Levítico 6:13 - La'aqtaqa Ñim Lo'onatac 'Enauacna 2013

¹³ Qaq que'eca norec maye huetalec añi nca'atoxonaxalate, camaye nache 'eetai' qome da 'ettaigui qanqa'en.

Levítico 6:13 Referans Kwoze

Levítico 6:9

«Qonapega qome ñi Aarón qataq ñeua llalqa, qoneta': 'Era da llec aca nachetaqtaxanaqte maye qaỹavigaxatta, 'eeta': Aca'aca nachetaqtaxanaqte qaỹavigaxatta, acamaye iuen da palom huetangui ca norec maye huetalec añi nca'atoxonaxalate, choche ivitta'a ca lỹa na'a'q. Qataq que'eca norec, nache 'eetai' da 'ettaigui qanqa'en.

Levítico 6:12

Qaq que'eca norec maye 'ettaigui huetalec añi nca'atoxonaxalate, camaye saishet qome da 'om qanqa'en. Qaq ca ntaxaỹaxanaxanec, nache ỹasaqtauaq qome ca 'epaqpi maye lalonaxat que'eca norec ye nte'eta. Ime, nache ỹachalec que'eca norec aca nachetaqtaxanaqte qaỹavigaxatta. Ime, qataq npa'axatcheguem ca lcheta aca nachetaqtaxanaqte maye qanhuaachigui.

Levítico 6:14

Qaq 'era da llec aca nachetaqtaxanaqte maye chegaqaigui ana ala ca nañiguishec, 'eeta': Ne'enaua llalqa so Aarón, nache ỹaareuo qome acamaye huaña añi nca'atoxonaxalate ỹauaachigui naqa'en Ñim Nataxala'.

Ezequiel 40:46

qaq ñi nỹec maye datategue da sheu', nache lma' na ntaxaỹaxanaxanecpi maye huetague' añi nca'atoxonaxalate. Qaq nachaqnata namayepi da ishet da nquigueua'a Ñim Lo'onatac 'Enauacna da do'onataxanot, cha'aye namayepi chegoxoguet so Sadoc.»

Éxodo 29:1

«Qaq da 'auỹotaugalo da aỹem do'onataxaarot da itaxaỹaxanaxanqa. Nache 'auacona ca 'oonolec huaca llalec qataq caua dos qagueta maye qaica ca lque'emaxa,

Éxodo 29:2

qataq ca ỹataqta no'on 'ayiiña nache 'auo'ot caua nauole 'ayiiña maye saishet da ỹaleeguet ca ỹasheeraxachigui na ndaqñiguishec, ndotec aca qairaqneguet ca aceite, qataq aca lỹa nauole sanquesaxan maye choche qaicorelec ca aceite,

Éxodo 29:40

Qataq que'eca qagueta maye la'auaxanec da qoỹaneuo, nache lỹateuo ca dos kilos ca ỹataqta no'on 'ayiiña maye qairaqneguet ca aceite, qataq ca 'oonolec litro ca lataxa da yaqto' qaicorelec aca nca'atoxonaxalate.

Levítico 9:24

nache Ñim Nataxala', anacot so norec, nache ỹavigaxat 'enauac so lapat so shiguiỹac, qataq so lcheta maye mashe qaiqataxaatai' huetalec aso nca'atoxonaxalate. Qaq co'ollaq ỹauaachigui de'era so Israel le'ecpi, nache ỹataqta ỹa'alaqtagui souaxat da ntonaxac, nache ỹa'alyiñi naua l-llecte, iviraxata'aguet naqa'en na latap na 'alhua.

Isaías 31:9

qaq souaxat da ncolanaxa nache ca nta'a chegaqañi qome da datauec, qataq nam ltauapi ỹalat qome ana ỹaviguisheguem la'anaxanaqtepi. Qaq 'era da la'aqtac Ñim Nataxala' da hueta'a naqa'en ye Jerusalén ca norec, da yaqto' huaña da iuaxan na npa'aguenaxauapi.