Levítico 6:5 - La'aqtaqa Ñim Lo'onatac 'Enauacna 2013

⁵ huo'otaq ca lỹa maye iqoleguettac da saishet da ỹo'ot. Nache camaye ỹe'eguelaxatem ca lalamaxat camaye, qataq huo'o aca huaqtalec naqa'en aca ỹataqta lasheue, nache ỹanem ca ntaxaỹaxanaxanec aca'aca lauaxaỹaxanata, da ivita da ỹaneuo aca lachetaqtaxanaqte maye sa imauaq da qaỹavigaxat.

Levítico 6:5 Referans Kwoze

Levítico 5:16

Qataq aca'aca lasheue que'eca shiguiỹac, nache ỹauo'o aca ỹauaxaỹaxaatalec da desheetenaxan, nache ỹanem ca ntaxaỹaxanaxanec. Qaq 'era da 'eetec ca ntaxaỹaxanaxanec da yaqto' qaỹapalaxat ca lasouaxashet que'eca shiỹaxaua chegoqchigui ca qagueta maye ỹaneuo da nachetaqtaxanaxat maye sa imauaq da qaỹavigaxat.

Lucas 19:8

Qaq co'ollaq ime da nquia'axac, nache nachaañi so Zaqueo, nache 'enapega So Jesús, 'eeta': –'Am Ỹataxala', aỹem qome secolaxatchiguingui na laiñi da isallaxa. Ime, qaq sanem nam choxoraqpi. Qaq da huo'otaq huo'o ca secachiỹot, nache cuatro da she'eguelaxalec da she'eguelaxatot camaye cam secachiỹa.

2 Samuel 12:6

¡Qaq camaye iuen da isheeten qome asotai' qagueta, nache cuatro da ỹe'eguelaxalec da isheeten da ỹataqta lasheechiỹaxac asomaye. Cha'aye saishet da dechoxonnataxan da ỹo'ot de'era!

1 Samuel 12:3

qaq nagui soota'a ne'ena, qalaq da huo'o co'ollaxa ca secachiỹa ca lauegaxanaxala' huaca, huo'otaq 'ashena, huo'otaq da huo'o co'ollaxa ca huetaiya' ñaqa'en, huo'otaq da huo'o ca aỹem isheeten da yaqto' so'ot ca 'eetapeguec sa ỹaỹamaxañi lataxac, nache nagui qaua'axache cam ỹasouaxashet, ỹauaachigui qanqa'eñi Ñim Nataxala', qataq ñi nta'a maye lca'aguishec Ñimaye, yaqto' aỹem sesheeten qome aca ỹavigaxaiste.

Éxodo 22:9

Qaq 'enauac na ỹotta'a't ncachaxatpi, na'aictaxa da huo'otaq nauegaxanaxala' huaca, 'ashena, qagueta, huo'otaq nogoxot, huo'otaq camachaqca nogoxoshet maye deqat, nache da huo'oi caua dos da 'eeta': «Ne'ena maiche ỹalamaxat», nache caamaye qaỹauegueua'alo aca atamnaxaqui maye lalamaqte Ñim Nataxala', cha'aye ca choche datenataxan, nache ỹactec naqa'en aca lasheue da isheete'n ca ỹoqta lalamaxat que'eca 'atet huo'otaq ca nogoxoshet.

Isaías 58:9

Qaq huaña nache da Aỹem 'aỹaxana nache 'am sasateguet qome, Qataq da 'aua'alaq da 'auỹaxanaique ca 'antaunaguec, nache Aỹem shenapec, qome: ‹Aja', Aỹem soota'a ne'ena.› Da 'am 'aỹa'axaañi da 'aupataqta'a't ca 'arỹa, qataq saishet da 'aunogoqchettac ca 'arỹa qataq saishet da 'anqañoxotta'a da 'auasaqteguelec cam saq 'en,

Isaías 58:6

'A'i, saishet. Dam qouaqchetaxac maye saỹamaxareeta, 'eeta': Qaisouec nam lcoñetaxat lcat cam qaica ca ỹasouaxat, qataq qaisogui ana ncoñetapi maye nlletañi cam nauegaxanaxaqui, qataq qaisouec nam qaipataqta'a'tpi, qataq imeuo qanqa'en 'enauac nam qaica ca iren,

Éxodo 22:7

Qaq da huo'o ca pi'iỹa'a ca lỹa da ỹaỹamaxat naqa'en aca alom, huo'otaq ca machaqca logoxoshet maye huo'o da lashiichiỹaxac da yaqto' ỹaỹamaxat, qaq da qaicachiỹa camaye da huaña ca lma' que'eca shiỹaxaua, qaq da huo'otaq qaỹanata que'eca cachaxaic, nache ỹactec qanqa'en aca lsheetenaxanaqte da isheeten ca lcachaxat.

Éxodo 22:4

Qaq da huo'otaq qailalec que'eca ncachaxat shiguiỹac, qataq da ña nca'altauec da hueto'ot ca decachiỹa, nache camaye dos qanqa'en caua desheetenaxanalo shiguiỹaxac, na'aictaxa da huaca, huo'otaq 'ashena, qalqo' qagueta.

Éxodo 22:1

Qaq da huo'o ca decachiỹa ca nauegaxanaxala' huaca, huo'otaq qagueta, nache ỹalauat huo'otaq imen, nache camaye iuen da desheetenaxanalo caua lỹa't cinco huaca da isheeten que'eca huaca, qaq da huo'otaq qagueta nache lasheue naqa'en caua lỹa't cuatro qagueta.

Ezequiel 33:15

nache ỹe'eguelaxat cam qaipatano'ot co'ollaxa nogoxoshet, huo'otaq ca decachiỹa co'ollaxa, qataq ipaqueelec nam nqataxacpi maye ỹan da nca'alaxa, qataq ỹaxaañi da ỹo'ottac cam qauem, nache camaye saishet qome da ileu, nacherata da nca'altauec.

Éxodo 30:7

Qaq 'enauaque naua na'axa'te, nache ye nte'eta, ñi Aarón huapegue' da ỹaỹamaxaañi aca ncoỹaraxanaxaquipi, nache nataqa'en ỹavigaxat ca nchenaxanaxat maye ama da laitaỹaxac, ỹachalec aca nca'atoxonaxalate.

Nehemías 10:35

Nataqa'en ye 'oonolec vi'i nache seroxoua'a aso atamnaxaqui maye lalamaqte Ñim Nataxala', ca la'auaxanec ala ca nañiguishec qataq 'enauac ca no'on ala ana qo'oipaq.