Levítico 6:30 - La'aqtaqa Ñim Lo'onatac 'Enauacna 2013

³⁰ Qalaxaye saishet da ỹe'egueeta'a da chec aca nachetaqtaxanaqte maye sa imauaq da qaỹavigaxat maye mashe qairoua'a ñi npe'l ca ltago'q acamaye, cha'aye nachetaqtaxanaqte da yaqto' qaỹapalaxat ca nasouaxashet. Ỹoqo'oye acamaye iuen da ỹataqta imauec da qaỹavigaxat.

Levítico 6:30 Referans Kwoze

Hebreos 13:11

Som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, somaye iroua'a naua ltago'q na shiguiỹacpi aso togoshec no'onaxanaxaqui late'erai maye huaña da qaỹo'oxoren Ñimaye, da iỹaxanaua'a da qaỹapalaxat na nasouaxashetpi. Qalaxaye na lapat se'eso shiguiỹacpi maye qaỹalauat, qairoueegue da laỹe yem netaña na shiỹaxauapi, nache qaỹavigaxat.

Levítico 10:18

Cha'aye so ltago'q so shiguiỹac saishet co'ollaxa da qauroiua'a ye pa'auo ñi npe'l, yem huaña ctaxa da qollequi aso nachetaqtaxanaqte da yaqto' qaupaquiichigui da qami' samaxaleguete.»

Levítico 4:1

Ñim Nataxala' 'enapega so Moisés, 'eeta':

Números 18:9

Qaq na nachetaqtaxanaxatpi maye qaỹavigaxat, qaiỹotauga qome da 'am taỹot 'enauac na chegaqaigui na ala na nañiguishec, qataq na sa imauaq da qaỹavigaxat, qataq na nachetaqtaxanaxat da qaỹapalaxat ca nasouaxashet maye Aỹem ỹanot qome na Israel le'ecpi, qataq 'enauac na nachetaqtaxanaxatpi maye sa qaishetapec, namayepi 'aralamaxatpi qome qataq na 'aỹa'alaqpi.

Ezequiel 45:15

Qaq nataqa'en aca qaguetapi: Aca doscientas qaguetapi qalaq qauacoñiiua'a aca 'oonole maye chegaqaña ca ỹataqta no'on lquia'aqa' maye huaña na Israel. Qaq acamayepi nache huaxaiguet qanqa'eñi ca nañiguishec ala da nachetaqtaxanaxat qaỹavigaxatta, qataq nachetaqtaxanaqte maye ỹa'axat da manaxac, maye qoỹaneuo da yaqto' qaỹapalaxat na nasouaxashetpi. Qaq 'era da ỹamaxasoxonaxac Aỹem Nataxala'.