Levítico 6:27 - La'aqtaqa Ñim Lo'onatac 'Enauacna 2013

²⁷ Qalaxaye 'enauac ca ỹaqauga, nache saishet da ipoteua'a que'eca lapat, cha'aye saishet da qaishetapec. Qaq da huo'otaq ichecnoto caua anogo que'eca ntago'q, nache caamaye da qaiỹoi', nache huaña qanqa'en ca qaiỹotauga nỹoqo' ca nogoxot.

Levítico 6:27 Referans Kwoze

Éxodo 29:37

Qataq ivittrec que'ecaua siete na'axa'te da 'auavigaxattac aca nachetaqtaxanaqte maye sa imauaq da qaỹavigaxat, nache aca'aca nca'atoxonaxalate ỹataqta sa qaishetapec, qaq da huo'otaq huo'o ca ipoteua'a, huo'otaq nhuoiguet acamaye, nache nataqa'en camaye sa qaishetapec.»

2 Corintios 7:11

Qaq ¡ỹataqta 'onaxaic Ñim Lo'onatac 'Enauacna da qami' ỹaquicoqche't! ¡Ña qauloỹa nagui dam naigui! Damaye ỹo'ot da qami' qauaỹaañi da aỹem qaica ca ỹasouaxashet, nache ivira'a da aỹem qavicheetapeguelec, nataqa'en qaunoitac souaxat da huo'o da qarcolanaqai da huo'o ca sevireguet. Huo'o nataqa'en da qaryaqai da aỹem qanauañi' qataq qauauo'oi ca nhuaxanaguec cam huo'o da lasouaxashet. Qaq 'enauac de'era qami' qauachaxañi da nache 'ena'am saishet da huo'o ca qarasouaxashechi.

2 Corintios 7:1

Qaq ỹoqo'oye qami' ñauochaxau' ỹaqaỹa't, 'era da qomi' qaỹachaxanapecoto. Qaq ỹoqo'oye saishet qome da so'otaq ca qauem, nachaqrato' da qomi' huesochiyiñi qataq saishet da huo'o ca qarasouaxashet hueto'ot Ñim Lo'onatac 'Enauacna, yaqto' Ñimaye qomi' ỹaconegueta. Sho'oxorenaq Ñim Lo'onatac 'Enauacna qataq ñepogoxoinaqapegue' da qomi' qui'itte', shenaqta'am Ñimaye.

Hageo 2:12

«Da huo'otaq huo'o ca ỹale da irouo ca mashe qui'itta lapat laỹe da lachetaqtaxanaxat, nache ỹaxaalec ca lapo' laỹe camaye. Qaq cam laỹe que'eca lapo', da nhuocteguet aca nauole 'ayiiña, huo'otaq ca lỹa nallec, huo'otaq ca lataxa, aceite, huo'otaq camachaqca lỹa nallec; ¿qaq peta'a camaye nataqa'en qui'itta?» Nache so ntaxaỹaxanaxanecpi ỹasat 'eeta', saishet.

Levítico 11:32

Qaq ca mashe leuaxaic ne'ena shiguiỹacpiolec maye saishet da qui'itta, da talec ca nogoxoshet 'epaq, nogoxot, nogoxoshet maye chegaqaigui na lo'oc na shiguiỹac, huo'otaq ca machaqca na no'onataxanaxatpi, nache camaye saishet da qui'itta iviraigui ca pe, qaq ỹoqo'oye camaye iuen da qaisheraxangui ca 'etaxat, qaq da ime nache qaltaq qui'itta.

Levítico 6:18

Qataq 'enauac na llalaqpi ỹalleppi ñi Aarón, ishet da chec acamaye. Qaq 'era qome da nache 'eetai' lataxac da qoyecỹaxaqui, na qaỹa'alquipi qataq ca qami' chegoxogueta, da qaỹo'ot aca nachetaqtaxanaqte maye qaỹavigaxat da qoỹanot Ñim Nataxala'. Qalaxaye 'enauac ca ỹaqauga, saishet da ipoteua'a, cha'aye acamaye sa qaishetapec.»

Éxodo 30:29

Qaq 'era da 'eetec da 'auỹotauga camayepi da yaqto' sa qaishetapec, qaq da huo'o ca choche nhuoiguet camayepi nache nataqa'en iuen da qaiỹotauga».

Mateo 14:36

Nache qanachoxoreetacot da na'aictaxa da choche qaipoteua'a na laỹe so lapo'. ¡Nache 'enauac som sa no'onpi maye ipoteua'a na laỹe so lapo' So Jesús, somayepi no'oita!

Levítico 7:19

Qaq ca lapat maye nhuoiguet ca camachaqca nam qaiqaigapi, nache camaye saishet da qanallec, nacherata da qaỹalat qalaxaye qaỹavigaxat. Qaq que'eca lỹa lapat, nache 'enauac ca shiỹaxauapi maye qui'itta da lataxac ishet da chec.

Ezequiel 44:19

Qaq da saxanaxa da tauga ca pa'aỹauec qasoxoc maye hueta'a na nhuo' le'ecpi, qalaq iuen da nqat ca logoxot maye lo'onataxanaxaqui da hueta'a aca atamnaxaqui, nache ỹachaigui ca pa'aỹauo nỹecpiolec, nache ỹaayiñi caua lỹa't alogo, yaqto' que'ecaua qui'itte' anogo saishet da nhuoigueta na nhuo' le'ecpi.