Levítico 7:1 - La'aqtaqa Ñim Lo'onatac 'Enauacna 2013

¹ Qaq 'era da llec aca nachetaqtaxanaqtepi maye sa imauaq da qaỹavigaxat, acamaye ỹataqta sa qaishetapec.

Levítico 7:1 Referans Kwoze

Levítico 6:25

«Qonapega ñi Aarón qataq ñeua llalqa, qoneta': 'Era da llec aca nachetaqtaxanaqte maye sa imauaq da qaỹavigaxat, ca shiguiỹac nachetaqtaxanaxat da qaỹalauat, nache huaña ye nalaataqa' na shiguiỹac ỹauaachigui qanqa'en Ñim Nataxala', cha'aye acamaye ỹataqta sa qaishetapec.

Levítico 6:17

Qataq saishet da qaỹauot aca laỹepi aca'aca nachetaqtaxanaqte maye ỹaleeguet ana ỹasheeraxachigui ca ndaqñiguishec, cha'aye acamaye lalamaqte ñeua llalqa so Aarón. Qaq aca'aca laỹepi, acamaye ỹataqta sa qaishetapec, 'eeta'am aca nachetaqtaxanaqte maye sa imauaq da qaỹavigaxat.

Levítico 5:14

Ñim Nataxala' 'enapega so Moisés, 'eeta':

Ezequiel 46:20

nache aỹem 'enapega, 'eeta': «'Ena na huaña qome da na ntaxaỹaxanaxanecpi ỹaneuaq ca lapat ca shiguiỹacpi maye qoỹaneuo da nachetaqtaxanaxat da yaqto' qaỹapalaxat ca nasouaxashet, huo'otaq ca lỹa nasouaxashet, qataq da ỹaneuaq ca ala na nañiguishec maye nachetaqtaxanaxat. Qaq 'eetec qome de'era yaqto' saishet da irouga namayepi ye pa'aỹauec qasoxoc, qataq yaqto' na nhuo' le'ecpi saishet da pa'auo da nhuoiguet nam saqaishetapecpi.»

Ezequiel 44:29

Namayepi, ishet qome da chectac nam ala na nañiguishec, maye Aỹem ỹanot na Israel le'ecpi, qataq na shiguiỹacpi maye qoỹaneuo da nachetaqtaxanaxatpi souaxat na nasouaxashetpi, qataq ca nachetaqtaxanaxat souaxat ca lỹa nasouaxashet. Qataq 'enauac qome nam iỹotauga na Israel le'ecpi da Aỹem ỹanot, nache lalamaxat qome namayepi.

Ezequiel 40:39

Qaq se'eso ñegueuo, nache netañalo soua cuatro nquia'axala'ate. Dos soua netañalo na 'oonolec laỹe se'eso ñegueuo, qaq nachesoua naxa soua qaỹachaleguete da qaỹalauat na shiguiỹacpi maye nachetaqtaxanaxat qaỹavigaxatta, qataq ana nachetaqtaxanaqte da yaqto' qaỹapalaxat na nasouaxashetpi, huo'otaq ca lỹa nasouaxashet.

Números 6:12

qataq nache chegoqchiguiña da qaltaq qaiỹotauga da lalamaxat Ñim Nataxala', qataq ỹaneuo ca qagueta llalec maye ivi' ye 'oonolec vi'i, da lachetaqtaxanaxat maye sa imauaq da qaỹavigaxat. Nache caua hua'au' na'axa'te saishet qome da qanaloqteereuo souaxat da qana'aqchet da lataxac camaye da qoỹanot Ñim Nataxala'.

Levítico 21:22

Qalaxaye camaye, ishet da chec aca nauole 'ayiiña, qataq aca laỹepi nachetaqtaxanaqte maye ishet da qanallec.

Levítico 5:11

Qalaxaye que'eca shiỹaxaua da ỹataqta sa nalolec da desheenaxanalo caua dos qoto' lta'araiqa, huo'otaq caua qoto' llalqa, nache irouo ca dos kilos ca ỹataqta no'on lsoche na ala ca nañiguishec, da yaqto' lachetaqtaxanaxat. Qalaxaye saishet da icorelec ca aceite qataq da ỹachalec ca nchenaxanaxat qo'oipaq lcha'q ama na laita, cha'aye nachetaqtaxanaxat maye sa imauaq da qaỹavigaxat souaxat ca nasouaxashet.

Levítico 5:8

Qataq iroua'alo ca ntaxaỹaxanaxanec, nache camaye hua'auñi da ỹaneuo ca nachetaqtaxanaxat maye sa imauaq da qaỹavigaxat, nache lpataxan na lqosot, qalaxaye saishet da nache nqat ca lqaic.

Levítico 5:7

Qaq da huo'otaq sa nalolec da desheenaxana aca qagueta huo'otaq aca quetaq, nache ỹanot Ñim Nataxala' caua dos qoto' lta'araiqa, huo'otaq caua dos qoto' llalqa da yaqto' lachetaqtaxanaqte. Qaq ca 'oonolec caamaye ỹaneuo da lachetaqtaxanaxat maye sa imauaq da qaỹavigaxat, qaq ca lỹa nache lachetaqtaxanaxat qaỹavigaxatta.

Levítico 5:15

«Da huo'otaq huo'o ca shiỹaxaua da sa ipaguelec da ỹanot nam ishet da ỹanot Ñim Nataxala', nache camaye ỹaneuo ca qagueta qaica ca lque'emaxa da yaqto' lachetaqtaxanaxat maye sa imauaq da qaỹavigaxat. Huo'otaq naloqnagui aca lasheue que'eca shiguiỹac aca ỹaneuo, nache iroua'a Ñim Nataxala'.

2 Crónicas 31:14

Qaq som ilotague' so lasom maye pa'aỹa'ague da nala' lliguisheguem, som leviita maye chegoxoguet so Coré, som llalec aso Imna, somaye ilotague' aso nachetaqtaxanaqtepi maye maiche chegoqchigui ñi 'oonolec da ỹanot Ñim Lo'onatac 'Enauacna, qataq da imenec aso nachetaqtaxanaqtepi maye qoỹaneua'a Ñim Nataxala', qataq aso maiche lalamaqtepi Ñim Lo'onatac 'Enauacna.