Levítico 7:18 - La'aqtaqa Ñim Lo'onatac 'Enauacna 2013

¹⁸ Qaq da huo'otaq huo'o ca chec que'eca lapat maye ivirauga ca na'a'q tres, nache Ñim Nataxala' saishet da ỹaconeguet qataq qaica ca naigui naqa'en aca'aca nachetaqtaxanaqte, cha'aye mashe qauem. Qaq que'eca shiỹaxaua maye chec que'eca lapat, camaye nque'etaxangui qome ca lasouaxashet.

Levítico 7:18 Referans Kwoze

Números 18:27

Qaq que'eca iỹotauga nache 'eeta'am qome da 'eetec naxa na Israel le'ecpi da ỹaneuo natai' iỹotauga trigo qataq na lataxa.

Levítico 22:25

Qataq saishet da qauacoñiiguet que'eca shiguiỹac que'emaxaic da qami' iroua'alo ca chegaqauec, da yaqto' nallec maye qoỹanot Ñim Qanatamnaxala'ai, cha'aye que'eca shiguiỹac que'emaxaic, saishet da qaỹaỹamaxaren.»

Levítico 11:41

Qataq saishet da qollequi na ỹotta'a't shiguiỹacpiolec maye hualectapigui', cha'aye saishet da qui'itta.

1 Pedro 2:24

So Cristo ỹache 'enauac na qarasouaxashetpi, cha'aye ileualec so npe'enaxaqui. Qaq ỹo'ot damaye yaqto' qomi' saxanaxañi 'enauac nam so'otaqtac qauem, nache ndotec da so'otaqtac cam 'onaxaic. So Cristo co'ollaxa ỹataqta qaique'emaqchet, yaqto' ishet da qami' no'oite'.

Hebreos 9:28

Qaq nache 'eeta'am So Cristo da 'oonolec da nañan da yaqto' qalota da shenaqta na qaỹapalaxat na lasouaxashetpi. Ime, nache Somaye ñe'eguelaxa qome ana 'alhua, qalaxaye saishet da naỹa da qaltaq ileualec na qarasouaxashetpi, nachaqrata da anac da 'enauac qomi' nca'alaxatre'c, qomi' maye seuataqtaique ca lviraxac.

Romanos 4:11

Qaq ỹoqta 'eesa da so Abraham qaỹauo'o co'ollaxa so la'anaxat na lo'oc da na'anaxat qanqa'en, qaq damaye ỹachaxan da Ñim Lo'onatac 'Enauacna ỹaconeguet somaye souaxat da huo'o da lpi'iỹaxac. Qaq 'era da 'eetec so Abraham da huo'omshe qoỹanagui da lta'a 'enauac nam huo'o da lpi'iỹaxac Ñim Lo'onatac 'Enauacna, na'aictaxa da saishet da qaỹauo'o ca na'anaxat na lo'oc.

Lucas 16:15

Nache So Jesús 'enapeco': «Qami' maye nacheqami' choche qanachaxañiitega 'enauac na shiỹaxauapi da qami' no'o'n, qalaxaye Ñim Lo'onatac 'Enauacna ỹauatto'n naua qarquiyaqchilli'. Cha'aye cam ỹamata'ac nam shiỹaxauapi da 'eetega 'amaqtaqaic, qaq nacheca cam ỹataqta ỹaỹemec Ñim Lo'onatac 'Enauacna.

Malaquías 1:13

Qataq qami' qoñiỹapec: qomi' mashe ñasamaxaisop 'enauac de'era, nache Aỹem qauo'otañi 'enapec Ñim Nataxala' maye Qaica ca Ỹaqalanapec. Qalaq ñaq 'eetalec da qaupicheetega da samachiguiñi da aỹem qaỹa'añiỹot ca shiguiỹac maye chochaq ncachaxat, qataq ca lapat ca huaỹoraxaic, huo'otaq sano'on.

Malaquías 1:10

«¡Ỹataqta da iyaxa da huo'o ca 'oonolec da qoñeeta da ỹapogui na lasompi añi atamnaxaqui maye ỹalamaqte, yaqto' saishet da choche ne'en da qoỹegueua'a na norec añi ỹalamaqte nca'atoxonaxalate! Cha'aye Aỹem saishet da qami' ñetootegueque, qataq saishet da shecto'ot da sacootapeeguet ana qarachetaqtaxanaqche.

Amós 5:22

Qaq na'aictaxa da aỹem qaỹa'añiỹot ana qarachetaqtaxanaqche qaỹavigaxatta, huo'otaq ana qarachetaqtaxanaqche ala na nañiguishec da yaqto' aỹem qavio'oxoreñi qalaq saishet da saconeguet qome, qataq saishet da seqocha'a ca qaỹa'añeeuo qarachetaqtaxanaxache qanhuaachigui, maye chegaqaigui nam chaxaraicpi qareloi huaca llalaqpi.

Oseas 8:13

Qaq namayepi nqopita da aỹem ỹanot ana lachetaqtaxanaqtepi, nache namayepi chec na lapat nam nachetaqtaxanaxat, qalaxaye Aỹem Nataxala' sa saỹamaxaren da ỹo'ot namayepi. Qaq Aỹem seuennate qome nam qauem maye ỹo'otpi, nache sauo'o ca nhuaxanaguec souaxat na lasouaxashetpi, qataq she'eguelaxata qome ye Egipto.

Ezequiel 18:20

Qaq nachecata cam huo'o ca lasouaxashet da ileu qome. Qaq cam ñalec saishet da isheeten ca lasouaxashet ca lta'a, qataq cam nta'a saishet da isheeten ca lasouaxashet ca llalec. Qaq ca no'on da lataxac, qalaq ỹaconeguet qome ca lasheechiỹaxac ca nalochiguiñi lataxac maye ỹo'ot, qaq ca qauemaic qalaq ỹaconeguet qome ca nhuaxanaguec souaxat dam qauem lataxac.

Jeremías 14:12

Cha'aye na'aictaxa da ỹaguec ca nqouaqchetaxac, qalaxaye Aỹem saishet da sa'axaỹa qome ca nachoxonnaxac, qataq na'aictaxa da qalota ana ndouopi lachetaqtaxanaqtepi maye qaỹavigaxatta qataq ana ala ana lañiguishepi, qalaxaye saishet qome da saỹamaxaren da selogui. Aỹem selaxachigui qome namayepi serolec ca alaataxac, nqouaxa, qataq ca napiina.»

Jeremías 14:10

Ñim Nataxala', 'eeta' da la'aqtac da detaxaỹa na nhuo' Israel le'ecpi: «Ne'ena nhuo' le'ecpi, ỹataqta lauela da chochaq queta. Qaq ỹoqo'oye sa saỹamaxaren da lataxac namayepi. Qaq nagui, nache seuennate na lasouaxashetpi namayepi, qataq sauo'o ca nhuaxanaguec souaxat namayepi.»

Isaías 66:3

Qalaxaye nam ỹavigaxat na huaca lhuaraic da lachetaqtaxanaxat qalaq 'eeta'am ca ỹalauat ca shiỹaxaua, qataq na ỹan na qagueta llalec da lachetaqtaxanaxat qalaq 'eeta'am ca ipelecot na lqosot ca pioq, qataq cam ỹaneuo na ala na nañiguishec da lachetaqtaxanaxat qalaq 'eeta'am ca ỹaneuo na ltago'q aca cos late'e, qataq nam ỹavigaxat na lchenaxanaxat maye ama na laita da lachetaqtaxanaxat qalaq 'eeta'am nam ỹo'oxoreetac nam ne'enaqtac atamnaxala'pi. Namayepi maiche lca'aua'a da maiche llecỹaxac, qataq nqopita da ỹo'ottac dam ỹataqta seqaiga.

Isaías 65:4

qataq nso'ootañi naxa netagui na laiñi ana huachiquipi qataq hueta'a naxa ye pe nam ỹapochiguiñi nanataqa'pi, nache chectac na lapat ana cos late'e, qataq nlaxatchigui ana lataxaquipi nam nallec maye qaiqaiga.

Levítico 22:23

Nachaqcata ca nachetaqtaxanaxat maye maiche qoỹan, nache ishet da qoỹaneuo ca huaca, huo'otaq qagueta na'aictaxa da ichiỹañi na lỹa lapia', qalaxaye da nachetaqtaxanaxat souaxat da huo'o ca qoỹan na'aqtac, nache saishet da qaỹaconeguet.

Levítico 22:16

cha'aye namayepi da ỹashaxanec da lataxac ca nallec maye sa qaishetapec, nache iuen da ỹaneuo ca lachetaqtaxanaxat maye sa imauaq da qaỹavigaxat. Cha'aye Aỹem Nataxala' maye sanem namayepi da Aỹem do'onataxanot.»

Levítico 20:19

Saishet da huo'o ca hue'eguet aca lqaỹa aca late'e, huo'otaq aca lqaỹa ca lta'a, cha'aye naigui da ỹe'enai' aca maiche lauo' lashe. Ỹoqo'oye caamaye maiche nque'etaxanguilo qome de'era maiche lasouaxashe't.

Levítico 20:17

Qaq da huo'o ca ỹale da hue'eguet aca maiche lqaỹa, da huo'otaq ỹaqauga llale ca lta'a, huo'otaq aca late'e, nache caamaye qaỹalaua't, ỹauaachigui qanqa'en ca lma' le'ecpi, cha'aye ỹe'en aca maiche lqaỹa. Nache nque'etaxangui de'era maiche lasouaxashet.

Levítico 17:16

Qalaxaye da saishet da iỹoi' caua alogo, qataq da saishet da nachel, nache camaye maiche nque'etaxangui ca lasouaxashet.»

Levítico 10:19

Nache so Aarón ỹasategueto' so Moisés, 'eeta': «Ña 'aumeten nagui, yeua ỹalqa Nadab qataq ye Abiú, yeemaye ỹanoto Ñim Nataxala' aso lachetaqtaxanaqte' maye sa imauaq da qaỹavigaxat, qataq aso lachetaqtaxanaqte' maye qaỹavigaxatta, qaq nagui aỹem sevireguet de'era qauem. Nasho' taxa da sachec aso lỹa nachetaqtaxanaqte maye sa imauaq da qaỹavigaxat, ¿peta'a ỹaỹamaxareeta taxa Ñim Nataxala'?»

Levítico 10:17

«¿Ta'ainco' ye saishet da huaigui ñi npe'l da qollequi aso nachetaqtaxanaqte maye sa imauaq da qaỹavigaxat? Ye asomaye ỹataqta sa qaishetapec, qataq Ñim Nataxala' qami' ỹanema da yaqto' qaỹapalaxat na lasouaxashetpi na Israel le'ecpi.

Levítico 5:17

Da huo'o ca shiỹaxaua da sa nanoma da npe'eelec na lamaxasoxonaxacpi Ñim Nataxala', nache ỹo'ot ca sa qaỹashen da qaỹo'ot, nache camaye nque'etaxangui qome que'eca lasouaxashet.

Levítico 7:19

Qaq ca lapat maye nhuoiguet ca camachaqca nam qaiqaigapi, nache camaye saishet da qanallec, nacherata da qaỹalat qalaxaye qaỹavigaxat. Qaq que'eca lỹa lapat, nache 'enauac ca shiỹaxauapi maye qui'itta da lataxac ishet da chec.

Proverbios 15:8

Ñim Nataxala' saisheteguet aca lachetaqtaxanaqte na qauemaicpi, qalaxaye ỹamaateguet da natamnaxac na no'on da lataxac.

Levítico 19:5

Qaq da qaỹa'añiiua'a Ñim Nataxala' aca qarachetaqtaxanaqche maye qanhuaachigui, nache qaỹa'añiỹot aca ỹaỹamaxareeta Ñimaye.