Levítico 5:7 - La'aqtaqa Ñim Lo'onatac 'Enauacna 2013

⁷ Qaq da huo'otaq sa nalolec da desheenaxana aca qagueta huo'otaq aca quetaq, nache ỹanot Ñim Nataxala' caua dos qoto' lta'araiqa, huo'otaq caua dos qoto' llalqa da yaqto' lachetaqtaxanaqte. Qaq ca 'oonolec caamaye ỹaneuo da lachetaqtaxanaxat maye sa imauaq da qaỹavigaxat, qaq ca lỹa nache lachetaqtaxanaxat qaỹavigaxatta.

Levítico 5:7 Referans Kwoze

Levítico 12:8

Qaq aca 'alo da huo'otaq sa nalolec da desheenaxana ca qagueta, nache acamaye ishet da ỹaareuo caua dos qoto' llalqa, huo'otaq caua dos qoto' lta'araiqa, nache 'oonolec ca lachetaqtaxanaxat qaỹavigaxatta, qaq ca lỹa nache lachetaqtaxanaxat maye sa imauaq da qaỹavigaxat. Nache ca ntaxaỹaxanaxanec ỹanot Ñim Nataxala', da yaqto' qaỹapalaxat na lasouaxashet aca'aca 'alo, huaña nache acamaye qui'itta.

Mateo 10:16

De'era no'onataxanaxac maye qami' samaxaleguete da qauo'oche, damaye huo'o da lchec. Damaye 'eeta'am aca qagueta da qaỹamaxa ca hueta'a na qalota shiguiỹacpi maye dequi'iỹapec. Qaq ỹoqo'oye qami' lhuotte' qataq qanloitec qoñiỹa'am ca na'araxanaq qalaxaye nataqa'en qami' huesote' qoñiita'am na qoto'pi.

2 Corintios 8:12

Cha'aye ca shiỹaxaua da ỹoqta 'eesa da lhuennataxa da huo'o ca ỹan, qalaq Ñim Lo'onatac 'Enauacna ỹataqta ỹaỹamaxareeta cam nalotaua'a da ỹan camaye. Cha'aye Ñimaye saishet da iỹaxanaique cam saishet da qanaloua'a.

Mateo 3:16

nache nachelaxan. Qaq So Jesús co'ollaq ca'ai so 'etaxat, nache ila'a na piguem da nauatoigui, nache ỹauaateguet So Saqcha'a La'añaxac Ñim Lo'onatac 'Enauacna da naỹaña Somaye 'eeta'am da lataxac na qoto'.

Levítico 14:31

Nache ca 'oonolec ỹaneuo da nachetaqtaxanaxat maye sa imauaq da qaỹavigaxat, qaq ca lỹa nache nachetaqtaxanaxat qaỹavigaxatta, qataq aca nachetaqtaxanaqte chegaqaigui na ala ca nañiguishec. Qaq 'era da 'eetec so ntaxaỹaxanaxanec da yaqto' qaỹapalaxat ca lasouaxashet que'eca shiỹaxaua maye nqui'itaxattac».

Lucas 2:24

Na namaxasoxonaxacpi nataqa'en ỹa'axat da iuen da qaỹauo'o aca nachetaqtaxanaqte da qoỹanot Ñim Lo'onatac 'Enauacna, ishet da qaỹauota'a dos qoto', huo'otaq caua dos llalqa na 'ollolec.

Levítico 16:5

Qataq ñi Aarón, nache ỹachegoxotaigui na Israel le'ecpi caua dos quetaq da yaqto' namayepi lachetaqtaxanaxa't maye sa imauaq da qaỹavigaxat, qataq ca qagueta lhuaraic da lachetaqtaxanaxat qaỹavigaxatta.

Levítico 15:30

Nache camaye, ỹaneuo ca 'oonolec da yaqto' nachetaqtaxanaxat maye sa imauaq da qaỹavigaxat, qaq ca lỹa nache nachetaqtaxanaxat maye qaỹavigaxatta. Qaq 'era da 'eetec ca ntaxaỹaxanaxanec da ỹauaachigui naqa'en Ñim Nataxala', da ỹo'ot da qui'itta naqa'en aca 'alo souaxat da ime da anactac na ltago'q.

Levítico 9:3

Qaq na Israel le'ecpi, qalaq qonapega qome, qoneta': ‹Qandoiuo qome ca quetaq yaqto' nachetaqtaxanaxat maye sa imauaq da qaỹavigaxat, qataq ca huaca, qataq ca qagueta maye ñaq 'oonolec vi'i, qataq qaica ca lque'emaxa, yaqto' nachetaqtaxanaxat qaỹavigaxatta,

Levítico 5:11

Qalaxaye que'eca shiỹaxaua da ỹataqta sa nalolec da desheenaxanalo caua dos qoto' lta'araiqa, huo'otaq caua qoto' llalqa, nache irouo ca dos kilos ca ỹataqta no'on lsoche na ala ca nañiguishec, da yaqto' lachetaqtaxanaxat. Qalaxaye saishet da icorelec ca aceite qataq da ỹachalec ca nchenaxanaxat qo'oipaq lcha'q ama na laita, cha'aye nachetaqtaxanaxat maye sa imauaq da qaỹavigaxat souaxat ca nasouaxashet.

Mateo 21:12

Qaq So Jesús co'ollaq inoxoneua'a ye nỹecpi ye Jerusalén, nache nqo'ona aso no'onaxanaxaqui late'erai. Huaña, nache Somaye ỹo'orauec 'enauac som nmenaxaicpi qataq som desheenaxatega na nmenec. Qataq ỹamaxañi so nmenaxala'pi som nmenaxanaxaatega't ana alom na shiỹaxauapi, da nmenaxaatapeeguet ana alom añi no'onaxanaxaqui late'erai qataq ỹasaqtega't aso laỹe' so qaimeetac qoto'pi.

Levítico 7:1

Qaq 'era da llec aca nachetaqtaxanaqtepi maye sa imauaq da qaỹavigaxat, acamaye ỹataqta sa qaishetapec.

Levítico 12:6

Nache da iviraxattrec caua laloxoqui' da nqui'itaxatta, souaxat da lañoxoc ca llalec ỹale huo'otaq 'alo, nache acamaye iroua'a ye ñegueuo ñi npe'l, ca qagueta llalec maye ivi' ca 'oonolec vi'i yaqto' lachetaqtaxanaxat qaỹavigaxatta, qataq ca 'oonolec qoto' llalec huo'otaq ca qoto' lta'araic, yaqto' lachetaqtaxanaxat maye sa imauaq da qaỹavigaxat. Qaq ỹanem ca ntaxaỹaxanaxanec,

Levítico 14:30

Ime, nache ca ntaxaỹaxanaxanec ỹaareuo caua qoto' lta'araiqa, huo'otaq caua qoto' llalqa, cam ỹaareuo cam shiỹaxaua maye nqui'itaxattac.

Números 5:6

«Qonapega na Israel le'ecpi, qoneta': Da huo'o ca ỹale huo'otaq 'alo da huo'o ca lasouaxashet hueto'ot ca lỹa, nache camaye nataqa'en huo'o da lasouaxashet hueto'ot Ñim Nataxala',

Números 6:10

Nache que'eca na'a'q ocho, camaye iroua'a ca ñegueuo ca npe'l maye huaña naxa da qanauane' Ñim Nataxala', da ỹanem ca ntaxaỹaxanaxanec caua dos qoto' lta'araiqa, huo'otaq llalqolqa.

Números 6:11

Nache ca ntaxaỹaxanaxanec ỹaneuo ca 'oonolec caamaye da yaqto' nachetaqtaxanaxat maye sa imauaq da qaỹavigaxat, qaq ca lỹa nache qaỹavigaxatta yaqto' qaỹapalaxat ca lasouaxashet camaye, souaxat da huaqta'ai' ca leuaxaic. Qaq nacheca que'eca na'a'q da qaltaq qui'itta que'eca shiỹaxaua maye qaiỹotauga da lalamaxat Ñim Nataxala',

Levítico 27:8

Qaq que'eca shiỹaxaua da ỹachaxanapec co'ollaxa da ỹan ca lauo' le'ec, da ỹapac choxoraq da sa nalolec da isheeten aca lasheue camaye, nache iuen da taua'a ca ntaxaỹaxanaxanec da yaqto' camaye ỹo'ot aca lasheue, maye nalota'ai' da isheeten camaye.