qolliqui na lapat cam mashe qoỹanot na ne'enaqtacpi maye qanatameetacotpi, qataq saishet da qolliqui na ntago'q, nache 'eeta'am na lapat na shiguiỹac maye choche ichegueuo na lqosot, qataq saishet da huo'o ca ncachetague' aca sa lhua. Qaq qom qaupaquiitelec da qauo'oche' ne'enaua, nache ỹo'ot da ỹataqta qauamaichiguiñi. Qauacoñiiguet qome da qarquinaxanaxac.»

Juan 6:53

Nache So Jesús, 'eeta': –Aja', ỹataqta 'eesa de'era qami' sa'axatema, da huo'otaq saishet da qolliqui da lo'ocỹaxac na Shiỹaxaua Llalec, qataq da saishet da qanỹomiiguilo naua ltago'q, nache saishet da huo'o ca qarca'alaqai chochaq tatec.

Ezequiel 33:25

Qaq ỹoqo'oye qonapega qome namayepi, qoneta': Da la'aqtac Ñim Nataxala', 'eeta': Qami' qollequiitac na lapat maye ñaqauo'o na ltago'q, qataq qavio'oxoyiñiitac na nqolacpi, qataq qaualaataxañi, qalaq ¿qaupicheetega peta'a da ishet da qaralamaxache ne'ena 'alhua?

Levítico 7:25

Qaq que'eca chec ca lcheta ca shiguiỹac maye qoỹanot Ñim Nataxala' da yaqto' nachetaqtaxanaxat maye qaỹavigaxat, camaye qaỹo'orauec, ca'ai qanqa'en ca lauo' le'ecpi.

Levítico 7:27

Qaq ca shiỹaxaua da chec ca lapat maye ñaq huo'o na ltago'q, nache camaye qaỹo'orauec, ca'ai qanqa'en ca lauo' le'ecpi.»

Levítico 19:26

Saishet da qollequi ca ñaq huo'o na huetaigui ltago'q. Saishet da qaua'axachiỹaua'a ca saqcha'a nhuennataxac. Qataq saishet da qaunacheetac ca nqui'i, da yaqto' qaua'axachiỹa'aguet ca saqcha'a lataxac.

Deuteronómio 12:16

Qalaxaye saishet da qollequi ca ltago'q, nacherata da qaucoyeelec na 'alhua 'eeta'am qanqa'eñi na 'etaxat.

Deuteronómio 12:23

Qalaxaye saishet da qollequi ca ltago'q, cha'aye na ntago'q chegaqaigui da nca'alaxa, qaq ỹoqo'oye saishet qome da qollequiỹa'ai' da lca'alaxa ca lapat.

Deuteronómio 15:23

Qalaxaye ca ltago'q saishet da qollec, nacherata da 'aucorelec na 'alhua 'eeta'am da 'aucorec ca 'etaxat.

Éxodo 22:30

nache 'ena'am ca la'auaxanec llalec aca 'arelo huaca, qataq qagueta, qalaxaye 'aua'axaỹa'a da siete na'axa'te da neto'ot aca late'e, qaq ca na'a'q ocho nache Aỹem 'aỹa'anem.