Levítico 5:5 - La'aqtaqa Ñim Lo'onatac 'Enauacna 2013

⁵ Qaq da huo'otaq huo'o ca nache 'eeta'am de'era ca npe'enaxac, nache iuen da ỹa'axatta da ỹoqta 'eesa que'eca lasouaxashet.

Levítico 5:5 Referans Kwoze

Proverbios 28:13

Qaq ca ỹoxotchiguiñi ca lasouaxashet qalaq saishet da no'on da llecỹaxac, qaq ca ỹa'axatta qataq ỹaxanec ca lasouaxashet, camaye ishet da qaichoxoren.

Números 5:7

nache camaye iuen da ỹa'axat ca lasouaxashet. Qataq isheeten que'eca shiỹaxaua maye hueto'ot ca lasouaxashet, qataq ipacchigui naqa'en aca lasheue ca lasouaqtac, qataq ỹauo'o aca ỹactec da isheeten camaye.

Levítico 26:40

Qalaxaye da qaua'axacheeta ca qarasouaxashichi, qataq ca lasouaxashetpi so qarta'ailpi, qataq da 'eetec da ỹe'eguelaqtalec da Aỹem qauataiỹa'aguet, qataq Aỹem qauatenachichi naxa,

Levítico 16:21

nache ỹashel-lec na lqaic qataq nache ỹa'axat 'enauac na lle'etaxaloxosat na Israel le'ecpi, souaxat da npe'eeleguete naua lataxaco, qataq sa ỹalaxaguet Ñim Nataxala'. Qaq 'era da 'eetec da ỹachelec qome ca quetaq que'eca nasouaxashetpi, nache ca lỹa shiỹaxaua huapegue' da ỹo'orauga ca toolec 'alhua da yaqto' talec naqa'en camaye,

Romanos 10:10

Cha'aye da ỹataqta imauec da qarquiyaqteỹaxac da ỹataqta sa'amqaanataxanaq, nache Ñim Lo'onatac 'Enauacna ishet da qomi' ỹaỹamaxareete'; qataq da sa'axataq So Jesús, da nacheso Som Nataxala', nache Ñim Lo'onatac 'Enauacna qomi' nca'alaxatre'c.

Josué 7:19

Huaña, nache so Josué 'enapega so Acán, 'eeta': «'Am ỹalcolec, ñaq huo'o naq 'enec 'anqa'en qataq 'aỹa'anot da 'ayo'oxonnataxanaxac Ñim Nataxala' maye Natamnaxala' na Israel le'ecpi, nache aỹem 'aua'aqtaxanem de'era 'auo'ot. ¡Saishet da aỹem 'oxocheesop!»

Daniel 9:4

Nache ñatamnot, qataq sa'aqtaxanem Ñim Nataxala' maye Ñatamnaxala', sheeta': 'Am Nataxala', maye 'Aro'onatac 'Enauacna 'Am lta'araic qataq 'Am 'añaxaic, maye nache 'eetai' naxa da 'aupacchigui nam 'auachaxanapecpi, qataq 'auachaxana da 'arauotaxanaqtaic nam 'Am ỹauotecpi, qataq ipaqueelec nam 'aramaxasoxonaxacpi:

Jeremías 3:13

Nacherata da 'auaỹateeta da huo'o da 'arasouaxashet, qataq 'auataỹa'aguet Ñim Nataxala', maye 'Anatamnaxala', qataq 'auaỹateeta da qoueto'ot naxa na lpaqal camachaqaca qo'oipaq maye qalochiguiñi ana lcouepi, da 'ancachetague' nam ỹaqa'a shiỹaxauapi, qaq saishet da Aỹem 'aualaxaguet. Qaq 'era da ỹa'aqtac Aỹem Nataxala'.›»

Salmos 32:5

Qalaxaye 'am sa'axatem co'ollaxa na ỹasouaxashetpi, qataq saishet da 'am soxocheesop na qauem maye so'otpi, nache sheeta': «Aỹem sa'axatem na ỹasouaxashetpi Ñim Nataxala'.» Nache 'am 'auapalaxat 'enauac namayepi.

Da na'aqtaguec so Job 33:27

Nache ca shiỹaxaua maiche nauattoola't da huo'o da lasouaxashet, nache, 'eeta': «Aỹem huo'o da ỹasouaxashet cha'aye ña'aqchet da ỹaỹamaqchiguiñi nataxac, qalaxaye saishet da qaỹo'ot ca ñeuaxanaguec,

Levítico 5:13

da yaqto' ca ntaxaỹaxanaxanec ỹo'ot da qaỹapalaxat camachaqca lasouaxashet maye ỹo'ot que'eca shiỹaxaua. Qaq nache 'ena'am da lataxac aca nachetaqtaxanaqte maye chegaqaigui ana ala ca nañiguishec. Qaq ca no'onañi, nache taỹot que'eca ntaxaỹaxanaxanec.›»