Biblia Todo Logo
Bib sou entènèt

- Piblisite -




Levítico 5:2 - La'aqtaqa Ñim Lo'onatac 'Enauacna 2013

2 Qataq nache 'ena'am da huo'o ca shiỹaxaua da ilamaxata'a da ỹasheleua'a ca shiguiỹac leuaxaic maye saishet da qui'itta, huo'otaq ca 'atet leuaxaic, qataq ca huauec, nataqa'en ca hualectapigui' maye saishet da qui'itta, nache que'eca shiỹaxaua saishet da qui'itta, cha'aye huo'o ca lasouaxashet.

Gade chapit la Kopi




Levítico 5:2
16 Referans Kwoze  

Da huo'o ca shiỹaxaua da sa nanoma da npe'eelec na lamaxasoxonaxacpi Ñim Nataxala', nache ỹo'ot ca sa qaỹashen da qaỹo'ot, nache camaye nque'etaxangui qome que'eca lasouaxashet.


Qataq ana cos na'aictaxa da colaxaguilo naua nna'ache, qalaxaye saishet da ye'eguelaqtaxan, nache saishet da qollequi qome anamaye, qataq saishet da qauashilligui da ileu, nacherata da qauqaiquiỹa.


Nache so Hageo, qaltaq, 'eeta': «Qaq da huo'otaq huo'o ca shiỹaxaua nshepaxan da lataxac souaxat da ỹaconeua'a ca leuaxaic, qaq da ỹaconeua'a ca camachaqca ne'enapi, qaq namayepi ¿peta'a saishet nataqa'en da nshepaxan?» Nache so ntaxaỹaxanaxanecpi ỹasat, 'eeta', aja' nataqa'en nshepaxan.


Qataq saishet da qanallequi ca lapat namayepi, cha'aye saishet da qui'itta, nache 'ena'am da mashe leuaxaic.


Qaq ỹoqo'oye nataqa'en Ñim Nataxala', 'eeta': «Qoquiỹa'ai qome namayepi, qataq qauỹocheelec; qataq saishet qome da qa'aitapegueua'a ca ishet da deshepaxanaqtaxan. Yaqto' Aỹem ishet da qami' saconegueta.


¡Ỹataqta qauem da qa'aita'ague! Cha'aye qami' qoñiita'am acam huachiqui maye sa qaila'a, nache na shiỹaxauapi petapeguelec.


¡Qoquiỹa'ai, qoquiỹa'ai nagui na Babilonia, nache saishet da qauashilleeua'a ca nshepaxan da lataxac, qoquiỹa'ai nagui na Babilonia! ¡Qanchilỹa'a da qui'itta qarataxaqui qami' maye qauachiitac nam no'onataxanaxatpiolec maye lalamaxat Ñim Nataxala'!


¿Negue't ca ishet da ila'a ca maiche lalamaxat lsomaxac? Ỹoqo'oye aỹem 'auchoxoren qome, 'am Ỹataxala', souaxat na ỹasouaxashetpi maye saqcha'a.


Qaq ca shiỹaxaua da ỹashelagui ca la'atec ca shiỹaxaua, huo'otaq ca shiguiỹac maye qaiqaiga, huo'otaq ca camachaqca nam qaiqaigapi, da chec ca lapat aca nachetaqtaxanaqte qanhuaachigui maye qoỹanot Ñim Nataxala', nache camaye qaỹo'orauec, ca'ai qanqa'en ca lauo' le'ecpi.»


Qaq da huo'otaq huo'o ca shiỹaxaua da nỹalaqtoc da ỹan ca la'aqtac da 'eetega ipacchigui da ỹo'ot ca ỹaỹamaqchiguiñi, huo'otaq ca sa ỹaỹamaxañi. Qalaxaye da ivita da nanoma de'era npe'enaxac, nache camaye huo'o ca lasouaxashet.


Qaq da huo'otaq 'enauac na ỹalecta'a't Israel le'ecpi da huo'o ca npe'enaxac, qataq sa nanoma da ỹo'ot cam sa qaỹashen da qaỹo'ot, nache namayepi huo'o da lasouaxashet, cha'aye saishet da ỹalaxaguet na lqataxacpi Ñim Nataxala'.


Qaq da huo'o ca ilamaxata'a da ỹashelagui ca la'atec ca shiỹaxaua, nache camaye saishet da qui'itta. Qaq da ivita da nanoma, nache camaye huo'o ca lasouaxashet.


Qaq saishet qome da qollequi ca lapat ne'ena shiguiỹacpi, qataq saishet da qaupocheeua'a da mashe ileu. Cha'aye saishet da qui'itta.


Nache 'enauac na ipoteua'a que'eca shiỹaxaua maye saishet da qui'itta, nache nataqa'en saishet da qui'itta, qataq ca ipoteua'a camaye, nataqa'en saishet da qui'itta da lataxac ivitta'a da pe.»


Swiv nou:

Piblisite


Piblisite