Levítico 7:11 - La'aqtaqa Ñim Lo'onatac 'Enauacna 2013

¹¹ Qaq 'era da llec aca nachetaqtaxanaqte maye qanhuaachigui da qoỹanot Ñim Nataxala'.

Levítico 7:11 Referans Kwoze

Ezequiel 45:15

Qaq nataqa'en aca qaguetapi: Aca doscientas qaguetapi qalaq qauacoñiiua'a aca 'oonole maye chegaqaña ca ỹataqta no'on lquia'aqa' maye huaña na Israel. Qaq acamayepi nache huaxaiguet qanqa'eñi ca nañiguishec ala da nachetaqtaxanaxat qaỹavigaxatta, qataq nachetaqtaxanaqte maye ỹa'axat da manaxac, maye qoỹaneuo da yaqto' qaỹapalaxat na nasouaxashetpi. Qaq 'era da ỹamaxasoxonaxac Aỹem Nataxala'.

Levítico 7:10

Qataq 'enauac aca nachetaqtaxanaqtepi maye chegaqaigui na lsoche ana ala ca nañiguishec, ca mashe ndaqñiguishec qataq lalegue ca aceite, huo'otaq ca saxanaxa da qairaqten, nache taỹot 'enauac na llalaqpi so Aarón. Qataq nache 'eeta'a't ye lcata ca taỹot ñi 'oonolec.

Números 7:23

Qataq soua dos nauegaxanaxala'ate huaca, qataq cinco peenaq, qataq cinco quetaq qataq soua cinco qagueta llalqa maye ivi' ye 'oonolec vi'i, da nachetaqtaxanaxat qanhuaachigui. Qaq 'eso so lachetaqtaxanaxatpi so Natanael, som llalec so Zuar.

2 Crónicas 33:16

Qaq ime nache ỹaỹamaxaañi aso nca'atoxonaxalate maye lalamaqte Ñim Nataxala', nache ỹachalec asomaye so nachetaqtaxanaxatpi qaỹavigaxatta maye naigui da nlagaxayec, qataq da qoỹan da 'achecỹaxac, qataq ỹamaxalec so hueta'a ye Judá da ỹo'oxoren Ñim Nataxala', Ñim Natamnaxala' so Israel le'ecpi.

Proverbios 7:14

«Aỹem san co'ollaxa so ỹa'aqtac, da saneuo ca ỹachetaqtaxanaxat qanhuaachigui, qaq nagui sepacchigui se'eso ỹa'aqtac.

Amós 5:22

Qaq na'aictaxa da aỹem qaỹa'añiỹot ana qarachetaqtaxanaqche qaỹavigaxatta, huo'otaq ana qarachetaqtaxanaqche ala na nañiguishec da yaqto' aỹem qavio'oxoreñi qalaq saishet da saconeguet qome, qataq saishet da seqocha'a ca qaỹa'añeeuo qarachetaqtaxanaxache qanhuaachigui, maye chegaqaigui nam chaxaraicpi qareloi huaca llalaqpi.

Levítico 7:29

«Qonapega qome na Israel le'ecpi, qoneta': Ca shiỹaxaua da ỹaneuo aca lachetaqtaxanaqte maye qanhuaachigui, da ỹanot Ñim Nataxala', nache iuen da iỹotauga ca laỹe aca'aca lachetaqtaxanaqte,

Levítico 19:6

Qaq que'eca shiguiỹac maye qoỹaneuo, camaye iuen da nache qanallec que'eca na'a'q, qaq ca no'onañi nache ishet da qanallec ca lỹa na'a'q. Qaq ca ivirauga ca na'a'q tres, nache iuen da qaỹalat, qataq qaỹavigaxat.

Levítico 22:29

Qaq da huo'o ca ỹaneuo aca lachetaqtaxanaqte da ỹanot da na'achecỹaxac Ñim Nataxala', nache ỹaỹamaxatchiguiñi qome yaqto' ỹataqta qaỹaỹamaxareeta.

2 Crónicas 29:31

Qaq co'ollaq ime nache so Ezequías 'enapega so shiỹaxauapi, 'eeta': «Qaq cha'aye nagui mashe qanañañiỹot Ñim Nataxala', nache qauanaiua'a ana atamnaxaqui da qaỹa'añiiuo aca qarachetaqtaxanaqche da qauo'oche da qayo'oxonnataxanaxaqui.» Huaña nache so lapoota'a't shiỹaxauapi irouo aso lachetaqtaxanaqtepi, qataq ỹo'ot so llo'oxonnataxanaxac, qataq so maiche chegoqchigui da lquiyaqteỹaxac da ỹaneuo aso lachetaqtaxanaqte qaỹavigaxatta.