Levítico 6:10 - La'aqtaqa Ñim Lo'onatac 'Enauacna 2013

¹⁰ Qaq ca ntaxaỹaxanaxanec, nache ỹaañi qome ca lapo' hualoxolaỹi maye chegaqaigui na lino, qataq caua lpa'axanaqtel. Ime, nache lapona't ca alo aca nachetaqtaxanaqte qaỹavigaxatta maye huetalec añi nca'atoxonaxalate, nache ỹachaua'a na laỹe añimaye.

Levítico 6:10 Referans Kwoze

Levítico 16:4

Qataq da huenoxoneuo, nache ỹa'auaxaañi nachel. Ime, nache ỹaayiñi soua lpa'axanaqa'ate, qataq napogoña so lapo' ca ntaxaỹaxanaxanec, qataq nsaachigui so lasot alaxa, qataq so lqaic alaxa soua alogo maye chegaqaiguilo na lino maye lalamaqa'ate da ntaxaỹaxanaxanec.

Apocalipsis 19:14

Qaq ca'attaueegue Somaye so alleppi piguem le'ecpi, ỹaatrañi naua alogo maye chegaqaiguilo na lino, ỹataqta ỹapaga'q qataq qui'itte', netalec na caaỹo lapagaxaicpi.

Apocalipsis 19:8

Ñim Lo'onatac 'Enauacna no'otaxanaxan ỹanaxanaxaangui na no'on nogoxot maye chegaqaigui na lino, ỹataqta qui'itta qataq qashelectapiguiñi da lyac.» Qaq se'esoua nogo maye chegaqaiguilo na lino, naigui dam no'on ỹo'ottac nam lalamaxatpi Ñim Lo'onatac 'Enauacna.

Apocalipsis 7:13

Nache so 'oonolec soua nqueroxonqa aỹem inat, 'eeta': –¿Negue't ne'ena shiỹaxauapi maye lapagaxaiqa naua alogo? ¿Chaq hua'ague ca chegaqa'ague?

Salmos 37:20

Qaq na qauemaicpi qalaq taỹa'a da imeuo, na npa'agueetague' Ñim Nataxala' qalaq taỹa'a da nlaguiñi, 'eeta'am na lmala'q.

Salmos 20:3

Qataq Ñimaye ntoueeta'ac qome 'enauac ana 'arachetaqtaxanaqte, qataq ỹaỹamaxareeta da ỹaconeguet ca 'auavigaxat 'arachetaqtaxanaxat.

Números 16:35

Qalaxaye so lanataqa' Ñim Nataxala' nataqa'en chegoqteua'a so norec, nache ỹavigaxat, nache nmichiguiñi naqa'en 'enauac se'eso doscientos cincuenta shiỹaxauapi, maye ỹavigaxattac co'ollaxa so lchenaxanaxat.

Números 16:21

¡Qoquiỹa'ai qome ne'ena shiỹaxauapi, yaqto' Aỹem ñematchiguiñi da selaxachigui namayepi!

Levítico 1:13

Ime, nache que'eca ỹaneuo ca lachetaqtaxanaxat, camaye nacheca ca iỹo ca lauel le'ecpi, qataq caua lapia'ate que'eca shiguiỹac, ỹauota'a ca 'etaxat, qaq ca ntaxaỹaxanaxanec nache ỹavigaxat 'enauac camaye ỹachalec añi nca'atoxonaxalate, cha'aye nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'.

Levítico 1:9

Ime, nache que'eca ỹaneuo ca lachetaqtaxanaxat qaỹavigaxatta, camaye nacheca ca iỹo ca lauel le'ecpi qataq caua lapia'ate que'eca shiguiỹac, ỹauota'a ca 'etaxat, qaq ca ntaxaỹaxanaxanec ỹavigaxat 'enauac camaye, ỹachalec añi nca'atoxonaxalate. Cha'aye nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'.

Levítico 4:12

nache imauec camaye, da irouga ye no'onaxa qui'ittelec maye lcoraqa' naxa na alo, maye pa'aueegue da laỹe ye qanayeetaña, nache ỹasaxangui ca norec maye 'ettaigui.

Levítico 6:11

Ime, qataq naralaxa't caua ỹaayiñi alogo, nache irouga ca no'onaxa qui'itta maye laponqa' na alo, maye pa'aueegue da laỹe ca qanayeetaña.

Levítico 8:2

«'Auaconeua'a qome ñi Aarón qataq ñeua llalqa, qataq 'auaconalo caua alogo ca ntaxaỹaxanaxanec, qataq aca laỹe' ca aceite maye ncoraxanaxat da huo'o ca qaicorelec, qataq ca huaca maye qoỹaneuo da nachetaqtaxanaxat maye sa imauaq da qaỹavigaxat, qataq caua dos qagueta qataq aca npaqtole maye huetangui aca nauole qaica ca lalegue maye ỹasheeraxachigui,

Ezequiel 44:19

Qaq da saxanaxa da tauga ca pa'aỹauec qasoxoc maye hueta'a na nhuo' le'ecpi, qalaq iuen da nqat ca logoxot maye lo'onataxanaxaqui da hueta'a aca atamnaxaqui, nache ỹachaigui ca pa'aỹauo nỹecpiolec, nache ỹaayiñi caua lỹa't alogo, yaqto' que'ecaua qui'itte' anogo saishet da nhuoigueta na nhuo' le'ecpi.

Levítico 2:11

Qaq 'enauac aca'aca nachetaqtaxanaqtepi, saishet da qaỹalecneguet ca dapic lli'i qataq ca ỹasheeraxachigui ca ndaqñiguishec, cha'aye acamaye ishet da na'axat aca nachetaqtaxanaqtepi maye qaỹavigaxat da qoỹanot Ñim Nataxala'.

Levítico 6:18

Qataq 'enauac na llalaqpi ỹalleppi ñi Aarón, ishet da chec acamaye. Qaq 'era qome da nache 'eetai' lataxac da qoyecỹaxaqui, na qaỹa'alquipi qataq ca qami' chegoxogueta, da qaỹo'ot aca nachetaqtaxanaqte maye qaỹavigaxat da qoỹanot Ñim Nataxala'. Qalaxaye 'enauac ca ỹaqauga, saishet da ipoteua'a, cha'aye acamaye sa qaishetapec.»

Levítico 6:22

Qaq 'era da 'eetec da ỹo'ot aca lachetaqtaxanaqte ca 'oonolec llalec ñi Aarón da ivita da qoỹanagui da lo'onataxanaxac. Qaq aca lachetaqtaxanaqte ala na nañiguishec, acamaye imauec da qaỹavigaxat. Qaq 'era da llecỹaxac da chochaq tatec lqataxac Ñim Nataxala'.

Levítico 21:22

Qalaxaye camaye, ishet da chec aca nauole 'ayiiña, qataq aca laỹepi nachetaqtaxanaqte maye ishet da qanallec.