Levítico 4:27 - La'aqtaqa Ñim Lo'onatac 'Enauacna 2013

²⁷ Da huo'o ca 'oonolec ne'ena Israel le'ecpi da sa nanoma da huo'o ca npe'eelec nam lamaxasoxonaxacpi Ñim Nataxala', souaxat da ỹo'ot ca sa qaỹashen da qaỹo'ot, nache camaye huo'o ca lasouaxashet.

Levítico 4:27 Referans Kwoze

Levítico 4:2

«Qonapega qome na Israel le'ecpi da huo'o ca shiỹaxaua da sa nanoma da npe'eelec camachaqca nam lamaxasoxonaxacpi Ñim Nataxala' qataq da ỹo'ot ca sa qaỹashen, nache 'era qome da qoỹeetec:

Números 15:27

Qaq da huo'otaq 'oonolec shiỹaxaua, ca ilamaqalec ca lasouaxashet, nache camaye ỹaneuo aca quetaq llale maye ivi' ca 'oonolec vi'i, da lachetaqtaxanaqte, yaqto' qaỹapalaxat ca lasouaxashet.

Levítico 4:13

Qaq da huo'otaq 'enauac na ỹalecta'a't Israel le'ecpi da huo'o ca npe'enaxac, qataq sa nanoma da ỹo'ot cam sa qaỹashen da qaỹo'ot, nache namayepi huo'o da lasouaxashet, cha'aye saishet da ỹalaxaguet na lqataxacpi Ñim Nataxala'.

Números 15:29

Qaq nache 'oonolec de'era qalapaxañi lataxac da ỹo'ot qome na Israel le'ecpi, qataq ca chegaqauecpi maye netaigui namayepi, da ivita da huo'o ca ilamaqalec ca lasouaxashet.

Números 5:6

«Qonapega na Israel le'ecpi, qoneta': Da huo'o ca ỹale huo'otaq 'alo da huo'o ca lasouaxashet hueto'ot ca lỹa, nache camaye nataqa'en huo'o da lasouaxashet hueto'ot Ñim Nataxala',

Números 15:16

Nache 'oonolec de'era namaxasoxonaxac, qataq nqataxac maye qalapaxañi lataxac, da qauo'ocheetac qami' qataq ca chegaqauecpi.»

Éxodo 12:49

Qaq de'era qalapaxañi lataxac nachera da qaỹo'otec qome ca maiche lañoqo' ne'ena 'alhua qataq ca choche chegaqauec da qami' netaiguilo.»

Levítico 4:22

Qaq da huo'otaq nataxala' que'eca npe'eelec na lqataxacpi Ñim Nataxala' maye Natamnaxala', souaxat da ỹo'ot ca sa qaỹashen da qaỹo'ot, nache camaye huo'o ca lasouaxashet.

Levítico 9:15

Ime, nache so Aarón ỹaneuo nataqa'en so lachetaqtaxanaxat so Israel le'ecpi. Nache ỹacona so quetaq maye nachetaqtaxanaxat sa imauaq da qaỹavigaxat, nache ipelecot na lqosot, yaqto' qaỹapalaxat na nasouaxashetpi, 'eeta'am so hua'auñi lachetaqtaxanaxat.

Ezequiel 45:20

Qaq 'eeta'am qanqa'en ca qaỹo'ot, da ivireuga ca na'a'q siete ye 'oonolec ca'agoxoic, da talec qanqa'en da nqouagaxa ca camachaqca maye huo'o ca ỹasouaxat maye ilamaxatalec, huo'otaq saishet da noma. Qaq 'era da 'eetec da qaiỹo aca atamnaxaqui.

Levítico 5:17

Da huo'o ca shiỹaxaua da sa nanoma da npe'eelec na lamaxasoxonaxacpi Ñim Nataxala', nache ỹo'ot ca sa qaỹashen da qaỹo'ot, nache camaye nque'etaxangui qome que'eca lasouaxashet.

Números 15:22

Qaq saiuena'a da huo'o ca sa qaipaguelec ne'ena namaxasoxonaxacpi maye samaxalec so Moisés da qami' da'aqataxanema,

Salmos 19:13

Qataq aỹem 'anqateeguesop qome da ña'amqaanaxac, qataq saishet qome da aỹem 'auashenem da ña'amqaanaxac da aỹem loxonec. Yaqto' nalochiguiñi da ỹataxac, qataq saishet da lta'araic ca ỹasouaxashet.

Ezequiel 45:17

qaq que'eca nta'a, camaye huapegue' qome da ỹan ca shiguiỹacpi da yaqto' nachetaqtaxanaxatpi maye qaỹavigaxatta, qataq aca nachetaqtaxanaqte maye ala na nañiguishec, qataq ca lataxa, da ivita da dalaxaic so ca'agoxoic, qataq yem na'a'q mataxaqui, qataq 'enauac na naponaxacpi na Israel. Qaq nataqa'en ỹaneuo qome aca nachetaqtaxanaqte souaxat ca nasouaxashet, qataq aca nachetaqtaxanaqte ala na nañiguishec, qataq aca nachetaqtaxanaqte qaỹavigaxatta, qataq aca nachetaqtaxanaqte maye ỹa'axat da manaxac, yaqto' ishet da qaỹapalaxat na nasouaxashetpi na Israel.