Levítico 6:14 - La'aqtaqa Ñim Lo'onatac 'Enauacna 2013

¹⁴ Qaq 'era da llec aca nachetaqtaxanaqte maye chegaqaigui ana ala ca nañiguishec, 'eeta': Ne'enaua llalqa so Aarón, nache ỹaareuo qome acamaye huaña añi nca'atoxonaxalate ỹauaachigui naqa'en Ñim Nataxala'.

Levítico 6:14 Referans Kwoze

Números 15:4

nache que'eca ỹaneuo ca lachetaqtaxanaxat, iuen da ỹaneuo ca dos kilos ca ỹataqta no'on 'ayiiña maye qairaqneguet ca un litro na aceite.

Juan 6:32

Nache So Jesús 'enapeco': –Aja', ỹataqta 'eesa de'era qami' sa'axatema, da saishet da nacheso so Moisés som qami' ỹanema aso nauole maye chegoqo'ot na piguem, nachaqñita Ñim Ita'a maye nacheñi ñi qami' ỹanema acam ỹataqta 'eesa nauole, maye chegoqo'ot na piguem.

Números 15:9

nache huaqtalec qanqa'en ca seis kilos ca 'ayiiña maye qairaqneguet ca dos litro na aceite,

Números 15:6

Qaq da nachetaqtaxanaxat ca peenaq, nache huaqtalec qanqa'en ca cuatro kilos ca 'ayiiña maye qairaqneguet ca napactelec ca un litro na aceite,

Levítico 6:13

Qaq que'eca norec maye huetalec añi nca'atoxonaxalate, camaye nache 'eetai' qome da 'ettaigui qanqa'en.

Levítico 6:15

Nache ca 'oonolec caamaye, ỹauota'a 'oonole napocna da ỹacona ca ỹataqta no'on lsoche ana ala ca nañiguishec, qataq lalegue ca aceite, qataq ca nchenaxanaxat qo'oipaq lcha'q ama na laita maye huetalec aca'aca nachetaqtaxanaqte. Qaq 'enauac acamaye, nache ỹavigaxat, ỹachalec añi nca'atoxonaxalate da nachetaqtaxanaqte, maye naigui da qaiuennate da Ñim Nataxala' lalamaxat 'enauacna, yaqto' da ama laitaỹaxac ỹamaateguet Ñimaye.

Levítico 10:12

Ime, nache so Moisés 'enapega so Aarón qataq soua llalqa maye no'oirañi, Eleazar qataq so Itamar, 'eeta': «Ca no'onañi lsoche aca ala ca nañiguishec maye nachetaqtaxanaqte acamaye qami' taỹoto, nache qauo'oche aca nauole qaca aca lalecte maye ỹasheeraxachigui, nache qollequi da qoviita'a ye sa qaỹapeque añi nca'atoxonaxalate, cha'aye acamaye ỹataqta sa qaishetapec.

Levítico 1:9

Ime, nache que'eca ỹaneuo ca lachetaqtaxanaxat qaỹavigaxatta, camaye nacheca ca iỹo ca lauel le'ecpi qataq caua lapia'ate que'eca shiguiỹac, ỹauota'a ca 'etaxat, qaq ca ntaxaỹaxanaxanec ỹavigaxat 'enauac camaye, ỹachalec añi nca'atoxonaxalate. Cha'aye nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'.

Levítico 1:13

Ime, nache que'eca ỹaneuo ca lachetaqtaxanaxat, camaye nacheca ca iỹo ca lauel le'ecpi, qataq caua lapia'ate que'eca shiguiỹac, ỹauota'a ca 'etaxat, qaq ca ntaxaỹaxanaxanec nache ỹavigaxat 'enauac camaye ỹachalec añi nca'atoxonaxalate, cha'aye nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'.

Levítico 1:17

Ime, nache inoxongui na laiñi, ỹauattchiguilo naqa'en naua laua't que'eca qoto', nache ca ntaxaỹaxanaxanec ỹachalec ca 'epaqpi maye 'ettaigui huetalec añi nca'atoxonaxalate. Cha'aye nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'.»

1 Crónicas 9:31

Qaq huo'o so chegoxoguet na leviitapi le'enaxat Matatías, som ỹe llalec so Salún, maye coreiita, somaye nacheso so pa'aỹa'aguet da ỹo'ottac naxa ana nauole da yaqto' nachetaqtaxanaqte.