Levítico 5:13 - La'aqtaqa Ñim Lo'onatac 'Enauacna 2013

¹³ da yaqto' ca ntaxaỹaxanaxanec ỹo'ot da qaỹapalaxat camachaqca lasouaxashet maye ỹo'ot que'eca shiỹaxaua. Qaq nache 'ena'am da lataxac aca nachetaqtaxanaqte maye chegaqaigui ana ala ca nañiguishec. Qaq ca no'onañi, nache taỹot que'eca ntaxaỹaxanaxanec.›»

Levítico 5:13 Referans Kwoze

Levítico 2:3

Qaq ca no'onañi laỹepi aca'aca nachetaqtaxanaqte maye chegaqaigui ana ala na nañiguishec, nache taỹot ñi Aarón qataq na llalaqpi. Cha'aye qaiỹotauga nachetaqtaxanaqte maye qaỹavigaxat da qoỹanot Ñim Nataxala', qaq anamaye ỹataqta sa qaishetapec.

Levítico 4:26

Nache ỹavigaxat 'enauac ca lcheta ca quetaq ỹachalec añi nca'atoxonaxalate, ỹe'enaxatchigui da ỹo'ot aca nachetaqtaxanaqte maye qanhuaachigui. Qaq da nache 'eetec de'era ca ntaxaỹaxanaxanec, nache qaỹapalaxat da npe'enaxac que'eca nataxala'.

1 Corintios 9:13

Qami' qauaỹaañi da na do'onataxaategueua'a añi no'onaxanaxaqui late'erai, namayepi chectac na nallec maye lalamaxat añi no'onaxanaxaqui. Dam ỹoqta sheetega 'eeta': nam huetapegue' añi nca'atoxonaxalate da ỹavigaxattac na nachetaqtaxanaxat huaca lapat, namayepi chectac na qaiỹotauga lapat.

Oseas 4:8

Qataq ỹachegoxottapigui na lasouaxashetpi nam ỹalamaxat nhuo' le'ecpi da lquia'axac namayepi, ỹoqo'oye ỹayeeta'a da nache ỹo'ottac na qauem nam shiỹaxauapi maye ỹalamaxatpi.

1 Samuel 2:28

Qataq sachegoxottoigui 'enauac na Israel le'ecpi da lleca'aua'a so Aarón da yaqto' itaxaỹaxanaxanec, qataq da ỹaneuo aso nachetaqtaxanaqte maye qaỹavigaxatta, ỹasaxalec aso nca'atoxonaxalate maye ỹalamaqte, qataq da ỹavigaxat na nchenaxanaxat maye ama da laitaỹaxac, qataq da ỹaatañi so ntogue lapoxot le'enaxat efod da Aỹem naua'a. Qataq sanem co'ollaxa so hua'au 'arhuo' 'enauac aso nachetaqtaxanaqtepi maye na Israel le'ecpi ỹavigaxat naxa da Aỹem ỹanot.

Levítico 7:6

Qaq 'enauac ca ỹalleppi maye ntaxaỹaxanaxanecpi ishet da chec acamaye. Qataq da chec, nache huaña ca ỹaqauga ye nqasoxoc ñi npe'l, cha'aye acamaye ỹataqta sa qaishetapec.

Levítico 5:6

Nache camaye ỹanot Ñim Nataxala' aca qagueta, huo'otaq quetaq da lachetaqtaxanaqte maye sa imauaq da qaỹavigaxat. Qaq 'era da 'eetec da ỹo'ot ca ntaxaỹaxanaxanec da yaqto' qaỹapalaxat ca ilamaxata'a lasouaxashet que'eca shiỹaxaua.

Levítico 4:31

Ime, nache nqat 'enauac ca lcheta, ỹe'enaxatchigui da lataxac da nqat ca lcheta aca nachetaqtaxanaqte maye qanhuaachigui. Qaq ca ntaxaỹaxanaxanec, nache ỹavigaxat, ỹachalec añi nca'atoxonaxalate, yaqto' da ama laitaỹaxac ỹamaateguet Ñim Nataxala'. Qaq da nache 'eetec de'era ca ntaxaỹaxanaxanec, nache qaỹapalaxat ca npe'enaxac que'eca shiỹaxaua.

Levítico 4:20

nache ỹe'enaxatchigui da lataxac ca huaca maye ỹaneuo da lachetaqtaxanaxat maye sa imauaq da qaỹavigaxat. Qaq 'era da 'eetec ca ntaxaỹaxanaxanec da yaqto' qaỹapalaxat ca sa nanoma npe'enaxac namayepi.

Levítico 2:10

Qaq ca no'onañi laỹepi aca'aca nachetaqtaxanaqte maye chegaqaigui ana ala ca nañiguishec, nache taỹot ñi Aarón qataq na llalaqpi. Cha'aye aca'aca qaiỹotauga nachetaqtaxanaqte maye qaỹavigaxat da qoỹanot Ñim Nataxala', acamaye ỹataqta sa qaishetapec.

Levítico 5:4

Qaq da huo'otaq huo'o ca shiỹaxaua da nỹalaqtoc da ỹan ca la'aqtac da 'eetega ipacchigui da ỹo'ot ca ỹaỹamaqchiguiñi, huo'otaq ca sa ỹaỹamaxañi. Qalaxaye da ivita da nanoma de'era npe'enaxac, nache camaye huo'o ca lasouaxashet.

Levítico 5:5

Qaq da huo'otaq huo'o ca nache 'eeta'am de'era ca npe'enaxac, nache iuen da ỹa'axatta da ỹoqta 'eesa que'eca lasouaxashet.

Levítico 5:10

Qaq ca lỹa qoto', nache nachetaqtaxanaxat qaỹavigaxatta, qataq ỹe'enaxatchigui da maiche lataxac da qaỹo'ot. Qaq da nache 'eetec de'era ca ntaxaỹaxanaxanec, nache qaỹapalaxat ca ilamaxata'a lasouaxashet que'eca shiỹaxaua.

Levítico 5:12

Ime, nache que'eca shiỹaxaua iroua'a ca ntaxaỹaxanaxanec. Qaq camaye ỹaconeguet, nache ỹauota'a 'oonole napocna da ỹacona ca lsoche ana nañiguishe ala da nachetaqtaxanaxat maye naigui da qaiuennate da Ñim Nataxala' lalamaxat 'enauacna, qataq nache ỹavigaxat ỹachalec añi nca'atoxonaxalate. Nache ỹachalec aca laỹepi nachetaqtaxanaqtepi maye qaỹavigaxat. Qaq 'era da 'eetec aca nachetaqtaxanaqte maye sa imauaq da qaỹavigaxat souaxat ca nasouaxashet,

Levítico 5:14

Ñim Nataxala' 'enapega so Moisés, 'eeta':

Levítico 5:16

Qataq aca'aca lasheue que'eca shiguiỹac, nache ỹauo'o aca ỹauaxaỹaxaatalec da desheetenaxan, nache ỹanem ca ntaxaỹaxanaxanec. Qaq 'era da 'eetec ca ntaxaỹaxanaxanec da yaqto' qaỹapalaxat ca lasouaxashet que'eca shiỹaxaua chegoqchigui ca qagueta maye ỹaneuo da nachetaqtaxanaxat maye sa imauaq da qaỹavigaxat.