Levítico 7:10 - La'aqtaqa Ñim Lo'onatac 'Enauacna 2013

¹⁰ Qataq 'enauac aca nachetaqtaxanaqtepi maye chegaqaigui na lsoche ana ala ca nañiguishec, ca mashe ndaqñiguishec qataq lalegue ca aceite, huo'otaq ca saxanaxa da qairaqten, nache taỹot 'enauac na llalaqpi so Aarón. Qataq nache 'eeta'a't ye lcata ca taỹot ñi 'oonolec.

Levítico 7:10 Referans Kwoze

2 Corintios 8:14

Nagui qami' qaica ca qaviñiitaique, ỹoqo'oye iuen da qautauañi na huo'o da lhuenaxanaxa. Cha'aye saiuena'a da namayepi da huo'o ca na'a'q da ivita da qaica ca iueetaique, nache ỹoltaq qami' itaua'n. Huaña, nache qaica ca deuenaxaatapigui'.

Éxodo 16:18

Qaq ivi' dos kilos na ỹacootaua'a ñi 'oonolec, ỹaconeua'a yem lcata ye iuen da chec. Qalaxaye saishet da huo'o ca lli'iỹoxot nam ỹactec na ỹacona, qataq saishet da huo'o ca iueetac nam saq 'amaqtaq na ỹacona.

Levítico 7:9

Qataq 'enauac aca nachetaqtaxanaqtepi maye nauole maye nauotaxaqui ana qatelaxanaxaqui, huo'otaq aca taxaqui qataq ca nauoxonaxala' acamaye, nache taỹot ca ntaxaỹaxanaxanec maye ỹaneuo.

Levítico 7:11

Qaq 'era da llec aca nachetaqtaxanaqte maye qanhuaachigui da qoỹanot Ñim Nataxala'.