Levítico 6:22 - La'aqtaqa Ñim Lo'onatac 'Enauacna 2013

²² Qaq 'era da 'eetec da ỹo'ot aca lachetaqtaxanaqte ca 'oonolec llalec ñi Aarón da ivita da qoỹanagui da lo'onataxanaxac. Qaq aca lachetaqtaxanaqte ala na nañiguishec, acamaye imauec da qaỹavigaxat. Qaq 'era da llecỹaxac da chochaq tatec lqataxac Ñim Nataxala'.

Levítico 6:22 Referans Kwoze

Hebreos 7:23

Qomi' co'ollaxa ỹataqta qalota so qartaxaỹaxanaxanecpi da detaxaỹapegue' Ñim Lo'onatac 'Enauacna, cha'aye saishet da huo'o ca 'oonolec somayepi da chochaq tatec da nachaalataxac.

Isaías 53:10

Cha'aye Ñim Nataxala' maiche lhuennataxac da ỹaneguet da nque'eenaxac somaye. Qaq somaye ye nañaalec na nasouaxashetpi, nache ỹataqta qaỹoqtec da nachaalataxac qaq ivira'a da ỹalectaigui na llalaqpi, qataq chegoqchigui somaye da ỹaỹamaqchiguiñi nam lapaxañipi Ñim Nataxala'.

Deuteronómio 10:6

Qaq co'ollaq ime, nache so Israel le'ecpi ca'ai ye Berot Bené Yacán, nache taỹa ye Moserá. Huaña yemaye nache ileu so Aarón, qaq nache qailareña yemaye, nache so llalec Eleazar, talec da lo'onataxanaxac da ntaxaỹaxanaxanec.

Levítico 8:21

Qaq co'ollaq ime da iỹo so lauel le'ecpi so qagueta, qataq soua lapia'ate se'eso qagueta ỹauota'a so 'etaxat, nache ỹavigaxat 'enauac somaye ỹachalec aso nca'atoxonaxalate. Qaq somaye, nache nachetaqtaxanaxat qaỹavigaxatta, yaqto' da ama laitaỹaxac ỹamaateguet Ñim Nataxala'. Qaq 'era da 'eetec so Moisés da ipacchigui da lamaxasoxonaxac Ñim Nataxala'.

Levítico 4:3

‹Qaq cam huo'o ca lasouaxashet da huo'otaq nacheca ca lataxala' ca ntaxaỹaxanaxanecpi, nache camaye nmañi naqa'en na Israel le'ecpi da huo'o ca lasouaxashet, nache camaye iuen da ỹanot Ñim Nataxala' ca huaca maye qaica ca lque'emaxa, da yaqto' lachetaqtaxanaxat maye sa imauaq da qaỹavigaxat.

Levítico 3:17

Qaq 'era qome da nache 'eetai' lataxac da qoyecỹaxaqui, qataq ca qaỹa'alquipi, qataq cam qami' chegoxogueta, na'aictaxa ca pa'aigue ca qoñiitaña ana 'alhua, qalaq saishet qome da qollequi ca lcheta qataq ca ltago'q ca shiguiỹac».

Levítico 6:21

Qataq da ỹo'ot acamaye, nache ỹachalec ca nauoxonaxala', qataq lalegue ca aceite, qaq da ỹaneuo acamaye, nache icolaxatchigui, cha'aye nachetaqtaxanaqte, yaqto' da ama laitaỹaxac ỹamaateguet Ñim Nataxala'.

Levítico 6:23

Qataq 'enauac aca'aca lachetaqtaxanaqtepi maye ỹaneuo ca ntaxaỹaxanaxanecpi, acamaye saishet da qanallec, cha'aye ỹataqta qaỹavigaxatta.»

Levítico 4:24

Nache ỹashel-lec na lqaic que'eca quetaq, qataq nache ỹalauat ipelecot na lqosot, ỹauaachigui naqa'en Ñim Nataxala', da huaña ye nalaataqa' ana nachetaqtaxanaqte maye qaỹavigaxatta, cha'aye nachetaqtaxanaxat maye sa imauaq da qaỹavigaxat.

Levítico 6:10

Qaq ca ntaxaỹaxanaxanec, nache ỹaañi qome ca lapo' hualoxolaỹi maye chegaqaigui na lino, qataq caua lpa'axanaqtel. Ime, nache lapona't ca alo aca nachetaqtaxanaqte qaỹavigaxatta maye huetalec añi nca'atoxonaxalate, nache ỹachaua'a na laỹe añimaye.

Levítico 6:11

Ime, qataq naralaxa't caua ỹaayiñi alogo, nache irouga ca no'onaxa qui'itta maye laponqa' na alo, maye pa'aueegue da laỹe ca qanayeetaña.

Oseas 4:8

Qataq ỹachegoxottapigui na lasouaxashetpi nam ỹalamaxat nhuo' le'ecpi da lquia'axac namayepi, ỹoqo'oye ỹayeeta'a da nache ỹo'ottac na qauem nam shiỹaxauapi maye ỹalamaxatpi.