Levítico 5:11 - La'aqtaqa Ñim Lo'onatac 'Enauacna 2013

¹¹ Qalaxaye que'eca shiỹaxaua da ỹataqta sa nalolec da desheenaxanalo caua dos qoto' lta'araiqa, huo'otaq caua qoto' llalqa, nache irouo ca dos kilos ca ỹataqta no'on lsoche na ala ca nañiguishec, da yaqto' lachetaqtaxanaxat. Qalaxaye saishet da icorelec ca aceite qataq da ỹachalec ca nchenaxanaxat qo'oipaq lcha'q ama na laita, cha'aye nachetaqtaxanaxat maye sa imauaq da qaỹavigaxat souaxat ca nasouaxashet.

Levítico 5:11 Referans Kwoze

Números 5:15

Qaq da nache 'eetec de'era, nache que'eca ỹale, ỹauegueua'a ca ntaxaỹaxanaxanec aca lhua, nache ỹaneuo ca dos kilos ca 'ayiiña, chegaqaigui na cebada da lachetaqtaxanaxat camaye. Qalaxaye saishet da icorelec ca aceite huo'otaq ca nchenaxanaxat aca'aca lachetaqtaxanaqte, cha'aye acamaye nachetaqtaxanaqte souaxat da nca'alaxanaxac. Qataq acamaye nachetaqtaxanaqte da yaqto' ya'aqalec ca nasouaxashet.

2 Corintios 5:21

So Cristo ỹataqta qaica ca lasouaxashet. Qalaxaye souaxat qomi', nache Ñim Lo'onatac 'Enauacna, 'eeta'am naqa'en ca 'etaxaloxoic, da yaqto' chegoqchigui Somaye da qomi' ỹaỹamaxareete' Ñimaye.

Números 7:13

Nache somaye ỹaneuo so nquia'axaqui lta'araic lcat plata maye ivi' mil cuatrocientos treinta gramos, qataq aso 'oonole ỹomaxaqui late'erai maye ivi' setecientos setenta gramos, cha'aye nachañi añi lasheue na qoỹaneua'a so npe'l. Qaq soomaye nlaqchiguilo so ỹataqta no'on 'ayiiña maye qairaqneguet na aceite, qaq somaye nachetaqtaxanaxat maye chegaqaigui na ala so nañiguishec,

Levítico 5:12

Ime, nache que'eca shiỹaxaua iroua'a ca ntaxaỹaxanaxanec. Qaq camaye ỹaconeguet, nache ỹauota'a 'oonole napocna da ỹacona ca lsoche ana nañiguishe ala da nachetaqtaxanaxat maye naigui da qaiuennate da Ñim Nataxala' lalamaxat 'enauacna, qataq nache ỹavigaxat ỹachalec añi nca'atoxonaxalate. Nache ỹachalec aca laỹepi nachetaqtaxanaqtepi maye qaỹavigaxat. Qaq 'era da 'eetec aca nachetaqtaxanaqte maye sa imauaq da qaỹavigaxat souaxat ca nasouaxashet,

Levítico 5:9

Ime, nache nlom da ichegoxolec na 'oonolec laỹe añi nca'atoxonaxalate ca ltago'q que'eca nachetaqtaxanaxat. Qaq ca no'onañi, nache ichegoqot na pa'aguiñi añi nca'atoxonaxalate, cha'aye nachetaqtaxanaxat maye sa imauaq da qaỹavigaxat.

Levítico 5:6

Nache camaye ỹanot Ñim Nataxala' aca qagueta, huo'otaq quetaq da lachetaqtaxanaqte maye sa imauaq da qaỹavigaxat. Qaq 'era da 'eetec da ỹo'ot ca ntaxaỹaxanaxanec da yaqto' qaỹapalaxat ca ilamaxata'a lasouaxashet que'eca shiỹaxaua.

Éxodo 16:36

Qaq so Israel le'ecpi da naloqten aso maná, nache do'ogoxona aso naloqnaxanaxaqui maye ivi' dos kilos asom le'enaxat gomer.

Éxodo 16:18

Qaq ivi' dos kilos na ỹacootaua'a ñi 'oonolec, ỹaconeua'a yem lcata ye iuen da chec. Qalaxaye saishet da huo'o ca lli'iỹoxot nam ỹactec na ỹacona, qataq saishet da huo'o ca iueetac nam saq 'amaqtaq na ỹacona.

Lucas 2:24

Na namaxasoxonaxacpi nataqa'en ỹa'axat da iuen da qaỹauo'o aca nachetaqtaxanaqte da qoỹanot Ñim Lo'onatac 'Enauacna, ishet da qaỹauota'a dos qoto', huo'otaq caua dos llalqa na 'ollolec.

Hebreos 9:22

Qaq na namaxasoxonaxacpi ỹa'axat da naua ntago'q hua'c da ishet da ỹapalaxat na nasouaxashetpi maye chegaqaigui nam ỹotta'a't qaỹo'otpi. Qataq iuen da sanaqoto Ñim Lo'onatac 'Enauacna caua ntago'q da yaqto' ỹapalaxat na qarasouaxashetpi.

Levítico 1:14

Qaq da huo'o ca ỹanot ca lachetaqtaxanaxat qaỹavigaxatta Ñim Nataxala' da huo'otaq maỹo, nache ỹauota'a ca qoto' lta'araic, huo'otaq ca qoto' llalec.

Levítico 6:20

«Qaq da ivita ca na'a'q da qoỹanaguilo da lo'onataxanaxa'c ñi Aarón qataq ñeua llalqa, nache ñiimaye ỹaarot qome Ñim Nataxala' ca lachetaqtaxanaxa't, ỹauotra'a dos kilos ca lsoche ana ala ca nañiguishec, nache ỹaareuo ca 'oonolec laỹe ca nte'eta, qaq ca lỹa laỹe qalaq ỹaareuo ca avit. Qaq 'era da 'eetra'ac qome 'enauaque naua na'axa'te.

Levítico 14:21

Qaq da huo'otaq choxoraq que'eca dalolaxaic, nache camaye ỹaconeua'a ca 'oonolec qagueta llalec da yaqto' lachetaqtaxanaxat, qataq ca napacttelec na dos kilos na ỹataqta no'on lsoche na ala ca nañiguishec maye qairaqneguet na aceite, da yaqto' lachetaqtaxanaxat, qataq ca ỹaqauga laỹolec ca aceite,

Levítico 27:8

Qaq que'eca shiỹaxaua da ỹachaxanapec co'ollaxa da ỹan ca lauo' le'ec, da ỹapac choxoraq da sa nalolec da isheeten aca lasheue camaye, nache iuen da taua'a ca ntaxaỹaxanaxanec da yaqto' camaye ỹo'ot aca lasheue, maye nalota'ai' da isheeten camaye.

Levítico 12:8

Qaq aca 'alo da huo'otaq sa nalolec da desheenaxana ca qagueta, nache acamaye ishet da ỹaareuo caua dos qoto' llalqa, huo'otaq caua dos qoto' lta'araiqa, nache 'oonolec ca lachetaqtaxanaxat qaỹavigaxatta, qaq ca lỹa nache lachetaqtaxanaxat maye sa imauaq da qaỹavigaxat. Nache ca ntaxaỹaxanaxanec ỹanot Ñim Nataxala', da yaqto' qaỹapalaxat na lasouaxashet aca'aca 'alo, huaña nache acamaye qui'itta.