Levítico 5:15 - La'aqtaqa Ñim Lo'onatac 'Enauacna 2013

¹⁵ «Da huo'otaq huo'o ca shiỹaxaua da sa ipaguelec da ỹanot nam ishet da ỹanot Ñim Nataxala', nache camaye ỹaneuo ca qagueta qaica ca lque'emaxa da yaqto' lachetaqtaxanaxat maye sa imauaq da qaỹavigaxat. Huo'otaq naloqnagui aca lasheue que'eca shiguiỹac aca ỹaneuo, nache iroua'a Ñim Nataxala'.

Levítico 5:15 Referans Kwoze

Éxodo 30:13

Qaq ñi 'oonolec que'eca 'ereguishecpi Aỹem ỹanot qome aca cinco gramos ca lcat plata, maye tachigingui na laiñi ye lcata aca nsheetenaxanaqte da qoỹaneua'a ca npe'l.

Levítico 4:2

«Qonapega qome na Israel le'ecpi da huo'o ca shiỹaxaua da sa nanoma da npe'eelec camachaqca nam lamaxasoxonaxacpi Ñim Nataxala' qataq da ỹo'ot ca sa qaỹashen, nache 'era qome da qoỹeetec:

Esdras 10:19

somayepi ỹa'n co'ollaxa so la'aqtac da nalate' aso lamoxouapi maye chegaqauec. Ime, nache somayepi ndouo so qagueta lhuaraic da ỹauo'o lachetaqtaxanaxat da yaqto' qaỹapalaxat so lasouaxashetpi.

Levítico 7:6

Qaq 'enauac ca ỹalleppi maye ntaxaỹaxanaxanecpi ishet da chec acamaye. Qataq da chec, nache huaña ca ỹaqauga ye nqasoxoc ñi npe'l, cha'aye acamaye ỹataqta sa qaishetapec.

Levítico 7:1

Qaq 'era da llec aca nachetaqtaxanaqtepi maye sa imauaq da qaỹavigaxat, acamaye ỹataqta sa qaishetapec.

Levítico 6:6

Qataq ỹanot Ñim Nataxala' ca qagueta qaica ca lque'emaxa da lachetaqtaxanaxat maye sa imauaq da qaỹavigaxat, huo'otaq aca lasheue que'eca shiguiỹac. Nache iroua'a ca ntaxaỹaxanaxanec.

Deuteronómio 12:26

Qalaxaye ca nogoxoshet maye huotaique da qaỹa'añi da qarachetaqtaxanaxache, qataq ca qauachaxañiỹapec da qaỹa'añiỹot Ñim Nataxala', camaye iuen da qaroiua'a ca lca'ateua'a da lanataqa' Ñimaye,

Números 5:8

Qaq da huo'otaq ileu que'eca shiỹaxaua maye hueto'ot ca lasouaxashet, qataq da qaica ca lauo' le'ec da yaqto' qoỹanem aca nsheetenaqte, nache qoỹanot Ñim Nataxala', qalaxaye qoỹanem ca ntaxaỹaxanaxanec, nache lỹateuo ca qagueta peenaq maye qaỹavigaxat, da yaqto' qaỹapalaxat ca lasouaxashet que'eca shiỹaxaua.

Levítico 5:18

Nache camaye iuen da iroua'a ca ntaxaỹaxanaxanec ca qagueta maye qaica ca lque'emaxa, huo'otaq aca lasheue que'eca shiguiỹac da yaqto' lachetaqtaxanaxat maye sa imauaq da qaỹavigaxat. Qaq 'era da 'eetec ca ntaxaỹaxanaxanec da yaqto' qaỹapalaxat ca lasouaxashet maye sa nanoma da ỹo'ot que'eca shiỹaxaua.

Levítico 5:16

Qataq aca'aca lasheue que'eca shiguiỹac, nache ỹauo'o aca ỹauaxaỹaxaatalec da desheetenaxan, nache ỹanem ca ntaxaỹaxanaxanec. Qaq 'era da 'eetec ca ntaxaỹaxanaxanec da yaqto' qaỹapalaxat ca lasouaxashet que'eca shiỹaxaua chegoqchigui ca qagueta maye ỹaneuo da nachetaqtaxanaxat maye sa imauaq da qaỹavigaxat.

Levítico 5:14

Ñim Nataxala' 'enapega so Moisés, 'eeta':

Números 5:5

Ñim Nataxala' 'enapega so Moisés, 'eeta':

Números 15:24

Da huo'otaq huo'o ca nasouaxashet da saq noma na ỹalecta'a't nhuo' le'ecpi, nache 'enauac namayepi ỹaneuo ca 'oonolec huaca llalec da lachetaqtaxanaxat qaỹavigaxatta, yaqto' da ama laitaỹaxac ỹamaateguet Ñim Nataxala', qataq lỹateuo qanqa'en aca nauole, qataq ca lataxa. Nache qaipacchigui da lqataxac Ñim Nataxala', qataq qoỹaneuo nataqa'en ca quetaq da yaqto' qaỹapalaxat ca nasouaxashet.

1 Samuel 6:3

Nache somaye 'enapeco' da qavi'iguelaxache añi laỹe' da naỹamaxataxac Ñim Natamnaxala' ye Israel le'ecpi, nache saishet da choche qauamaqai, maye qauauo'oi cam qaỹa'añi nache qauacheetangui ca ishet da nqat da lalemataic Ñim Nataxala'. Huaña nache ishet da qami' no'oite' qome qataq qauaỹaañi da ta'ainco' da qami' saq ỹaxaayiñi Ñimaye da qami' iuaxaataleguete.

2 Reyes 12:16

Qaq aso anom maye nachetaqtaxanaqte naxa da lasheue da qaỹapalaxat ca npe'enaxanaxac, qataq ca nasouaxashet, asomaye saishet da qairoua'a aso atamnaxaqui, cha'aye lalamaqte som ntaxaỹaxanaxanecpi.

Levítico 1:3

Nache que'eca shiguiỹac maye ỹaneuo da lachetaqtaxanaqte da qaỹavigaxatta, da huo'otaq huaca, nache ỹauota'a ỹale, qataq qaica ca lque'emaxa yaqto' ỹaỹamaxareeta Ñim Nataxala'. Ime, nache iroua'a ye ñegueuo ñi npe'l maye huaña naxa da qanauane' Ñimaye.

Levítico 1:10

Qaq da huo'o ca ỹaneuo ca qagueta huo'otaq quetaq da lachetaqtaxanaxat qaỹavigaxatta, nache camaye ỹauota'a ỹale qataq qaica ca lque'emaxa,

Levítico 14:12

Ime, nache ca ntaxaỹaxanaxanec ỹaconeua'a ca 'oonolec que'ecaua qagueta, nache ỹaneuo lỹateuo naqa'en ca laỹolec ca aceite da yaqto' lachetaqtaxanaxat maye sa imauaq da qaỹavigaxat, nache ỹaasheguem da ỹanot Ñim Nataxala'.

Levítico 27:3

Qaq camaye da ỹale qataq mashe ivi' caua veinte vi'iye, huo'otaq sesenta vi'iye da nachaalataxac, nache cincuenta naqa'en caua lca'achole aca plata aca lasheue, nache iroua'a ñi npe'l maye huaña naxa da qanauane' Ñim Nataxala'.

Ezequiel 40:39

Qaq se'eso ñegueuo, nache netañalo soua cuatro nquia'axala'ate. Dos soua netañalo na 'oonolec laỹe se'eso ñegueuo, qaq nachesoua naxa soua qaỹachaleguete da qaỹalauat na shiguiỹacpi maye nachetaqtaxanaxat qaỹavigaxatta, qataq ana nachetaqtaxanaqte da yaqto' qaỹapalaxat na nasouaxashetpi, huo'otaq ca lỹa nasouaxashet.