Levítico 7:20 - La'aqtaqa Ñim Lo'onatac 'Enauacna 2013

²⁰ Qaq ca shiỹaxaua maye nshepaxan da lataxac, da huo'otaq chec ca lapat aca nachetaqtaxanaqte qanhuaachigui maye qoỹanot Ñim Nataxala', nache camaye qaỹo'orauec, ca'ai qanqa'en ca lauo' le'ecpi.

Levítico 7:20 Referans Kwoze

1 Corintios 11:28

Ỹoqo'oye ñi 'oonolec, iuen da ỹa'auaxaañi da ỹataqta naỹateetela't, da huo'otaq 'onaxaic cam ỹo'ottac huo'otaq qauem. Ime, nache ishet da chec aca nauole qataq ishet da nỹomgui aca ỹomaxaqui.

Génesis 17:14

Qalaxaye cam saishet da qaỹauo'o ca na'anaxat na lo'oc, nache camaye iuen da qaỹamaqauec qome, cha'aye qaica ca 'enec naqa'en da ñaỹamaxataxac.»

Éxodo 30:33

Qataq da huo'o ca ỹo'ot ca ncoraxanaxat da 'eeta'am da no'onataguec namaye, qataq da icorelec ca camachaqca shiỹaxaua, nache camaye qaỹo'orauec, ca'ai qanqa'en ca lauo' le'ecpi.»

Levítico 7:19

Qaq ca lapat maye nhuoiguet ca camachaqca nam qaiqaigapi, nache camaye saishet da qanallec, nacherata da qaỹalat qalaxaye qaỹavigaxat. Qaq que'eca lỹa lapat, nache 'enauac ca shiỹaxauapi maye qui'itta da lataxac ishet da chec.

Levítico 7:25

Qaq que'eca chec ca lcheta ca shiguiỹac maye qoỹanot Ñim Nataxala' da yaqto' nachetaqtaxanaxat maye qaỹavigaxat, camaye qaỹo'orauec, ca'ai qanqa'en ca lauo' le'ecpi.

Números 19:13

Qaq da huo'o ca ipoteua'a ca shiỹaxaua leuaxaic, nache da saishet da nỹola't camaye, nache ishet da na'aqchet ñi npe'l maye lanataqa' Ñim Nataxala'. Qaq que'eca shiỹaxaua iuen da ca'ai qanqa'en na Israel, cha'aye saxanaxa da qaiquetegaxaalec que'eca 'etaxat maye ishet da iqui'itaxatta, nache camaye nache 'eetai' da saishet da qui'itta da lataxac.

1 Samuel 20:26

Nache se'eso na'a'q so Saúl qaica ca la'aqtac, cha'aye ipi'itaxaatega da huo'o ca huetapoigui so David, nache saishet da qui'itta.

Éxodo 30:38

Qaq da huo'o ca 'oonolec da ỹo'ot ca nchenaxanaxat da 'eeta'am naqa'en camaye da yaqto' maiche lalamaxat da nchenaxat, nache camaye qaỹo'orauec, ca'ai qanqa'en na lauo' le'ecpi.»

Levítico 7:27

Qaq ca shiỹaxaua da chec ca lapat maye ñaq huo'o na ltago'q, nache camaye qaỹo'orauec, ca'ai qanqa'en ca lauo' le'ecpi.»

Levítico 18:29

Qaq da qoñiita da huo'o ca ỹo'ot ne'ena qauemsat, nache camaye qaỹo'orauec, ca'ai qanqa'en ca lauo' le'ecpi.

Levítico 19:8

Qaq ca chec acamaye, nache nque'etaxangui ca maiche lasouaxashet, qaq camaye nache qaỹo'orauec, ca'ai qanqa'en ca lauo' le'ecpi, cha'aye qaica ca naigui naqa'en cam qoỹanot Ñim Nataxala'.

Levítico 20:3

Nache Aỹem ỹataqta sataỹa'aguet qome que'eca shiỹaxaua, qataq so'orauec, ca'ai ñaqa'en ca lauo' le'ecpi, cha'aye ishepaxanaqchet ye atamnaqa' maye ỹanataqa', qataq ỹe'enai' da ỹataqta qui'itta ỹe'enaxat, souaxat da ỹanot ca llalec ca atamnaxala' Moloc.

Levítico 23:29

Qaq ca shiỹaxaua, da saishet da ỹo'ot ca na'a'q maye qaỹo'ot da qouaqchetaxac, nache camaye qaỹo'orauec, ca'ai qanqa'en ca lauo' le'ecpi.

Ezequiel 33:25

Qaq ỹoqo'oye qonapega qome namayepi, qoneta': Da la'aqtac Ñim Nataxala', 'eeta': Qami' qollequiitac na lapat maye ñaqauo'o na ltago'q, qataq qavio'oxoyiñiitac na nqolacpi, qataq qaualaataxañi, qalaq ¿qaupicheetega peta'a da ishet da qaralamaxache ne'ena 'alhua?