Levítico 7:21 - La'aqtaqa Ñim Lo'onatac 'Enauacna 2013

²¹ Qaq ca shiỹaxaua da ỹashelagui ca la'atec ca shiỹaxaua, huo'otaq ca shiguiỹac maye qaiqaiga, huo'otaq ca camachaqca nam qaiqaigapi, da chec ca lapat aca nachetaqtaxanaqte qanhuaachigui maye qoỹanot Ñim Nataxala', nache camaye qaỹo'orauec, ca'ai qanqa'en ca lauo' le'ecpi.»

Levítico 7:21 Referans Kwoze

Ezequiel 4:14

Qaq huaña nache, sheeta': «'Agai, 'Am Nataxala' maye Ñatamnaxala', aỹem ỹataqta saỹauano' da sacootapigui ca nshepaxan, qataq saỹauano' da sachec ca lapat ca shiguiỹac leuaxaic, huo'otaq ca icolaxattac ca shiguiỹac maye dequi'iỹapec, qataq saỹauano' da she'eguen da sachec ca lapat nshepaxan.»

Levítico 12:1

Nache Ñim Nataxala' 'enapega so Moisés, 'eeta':

Levítico 11:20

Qataq 'enauac na ato' le'ecpiolec maye ishet da huaỹo, qataq na petañi, namaye qauqaiquiỹa qome,

Deuteronómio 14:10

qalaxaye na qaicaua naua laua'ttole qataq ana laso, saishet da qollequi, nacherata da qauqaiquiỹa namayepi.

Deuteronómio 14:3

Saishet qome da qollequi ca shiguiỹac maye ỹataqta qaiqaiga.

Levítico 22:4

Qataq na chegoxoguetpi ñi Aarón, da huo'o ca huetalec na lo'oc ca qauem nhuetaxanaxa, huo'otaq da huo'o na lli'i ñi logoxoshet, nache saishet qome da chec ca nallec maye qoỹaneuo da nachetaqtaxanaxat, nato' qom qui'itta. Qataq ca ipoteua'a ca ỹataqta qaiqaiga souaxat da nhuoiguet ca leuaxaic, huo'otaq ca maiche anactac ana lmale,

Levítico 18:29

Qaq da qoñiita da huo'o ca ỹo'ot ne'ena qauemsat, nache camaye qaỹo'orauec, ca'ai qanqa'en ca lauo' le'ecpi.

Levítico 17:14

cha'aye na ntago'q, namaye chegaqaigui da lca'alaxa 'enauac na nca'altauec. Qaq ỹoqo'oye qami' shenapegalo da saishet da qollequi na ntago'q, cha'aye namaye chegaqaigui da nca'alaxa. Nache ca shiỹaxaua da chec, nache qaỹo'orauec, ca'ai qanqa'en ca lauo' le'ecpi.

Levítico 17:10

Qaq Aỹem, saishet da seshetaxateguet ca Israel le'ec, huo'otaq ca chegaqauec maye qami' netaiguilo, da chec ca lapat da ñaq huo'oi naua ltago'q, nache camaye so'orauec, ca'ai ñaqa'en ca lauo' le'ecpi.

Levítico 7:27

Qaq ca shiỹaxaua da chec ca lapat maye ñaq huo'o na ltago'q, nache camaye qaỹo'orauec, ca'ai qanqa'en ca lauo' le'ecpi.»

Levítico 7:25

Qaq que'eca chec ca lcheta ca shiguiỹac maye qoỹanot Ñim Nataxala' da yaqto' nachetaqtaxanaxat maye qaỹavigaxat, camaye qaỹo'orauec, ca'ai qanqa'en ca lauo' le'ecpi.

Levítico 7:20

Qaq ca shiỹaxaua maye nshepaxan da lataxac, da huo'otaq chec ca lapat aca nachetaqtaxanaqte qanhuaachigui maye qoỹanot Ñim Nataxala', nache camaye qaỹo'orauec, ca'ai qanqa'en ca lauo' le'ecpi.

Éxodo 12:19

Qaq saishet qome da huo'o ca ỹaỹamaxattac aca lalecnaxanaqte que'ecaua siete na'axa'te. Cha'aye da huo'otaq huo'o ca chec aca nauole 'ayiiña maye huo'o ana lalegue, nache camaye qaỹo'orauec da yaqto' saishet da ỹalegoigui na Israel le'ecpi, na'aictaxa camaye da huo'otaq nachena na Israel le'ecpi, huo'otaq ca choche chegaqauec.

Éxodo 12:15

Qaq siete na'axa'te qome da qollequiitac ana nauole 'ayiiña maye sa qaỹauo'o anam lalegue maye ỹasheeraxachigui. Qaq ỹoqo'oye que'eca la'auaxanec na'a'q nache saishet da huo'otaq 'auaỹamaxattac nam lalegue maye ỹasheeraxachigui na ndaqñiguishec 'ayiiña que'eca 'arma'. Cha'aye da huo'o ca 'oonolec da qoñiita da huo'otaq chec aca nauole 'ayiiña maye qaỹauo'o aca lalegue maye ỹasheeraxachigui que'ecaua siete na'axa'te, nache camaye qaỹo'orauec da yaqto' saishet da ỹalegoigui na Israel le'ecpi.

Génesis 17:14

Qalaxaye cam saishet da qaỹauo'o ca na'anaxat na lo'oc, nache camaye iuen da qaỹamaqauec qome, cha'aye qaica ca 'enec naqa'en da ñaỹamaxataxac.»

Levítico 7:22

Ñim Nataxala' 'enapega so Moisés, 'eeta':

Levítico 22:3

Nataqa'en qonapega qome namayepi, da huo'o ca saishet da qui'itta da lataxac na chegoxoguet namayepi, nache saishet da ỹaneuo ca nachetaqtaxanaxat, cha'aye da ỹaneuo ca nachetaqtaxanaxat maye ỹaneuo na Israel le'ecpi, da yaqto' qoỹanot Ñim Nataxala', nache camaye qaỹo'orauec, ca'ai qanqa'en ye ỹanataqa'. Qaq 'era da ỹa'aqtac, Aỹem Nataxala'.

Números 19:22

Nache 'enauac na ipoteua'a que'eca shiỹaxaua maye saishet da qui'itta, nache nataqa'en saishet da qui'itta, qataq ca ipoteua'a camaye, nataqa'en saishet da qui'itta da lataxac ivitta'a da pe.»

1 Samuel 20:26

Nache se'eso na'a'q so Saúl qaica ca la'aqtac, cha'aye ipi'itaxaatega da huo'o ca huetapoigui so David, nache saishet da qui'itta.

Levítico 19:8

Qaq ca chec acamaye, nache nque'etaxangui ca maiche lasouaxashet, qaq camaye nache qaỹo'orauec, ca'ai qanqa'en ca lauo' le'ecpi, cha'aye qaica ca naigui naqa'en cam qoỹanot Ñim Nataxala'.

Levítico 20:3

Nache Aỹem ỹataqta sataỹa'aguet qome que'eca shiỹaxaua, qataq so'orauec, ca'ai ñaqa'en ca lauo' le'ecpi, cha'aye ishepaxanaqchet ye atamnaqa' maye ỹanataqa', qataq ỹe'enai' da ỹataqta qui'itta ỹe'enaxat, souaxat da ỹanot ca llalec ca atamnaxala' Moloc.

Levítico 23:29

Qaq ca shiỹaxaua, da saishet da ỹo'ot ca na'a'q maye qaỹo'ot da qouaqchetaxac, nache camaye qaỹo'orauec, ca'ai qanqa'en ca lauo' le'ecpi.

Ezequiel 33:25

Qaq ỹoqo'oye qonapega qome namayepi, qoneta': Da la'aqtac Ñim Nataxala', 'eeta': Qami' qollequiitac na lapat maye ñaqauo'o na ltago'q, qataq qavio'oxoyiñiitac na nqolacpi, qataq qaualaataxañi, qalaq ¿qaupicheetega peta'a da ishet da qaralamaxache ne'ena 'alhua?