Levítico 7:17 - La'aqtaqa Ñim Lo'onatac 'Enauacna 2013

¹⁷ Qalaxaye da ivirauga ca na'a'q tres, da ñaq huo'o ca no'onañi lapat aca nachetaqtaxanaqte, nache camaye iuen da qaỹalat qataq qaỹavigaxat.

Levítico 7:17 Referans Kwoze

Éxodo 12:10

Qaq saishet qome da huo'o ca qano'onaxatañi da taỹaigui ca lỹa na'a'q. Da huo'otaq huo'o ca no'onañi, nache camaye qaỹavigaxat, qaỹasaxangui ca norec.

1 Corintios 15:4

Somaye qailareñi. Qaq co'ollaq inoxoore'c soua tres na'axa'te, nache Ñim Lo'onatac 'Enauacna qaltaq nca'alaxatec.

Oseas 6:2

Nache sa qaỹaloq qome da qomi' no'oite' naqa'en, qataq sa qaỹaloq qome da qomi' nauaxaỹaxaayeshegue'm da yaqto' ñachaataqto'ot Ñimaye.

Levítico 19:7

Qaq da huo'o ca chec aca nachetaqtaxanaqte da mashe ivirauga que'eca na'a'q tres, nache acamaye saishet da ỹaỹamaxaren Ñim Nataxala' cha'aye mashe qauem.

Levítico 10:16

Qaq co'ollaq ime, nache so Moisés denataxanaique so quetaq maye qoỹaneuo da nachetaqtaxanaxat maye sa imauaq da qaỹavigaxat, nache choche ỹe'elaqtem da mashe qaỹavixaxat. Nache ỹataqta dalemataỹa so Eleazar qataq so Itamar, soua no'oirañi llalqa so Aarón, nache inatta'apo', 'eeta':

Éxodo 29:14

qalaxaye ca lapat, qataq lo'oc, qataq ca aloq nache 'auavigaxa't, 'arouga ca pa'auec ca nanataqa' maye qanayeuta'a, cha'aye camaye nachetaqtaxanaxat maye sa imauaq da qaỹavigaxat.

Éxodo 19:11

qataq naỹamaxatta'aguet ca lỹa na'a'q, cha'aye nache huaigui da Aỹem Nataxala' senotec qome, sachiguiña añi qasoxonaxa Sinaí, qaq Nachaỹem ỹauaachigui qome 'enauac ye shiỹaxauapi.

Génesis 22:4

Qaq co'ollaq mashe ivi' soua tres na'axa'te, nache so Abraham ila'a som 'alhua maye qaỹachaxanapec co'ollaxa, qalaxaye ñaq qaỹoqta.

Éxodo 29:34

Qaq da huo'otaq iviraigui ca lỹa na'a'q da huo'o aca no'onañi aca nauole, qataq ca lapat que'eca nachetaqtaxanaxat da huo'o ca qoỹanagui da lo'onataxanaxac, nache camaye saishet da qanallec, nacherata da qaỹavigaxat, cha'aye saishet da qaishetapec.

Levítico 19:6

Qaq que'eca shiguiỹac maye qoỹaneuo, camaye iuen da nache qanallec que'eca na'a'q, qaq ca no'onañi nache ishet da qanallec ca lỹa na'a'q. Qaq ca ivirauga ca na'a'q tres, nache iuen da qaỹalat, qataq qaỹavigaxat.