Levítico 5:16 - La'aqtaqa Ñim Lo'onatac 'Enauacna 2013

¹⁶ Qataq aca'aca lasheue que'eca shiguiỹac, nache ỹauo'o aca ỹauaxaỹaxaatalec da desheetenaxan, nache ỹanem ca ntaxaỹaxanaxanec. Qaq 'era da 'eetec ca ntaxaỹaxanaxanec da yaqto' qaỹapalaxat ca lasouaxashet que'eca shiỹaxaua chegoqchigui ca qagueta maye ỹaneuo da nachetaqtaxanaxat maye sa imauaq da qaỹavigaxat.

Levítico 5:16 Referans Kwoze

Números 5:7

nache camaye iuen da ỹa'axat ca lasouaxashet. Qataq isheeten que'eca shiỹaxaua maye hueto'ot ca lasouaxashet, qataq ipacchigui naqa'en aca lasheue ca lasouaqtac, qataq ỹauo'o aca ỹactec da isheeten camaye.

Levítico 22:14

Qaq ca shiỹaxaua da ilamaxata'a da chec ca nallec maye qoỹaneuo da nachetaqtaxanaxat, nache camaye iuen da isheeten ca nallec maye chec, qataq ỹauo'o aca ỹactec lsheetenaxanaqte, da ỹanem ca ntaxaỹaxanaxanec.

Levítico 27:31

Qaq da huo'otaq huo'o ca nshetaique da ñe'eguelaxaala't aca diezmo maye ala ca nañiguishec, nache camaye isheeten aca lasheue, qataq ỹauo'o aca ỹauaxaỹaxaalec.

Levítico 27:27

Qaq da huo'o ca huotaique da ñe'eguelaxaala't ca shiguiỹac maye ỹaneuo co'ollaxa nam saishet da qui'itta, nache isheeten aca lasheue maye ỹanagui ca ntaxaỹaxanaxanec, qataq ỹauo'o aca ỹauaxaỹaxaalec aca ỹoqta lasheue camaye. Qalaxaye da saishet da ñe'eguelaxaala't da desheenaxana, nache camaye qaimen qataq ipacchigui aca lasheue maye ỹanagui ca ntaxaỹaxanaxanec.

Levítico 27:15

Qalaxaye ca ỹaneuo que'eca nỹec da huo'otaq ñe'eguelaxaala't, nache iuen da ỹauo'o aca ỹauaxaỹaxaalec aca ỹoqta lasheue camaye. Nache que'eca nỹec ishet da ỹe'egueloqot que'eca shiỹaxaua.

Levítico 27:13

Qaq da huo'otaq qaỹauotaique da qaỹe'eguelaxat que'eca shiguiỹac, nache aca lasheue camaye huo'o aca qaỹauaxaỹaxaalec.

Levítico 5:10

Qaq ca lỹa qoto', nache nachetaqtaxanaxat qaỹavigaxatta, qataq ỹe'enaxatchigui da maiche lataxac da qaỹo'ot. Qaq da nache 'eetec de'era ca ntaxaỹaxanaxanec, nache qaỹapalaxat ca ilamaxata'a lasouaxashet que'eca shiỹaxaua.

Hechos 26:20

Ỹoqo'oye aỹem sa'auaxaachiguiñi da sa'axatem da na'aqtac nam netaña ye Damasco. Ime, qataq jec nam netaña ye Jerusalén qataq 'enauac nam netaña ye 'alhua Judea qataq nataqa'en nam saishet da judiopi. Shenapega da iỹaxanot Ñim Lo'onatac 'Enauacna da yaqto' ichoxoren qataq ỹalaxaguet, nache ỹo'ot cam no'on maye ỹachaxan da 'eesa da naralaxat da lhuennataxac.

Lucas 19:8

Qaq co'ollaq ime da nquia'axac, nache nachaañi so Zaqueo, nache 'enapega So Jesús, 'eeta': –'Am Ỹataxala', aỹem qome secolaxatchiguingui na laiñi da isallaxa. Ime, qaq sanem nam choxoraqpi. Qaq da huo'otaq huo'o ca secachiỹot, nache cuatro da she'eguelaxalec da she'eguelaxatot camaye cam secachiỹa.

Salmos 69:4

Ỹataqta napacalec ye lcata na laue na iqaic na aỹem nquiỹatapega, ỹataqta qalota na choche aỹem npa'agueetega, nam huotaique da aỹem nlaxaañi, qaq ¿ca 'eeteco' da she'eguelaxat ca saishet da secachiỹa?

Levítico 5:13

da yaqto' ca ntaxaỹaxanaxanec ỹo'ot da qaỹapalaxat camachaqca lasouaxashet maye ỹo'ot que'eca shiỹaxaua. Qaq nache 'ena'am da lataxac aca nachetaqtaxanaqte maye chegaqaigui ana ala ca nañiguishec. Qaq ca no'onañi, nache taỹot que'eca ntaxaỹaxanaxanec.›»

Levítico 5:6

Nache camaye ỹanot Ñim Nataxala' aca qagueta, huo'otaq quetaq da lachetaqtaxanaqte maye sa imauaq da qaỹavigaxat. Qaq 'era da 'eetec da ỹo'ot ca ntaxaỹaxanaxanec da yaqto' qaỹapalaxat ca ilamaxata'a lasouaxashet que'eca shiỹaxaua.

Levítico 4:26

Nache ỹavigaxat 'enauac ca lcheta ca quetaq ỹachalec añi nca'atoxonaxalate, ỹe'enaxatchigui da ỹo'ot aca nachetaqtaxanaqte maye qanhuaachigui. Qaq da nache 'eetec de'era ca ntaxaỹaxanaxanec, nache qaỹapalaxat da npe'enaxac que'eca nataxala'.

Éxodo 22:1

Qaq da huo'o ca decachiỹa ca nauegaxanaxala' huaca, huo'otaq qagueta, nache ỹalauat huo'otaq imen, nache camaye iuen da desheetenaxanalo caua lỹa't cinco huaca da isheeten que'eca huaca, qaq da huo'otaq qagueta nache lasheue naqa'en caua lỹa't cuatro qagueta.

Levítico 7:2

Qaq da qaỹalauat ca nachetaqtaxanaxat shiguiỹac maye sa imauaq da qaỹavigaxat, nache huaña qanqa'en ca nalaataqa' na shiguiỹac maye nachetaqtaxanaxat. Qaq ca ltago'q nache qaicoroto naua laỹel añi nca'atoxonaxalate.

Números 5:8

Qaq da huo'otaq ileu que'eca shiỹaxaua maye hueto'ot ca lasouaxashet, qataq da qaica ca lauo' le'ec da yaqto' qoỹanem aca nsheetenaqte, nache qoỹanot Ñim Nataxala', qalaxaye qoỹanem ca ntaxaỹaxanaxanec, nache lỹateuo ca qagueta peenaq maye qaỹavigaxat, da yaqto' qaỹapalaxat ca lasouaxashet que'eca shiỹaxaua.

1 Samuel 6:3

Nache somaye 'enapeco' da qavi'iguelaxache añi laỹe' da naỹamaxataxac Ñim Natamnaxala' ye Israel le'ecpi, nache saishet da choche qauamaqai, maye qauauo'oi cam qaỹa'añi nache qauacheetangui ca ishet da nqat da lalemataic Ñim Nataxala'. Huaña nache ishet da qami' no'oite' qome qataq qauaỹaañi da ta'ainco' da qami' saq ỹaxaayiñi Ñimaye da qami' iuaxaataleguete.

Levítico 4:20

nache ỹe'enaxatchigui da lataxac ca huaca maye ỹaneuo da lachetaqtaxanaxat maye sa imauaq da qaỹavigaxat. Qaq 'era da 'eetec ca ntaxaỹaxanaxanec da yaqto' qaỹapalaxat ca sa nanoma npe'enaxac namayepi.