Levítico 6:7 - La'aqtaqa Ñim Lo'onatac 'Enauacna 2013

⁷ Nache camaye ỹanot Ñim Nataxala' ca lachetaqtaxanaxat yaqto' Ñimaye ỹapalaxat ca lasouaxashet que'eca shiỹaxaua, huo'otaq ca lỹa huasoilec camaye, nache qaỹapalaxat.»

Levítico 6:7 Referans Kwoze

Levítico 4:26

Nache ỹavigaxat 'enauac ca lcheta ca quetaq ỹachalec añi nca'atoxonaxalate, ỹe'enaxatchigui da ỹo'ot aca nachetaqtaxanaqte maye qanhuaachigui. Qaq da nache 'eetec de'era ca ntaxaỹaxanaxanec, nache qaỹapalaxat da npe'enaxac que'eca nataxala'.

1 Juan 1:9

Qalaxaye da sa'aqtaxanaxam naua qarasouaxashe'ete Ñim Lo'onatac 'Enauacna, qalaq nataqa'en qolaqto'ot da qarpi'iỹaxac da Ñimaye maye no'on da lataxac, ishet da qomi' ichoxore'n qataq iỹouec 'enauac na sa ỹaỹamaxañisat maye so'otaqtac.

1 Juan 1:7

Qalaxaye da ñachaataqtaigui na yo'oqchiguiñi, da shenaqta'am Ñim Lo'onatac 'Enauacna maye huetaigui da yo'oqchiguiñi, nache ỹataqta ña'araqta't da qomi' nqaỹañecpi, qaq Ñim Lo'onatac 'Enauacna ỹapalaxa't naua qarasouaxashe'ete, chegoqchiguilo naua ltago'q So Llalec Jesús.

Mateo 12:31

Qaq ỹoqta 'eesa da Ñim Lo'onatac 'Enauacna ỹapalaxat ca camachaqca nasouaxashet qataq 'enauac nam qauem maye qanasaqteguec. Na'aictaxa da huo'o ca qauema naua ltaxaỹaxaco da Aỹem detaqtega qalaq Ñim Lo'onatac 'Enauacna nache 'ena'am ichoxoren camaye. Qalaxaye ca sa iyacnapec So Saqcha'a Na'añaxac Qui'itta camaye qaica ca nchoxonnataguec. ¡Camaye ỹataqta qaica ca nchoxonnataguec!

Miqueas 7:18

Qaq ¿negue't ca Atamnaxala' da 'eeta'am 'am, da 'auapalaxat na lasouaxashetpi qataq sa 'aulogui da saỹalaq nam saq 'amaqtaq maye no'onañi co'ollaxa 'aralamaxat nhuo' le'ecpi? Qataq saishet da nache 'eetai' da 'arayeloxo, cha'aye nache 'eetai' da lta'araic 'arauotaxanaqtaic da shenaqta.

Ezequiel 33:19

Qaq ca qauemaic da ỹaxaañi da ỹo'ottac ca qauem, nache ỹo'ot cam ỹaỹamaqchiguiñi qataq nalochiguiñi lataxac, nache chegoqchigui qome damaye da nca'alec.

Isaías 1:18

¡Ñim Nataxala', 'eeta': «Ña qauanaqui da ñecotaỹaqapigui de'era lataxac, na'aictoxo' da ỹataqta togaxaraic na qarasouaxashichi, qalaxaye Aỹem so'ot qome da ỹataqta ỹapagaq 'eeta'am aca aloñi, na'aictoxo' da 'eeta'am ca ỹataqta togaxaraic nqo'oilliguishec hualoxolaỹi, qalaxaye Aỹem so'ot qome da ỹataqta ỹapagaq 'eeta'am ca qagueta laue.

Levítico 5:18

Nache camaye iuen da iroua'a ca ntaxaỹaxanaxanec ca qagueta maye qaica ca lque'emaxa, huo'otaq aca lasheue que'eca shiguiỹac da yaqto' lachetaqtaxanaxat maye sa imauaq da qaỹavigaxat. Qaq 'era da 'eetec ca ntaxaỹaxanaxanec da yaqto' qaỹapalaxat ca lasouaxashet maye sa nanoma da ỹo'ot que'eca shiỹaxaua.

Levítico 5:13

da yaqto' ca ntaxaỹaxanaxanec ỹo'ot da qaỹapalaxat camachaqca lasouaxashet maye ỹo'ot que'eca shiỹaxaua. Qaq nache 'ena'am da lataxac aca nachetaqtaxanaqte maye chegaqaigui ana ala ca nañiguishec. Qaq ca no'onañi, nache taỹot que'eca ntaxaỹaxanaxanec.›»

Levítico 5:10

Qaq ca lỹa qoto', nache nachetaqtaxanaxat qaỹavigaxatta, qataq ỹe'enaxatchigui da maiche lataxac da qaỹo'ot. Qaq da nache 'eetec de'era ca ntaxaỹaxanaxanec, nache qaỹapalaxat ca ilamaxata'a lasouaxashet que'eca shiỹaxaua.

Levítico 4:31

Ime, nache nqat 'enauac ca lcheta, ỹe'enaxatchigui da lataxac da nqat ca lcheta aca nachetaqtaxanaqte maye qanhuaachigui. Qaq ca ntaxaỹaxanaxanec, nache ỹavigaxat, ỹachalec añi nca'atoxonaxalate, yaqto' da ama laitaỹaxac ỹamaateguet Ñim Nataxala'. Qaq da nache 'eetec de'era ca ntaxaỹaxanaxanec, nache qaỹapalaxat ca npe'enaxac que'eca shiỹaxaua.

Levítico 4:20

nache ỹe'enaxatchigui da lataxac ca huaca maye ỹaneuo da lachetaqtaxanaxat maye sa imauaq da qaỹavigaxat. Qaq 'era da 'eetec ca ntaxaỹaxanaxanec da yaqto' qaỹapalaxat ca sa nanoma npe'enaxac namayepi.

Éxodo 34:7

Nam ỹataqta qaica ca loga't da lauotaxanaqtaic, qataq ishet da ichoxoren ca huo'o ca npe'enaxac qataq ca sa ỹalaq, qataq ca huo'o ca lasouaxashet. Qalaxaye nataqa'en ishet da ỹauo'o ca nhuaxanaguec ca shiỹaxaua maye qauema naua ỹo'otta'ape, qataq ca llalaqpi, laualpi qataq ca llalaqpi ca laualpi camaye.»

Levítico 6:8

Nache Ñim Nataxala' 'enapega so Moisés, 'eeta':

Levítico 7:2

Qaq da qaỹalauat ca nachetaqtaxanaxat shiguiỹac maye sa imauaq da qaỹavigaxat, nache huaña qanqa'en ca nalaataqa' na shiguiỹac maye nachetaqtaxanaxat. Qaq ca ltago'q nache qaicoroto naua laỹel añi nca'atoxonaxalate.

Levítico 2:1

Qaq da huo'o ca 'oonolec da qoñiita da ỹanot Ñim Nataxala' aca lachetaqtaxanaqte, da chegaqaigui ana ala na nañiguishec maye ishet da qaỹo'ot na lsoche, nache icorelec ca aceite qataq ỹachalec ca qo'oipaq lcha'q nchenaxanaxat ama na laita.