Levítico 6:3 - La'aqtaqa Ñim Lo'onatac 'Enauacna 2013

³ huo'otaq da ilalec ca nogoxoshet maye deqat nache saishet da ichoxot, qataq da ỹan ca la'aqtac da 'eetega saishet da ilalec ca deqat nogoxoshet, qataq da 'eetega saishet da ỹo'ot na nasouaxashetpi maye nache 'eetai' naxa da ỹo'ottac na shiỹaxauapi,

Levítico 6:3 Referans Kwoze

Levítico 19:12

Saishet da qaỹa'añi ca qara'aqtaqui da qauatenataxañiỹa da ỹe'enaxat. Cha'aye da nache qoñeetec de'era, nache 'eeta'am da qaica ca naigui da le'enaxat Nam Nataxala' maye Qanatamnaxala'ai. Qaq 'era da ỹa'aqtac, Aỹem Nataxala'.

Éxodo 23:4

Qom huo'otaq 'alalec ca lauegaxanaxala' huaca, huo'otaq ca lalo 'ashena maye daqat ca 'am ipa'agueetac, qalaq 'am 'avi'eguelaxatot qome camaye.

Malaquías 3:5

«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.

Zacarías 5:4

Qaq Ñim Nataxala' maye Qaica ca Ỹaqalanapec da la'aqtac, 'eeta': ‹Aỹem ñamaq ne'ena qauem da yaqto' taigui ca lma' ca cachaxaic, qataq ca lma' cam ỹan ca la'aqtac da datenataxangui da ỹe'enaxat. Qaq de'era qauem nache hueta'a qome ca lma' camaye nache ilaxachigui, cañe' naqa'en na l-llecnaxanaxatpi qataq na coma'pi.›»

Jeremías 7:9

Nache qaucacheetac, qaualaataxañiitac, qataq qancacheetague' ana sa qarhuai, qataq qaỹa'añiitac nam saq'en qara'aqtaqui qataq qaỹa'añiitacot ñi Baal nam qarchenaxanaxache maye ama na laita, qataq qavio'oxoreñiitac nam atamnaxala'pi maye saishet da qauauattoñi,

Jeremías 5:2

Qaq na'aictaxa namayepi da 'enapec: «Nca'altauec Ñim Nataxala', qalaxaye de'era ỹan la'aqtac saq'en.»

Proverbios 30:9

cha'aye saiuena'a da ỹaguec ca anoq nache ishet da 'am seqoleguet, nache sheeta': «¿Negue't que'eca Nataxala'?» huo'otaq da ỹapac saq 'amaqtaq ca anoq nache ishet da secache, huaña nache qaica ca 'enec ñaqa'en da 'are'enaxat 'am Ñatamnaxala'.

Proverbios 24:28

Saishet da 'auasaxalec ca saq 'en 'ara'aqtaxanaxac ca 'arỹa, qataq saishet da saq 'en ca 'aua'axat.

Éxodo 28:42

Nataqa'en 'auamaxasoxooleguete caua lpa'axanaqtel chegaqaiguilo na lino,

Levítico 1:16

qataq nqat qome aca lqotaqui, qataq ca lauel le'ec qataq ca laue, nache ỹasaxangui añi laỹe' na alo maye pa'aigue da nala' lliguisheguem añi nca'atoxonaxalate.

Levítico 16:4

Qataq da huenoxoneuo, nache ỹa'auaxaañi nachel. Ime, nache ỹaayiñi soua lpa'axanaqa'ate, qataq napogoña so lapo' ca ntaxaỹaxanaxanec, qataq nsaachigui so lasot alaxa, qataq so lqaic alaxa soua alogo maye chegaqaiguilo na lino maye lalamaqa'ate da ntaxaỹaxanaxanec.

Ezequiel 44:19

Qaq da saxanaxa da tauga ca pa'aỹauec qasoxoc maye hueta'a na nhuo' le'ecpi, qalaq iuen da nqat ca logoxot maye lo'onataxanaxaqui da hueta'a aca atamnaxaqui, nache ỹachaigui ca pa'aỹauo nỹecpiolec, nache ỹaayiñi caua lỹa't alogo, yaqto' que'ecaua qui'itte' anogo saishet da nhuoigueta na nhuo' le'ecpi.