Levítico 4:2 - La'aqtaqa Ñim Lo'onatac 'Enauacna 2013

² «Qonapega qome na Israel le'ecpi da huo'o ca shiỹaxaua da sa nanoma da npe'eelec camachaqca nam lamaxasoxonaxacpi Ñim Nataxala' qataq da ỹo'ot ca sa qaỹashen, nache 'era qome da qoỹeetec:

Levítico 4:2 Referans Kwoze

Hebreos 9:7

Qalaxaye so pa'auo Ndaqa' maye sa Qaishetapec, qalaq nda'a't ca lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna ishet da taua'a, qalaxaye 'oonolec na'a'q ye vi'i. Ỹachetrauo naua ltago'q na shiguiỹac da ỹaneuo da yaqto' qaỹapalaxat ca maiche lasouaxashet, qataq nam Israel le'ecpi, qataq iỹaxanot Ñim Lo'onatac 'Enauacna da ỹapalaxat na lasouaxashetpi maye saishet da noma.

Salmos 19:12

¿Negue't ca ishet da ila'a ca maiche lalamaxat lsomaxac? Ỹoqo'oye aỹem 'auchoxoren qome, 'am Ỹataxala', souaxat na ỹasouaxashetpi maye saqcha'a.

Levítico 4:27

Da huo'o ca 'oonolec ne'ena Israel le'ecpi da sa nanoma da huo'o ca npe'eelec nam lamaxasoxonaxacpi Ñim Nataxala', souaxat da ỹo'ot ca sa qaỹashen da qaỹo'ot, nache camaye huo'o ca lasouaxashet.

Hebreos 5:2

Qaq cha'aye que'eca ntaxaỹaxanaxanec ye nataqa'en huo'o da lqalaic da ỹalaxaguet Ñim Lo'onatac 'Enauacna, nache iuen da ỹachaxan da nhualaxaune' nam qaica ca ỹaỹaanapec qataq 'etaxaloxoicpi.

1 Timoteo 1:13

Qaq Somaye aỹem ỹo'otec de'era, na'aictaxa da so lỹa na'a'q ỹataqta sasaxaleguete na itaxaỹaxaco qauema da sa seyacnapec, qataq secaatac, qataq sesheueetac. Qalaxaye Ñim Lo'onatac 'Enauacna ỹataqta aỹem ichoxoren, cha'aye saxanaxa da sa'amaqten So Jesús, qataq ỹataqta sa saỹaten da so'ottac.

1 Samuel 14:27

Qalaxaye so Jonatán, ye saishet co'ollaxa da hua'aqchigui so ỹan la'aqtac so lta'a da 'enapega so nalleppi, nache somaye ỹauota'a so npon maye nasoqta'a da ỹa'areua'a na laỹe so te'esaq lta'a lli'i, nache na huagui so lsheenec somaye nache chec, qaq huaña nache pasa'a da huo'o da la'añaxac.

Deuteronómio 19:4

Nache que'eca dalaataxan maye ỹe'egueneua'a que'eca huaqta'a't nỹecpi, ishet da nca'alec da 'eesa da choche ilamaxata'a da ỹalauat ca lỹa, cha'aye saishet da ỹoqta lhuennataxac, qataq saishet da dalematatega camaye.

Levítico 4:22

Qaq da huo'otaq nataxala' que'eca npe'eelec na lqataxacpi Ñim Nataxala' maye Natamnaxala', souaxat da ỹo'ot ca sa qaỹashen da qaỹo'ot, nache camaye huo'o ca lasouaxashet.

Levítico 4:13

Qaq da huo'otaq 'enauac na ỹalecta'a't Israel le'ecpi da huo'o ca npe'enaxac, qataq sa nanoma da ỹo'ot cam sa qaỹashen da qaỹo'ot, nache namayepi huo'o da lasouaxashet, cha'aye saishet da ỹalaxaguet na lqataxacpi Ñim Nataxala'.

Génesis 20:9

Qaq ime co'ollaxa, nache so Abimelec iỹaxaneuga so Abraham, nache 'enapega, 'eeta': «¡Ña 'aula'a dam qomi' 'auo'oteque! ¿Negue't cam 'am so'otec qauem da yaqto' aỹem 'auasaxalec da lta'araic ỹasouaxashet, qataq na selotague' shiỹaxauapi? De'era aỹem 'auo'otec, damaye saỹaỹamaxañi.»

Levítico 4:1

Ñim Nataxala' 'enapega so Moisés, 'eeta':

Levítico 22:14

Qaq ca shiỹaxaua da ilamaxata'a da chec ca nallec maye qoỹaneuo da nachetaqtaxanaxat, nache camaye iuen da isheeten ca nallec maye chec, qataq ỹauo'o aca ỹactec lsheetenaxanaqte, da ỹanem ca ntaxaỹaxanaxanec.

Números 35:11

nache qauỹochiỹauga qome ca ñe'eguenaxaquipi huaqta'a't nỹecpi maye ỹotta'a't naua nañalo, yaqto' ishet da ỹe'egueneua'a ca shiỹaxaua maye choche ilamaxata'a da ỹalauat ca lỹa.

Eclesiastés 5:6

Saishet da 'aua'aqta'a ñi 'arachaxat da ỹauo'o ca 'arasouaxashet, qaq ime nache 'aua'aqtaxanem cam lamaxashec Ñim Lo'onatac 'Enauacna da qonetega chochaq 'aulamaqalec cam 'ara'aqtac. ¿Ta'ainco' da 'auo'ot da dalemata Ñim Lo'onatac 'Enauacna souaxat cam 'ara'aqtac, nache nlaxaañi cam 'aro'onatac?

Salmos 19:13

Qataq aỹem 'anqateeguesop qome da ña'amqaanaxac, qataq saishet qome da aỹem 'auashenem da ña'amqaanaxac da aỹem loxonec. Yaqto' nalochiguiñi da ỹataxac, qataq saishet da lta'araic ca ỹasouaxashet.