Levítico 7:19 - La'aqtaqa Ñim Lo'onatac 'Enauacna 2013

¹⁹ Qaq ca lapat maye nhuoiguet ca camachaqca nam qaiqaigapi, nache camaye saishet da qanallec, nacherata da qaỹalat qalaxaye qaỹavigaxat. Qaq que'eca lỹa lapat, nache 'enauac ca shiỹaxauapi maye qui'itta da lataxac ishet da chec.

Levítico 7:19 Referans Kwoze

Tito 1:15

Ca shiỹaxaua, da ỹalaxaguet qataq ỹa'amaqten So Cristo, qaq qui'itta naqa'en 'enauac na chochena lataxaguesat. Qalaxaye nam sa ỹalaxaguet qataq sa ỹa'amaqten Somaye, nache namayepi qaica ca qui'itta naqa'en. Cha'aye da lhuennataxa qataq da ntoonaxac ivira'a da ỹataqta qauem.

2 Corintios 6:17

Qaq ỹoqo'oye nataqa'en Ñim Nataxala', 'eeta': «Qoquiỹa'ai qome namayepi, qataq qauỹocheelec; qataq saishet qome da qa'aitapegueua'a ca ishet da deshepaxanaqtaxan. Yaqto' Aỹem ishet da qami' saconegueta.

Romanos 14:20

Saishet qome da qauqataqchichi da lo'onataxanaxac Ñim Lo'onatac 'Enauacna souaxat nam qanallec. Cha'aye ỹoqta 'eesa da 'enauac nam qanallec, namayepi ỹataqta qui'itta; qalaxaye dam qauem 'eeta': da huo'o ca qanallec cam ishet da iqataqchet da lpi'iỹaxac cam nỹa.

Romanos 14:14

So Qarataxala' Jesús aỹem ỹapaxaguen da qaica ca nallec da qauem. Qalaxaye da huo'o ca ipettega da huo'o ca nallec maye saishet da ishet da qanallec, nache no'on da saishet da chec.

Hechos 10:28

Nache so Pedro 'enapego' somayepi, 'eeta': –Qami' qauaỹaañi da na judiopi ỹasouaxat da la'amqaanataxanaxac, nache ỹataqta sa qaỹasheneguet da ỹaleeguet ca sa lauo' le'ec, huo'otaq da choche pa'aigui ca lauo' camaye. Qalaxaye Ñim Lo'onatac 'Enauacna aỹem ỹapaxaguenec da saishet da huo'o ca samata'ac da nshepaxan da lataxac, huo'otaq sa qaisheteguet.

Lucas 11:41

Qaq dam ỹataqta ỹaỹamaqchiguiñi lataxac qataq 'eesa da qui'itta, damaye nachera da ñi 'oonolec detaunaxanot ca hueto'ot, da itauan na choxoraqpi.

Levítico 6:27

Qalaxaye 'enauac ca ỹaqauga, nache saishet da ipoteua'a que'eca lapat, cha'aye saishet da qaishetapec. Qaq da huo'otaq ichecnoto caua anogo que'eca ntago'q, nache caamaye da qaiỹoi', nache huaña qanqa'en ca qaiỹotauga nỹoqo' ca nogoxot.

Levítico 7:18

Qaq da huo'otaq huo'o ca chec que'eca lapat maye ivirauga ca na'a'q tres, nache Ñim Nataxala' saishet da ỹaconeguet qataq qaica ca naigui naqa'en aca'aca nachetaqtaxanaqte, cha'aye mashe qauem. Qaq que'eca shiỹaxaua maye chec que'eca lapat, camaye nque'etaxangui qome ca lasouaxashet.

Levítico 7:20

Qaq ca shiỹaxaua maye nshepaxan da lataxac, da huo'otaq chec ca lapat aca nachetaqtaxanaqte qanhuaachigui maye qoỹanot Ñim Nataxala', nache camaye qaỹo'orauec, ca'ai qanqa'en ca lauo' le'ecpi.